Matiyu 3
3
1Penūri imo nempugon Yōane baptiso yivelum memtorenūwisah ra nūrū wokon ra Yūdia memokū, 2Uvĭeves nōwami ĭt lō ūnpokūp umpotipot; 3ĭt Isēya profet yep-menūwi ugi iyi memokū, Navian eni sī umentorenūwisah ra nūrū wokon, Utĭ selat alam nĭsekon Novsūro-mon, wumpi nugko ōvun selemsug eni. 4Miyi Yōane yemevīugi noveliran kamel memetōetĭgi nokolistan, ĭm nevag eni yeti wōfi, ĭm huni ra nūrū wokon.
5Mirora sū ra Yerūsalem ĭm nūrū sū Yūdia, 6ĭm nū ū sū nagkaūugi Yordan dūmūve pugi mūrnūvĭ baptĭsma iranda marugi iyi ra Yordan mūmūnūatumpeni sat sū enirora.
7Miyi yemokesora ōvun Faresi mōvum Somūl sikat dūmūvelum ra baptĭsma eni, memenūwi punora memokū, Ovun netnime neskil! mē okosemevsi pugkūm woralō marugi narakĭ umampelum? 8Uvūo kĭmi ugi ōvun novūan ves marugi nōwami ĭtevaū; 9mūtūsepen enūwi pugkūm tuagkū, Ebraham ĭtemen enugkos; ĭt ya umanūwi pugkūm memagkū, Nōbū faneteme wore-vitūohsah ōvuu netnime iran Ebraham marugi imo nevat sū.
10Im marima otipe ūtevil ra nōatnin nē sū; ĭm nē sū mori ūtūmampūo novūan aremī, wandevi muntafugi ra nom. 11Ya umbaptiso irami ugi nū wokon ma kĭmi kwampĭeves nōwami; kō iyi mori umampelum penūri yaū mōmū horog irag, yaū tawi aremī mamsi woravan eni ra nōwon; iyi ambaptiso irami ugi Naviat Tumpora ĭm nom; 12sĭv eni ra nokoven miyi onaroven sū ōvun novūan eni mō menalekon semsimugi whit eni ūnisog woretavĭnapon eni; kō novkĭlien iyi atni ugi nom otū onesili.
13Im Iesū yemne ra Kalĭli mĭmpelum ra Yordan pugi Yōane worevĭ baptĭsma iran marugi iyi. 14Kō Yōane yematipotni worenūali pugi, memenūwi memokū, Mōmū aremī kĭk ambaptiso irag, ĭm kĭk okovelum po yaū.
15Im Iesū yemtamsi memenūwi pugi memokū, Etū atekĭsah marima, ĭt aremī kos kwagkompeli entiame tanepō: miyi yetū atekĭsah. 16Im pol sugkū Iesū yivī baptisma iran, marimago yivesah marugi nū; ĭm pokūp yemtīpelah iran, miyi yemokesi Naviat eni Nōbū yemyep sugkū ūmpon memtasi iran; 17ĭm sī navian yemne ūnisog pokūp mori memenūwi memokū, Imo Netūg, paū, ya ūmampekotekat ugi iyi.
Επιλέχθηκαν προς το παρόν:
Matiyu 3: ERGNT79
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Erromangan New Testament © British and Foreign Bible Society, 1909,1979.