GENESIS 12
12
Abasi Okot Abram
1EKEM, Jehovah ɔdɔhɔ Abram, ete, Nam daha ke isɔŋ fo ye ke ebiet emana fo, ye ke ufɔk usɔ, ka ke isɔŋ eke 2ndiwutde fi: ndien nyenam fi akabare edi akamba idut, nnyuŋ ndiɔŋ fi, nnyuŋ nnam enyiŋ fo okpon; afo eyenyuŋ edi se ediɔŋde: 3nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.
4Ndien Abram adaha aka, nte Jehovah ɔkɔdɔhɔde enye; Lot onyuŋ aka ye enye: Abram onyuŋ osim isua ata ye efut ke ini enye adahade ke Haran. 5Ekem, Abram ada Sarai ŋwan esie, ye Lot eyen eyen eka esie, ye kpukpru inyene emi mmɔ ekekɔde, ye owo emi mmɔ ekenyenede ke Haran; ndien mmɔ edaŋa ete ika ke isɔŋ Canaan; ndien mmɔ edi ke isɔŋ Canaan.
6Ndien Abram asaŋa ke ufɔt isɔŋ oro ebe osim ke ebiet Shechem, ke ɔtɔ Moreh. Mme Canaanite enyuŋ edu ke isɔŋ ke ini oro. 7Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye. 8Ekem, enye adaha do aka akamba obot kiet ke edem Beth-el emi utin asiahade, ndien owuk tent esie, Beth-el ke ada ke edem usop utin, ye Ai ke edem usiaha utin: ndien enye anam itie uwa do ɔnɔ Jehovah, onyuŋ okot Jehovah ke enyiŋ. 9Ndien Abram ɔwɔrɔ iduŋ aka usuk-usuk.
10Ekem, akaŋ odu ke edem oro: ndien Abram ɔsuhɔre aka Egypt ete idaŋ do; koro akaŋ ɔsɔŋde ke edem oro. 11Ndien edikem ke ini enye ekperede Egypt ndiduk, ndien enye ɔdɔhɔ Sarai aŋwan esie ete, Mbɔk, sese, mmɔfiɔk 12nte afo edi eye iso aŋwan: ndien ama ekem ke adaŋemi nditɔ Egypt edikutde fi, mmɔ eyedɔhɔ ete, ŋwan esie edi emi; ndien mmɔ eyewot mi, edi eyenim fi uwem. 13Mbɔk dɔhɔ ete, ke afo edi eyen ete mi aŋwan kpaŋ ɔkpɔfɔn mi abaŋa fi; ukpɔŋ mi okponyuŋ odu uwem abaŋa fi.
14Edikem ke ini Abram odukde ke Egypt, nditɔ Egypt ekut ŋwan oro nte eyede eti-eti. 15Ikpɔ owo Pharaoh enyuŋ ekut enye, ndien eketoro enye enɔ Pharaoh: ndien eda ŋwan oro eka ke ufɔk Pharaoh: 16enye onyuŋ ɔfɔn ido ye Abram abaŋa ŋwan: enye onyuŋ enyene erɔŋ, ye enaŋ, ye nyara ass, ye ifin iren ye ifin iban, ye mme 17uman ass, ye camel. Ndien Jehovah amia Pharaoh ye ufɔk esie ata akamba ufen ke ikɔ Sarai, ŋwan Abram. 18Ndien Pharaoh okot Abram edi, onyuŋ ɔdɔhɔ ete, Nso ŋkpɔ ke afo anam emi ye ami? 19Nsinam afo mutiŋke unɔ mi ete ke enye edi ŋwan fo? Nsinam afo ɔdɔhɔde ete, Ke enye edi eyen uka? ndien mme ami ŋkpadada enye ndɔ: se ŋwan fo ndien, da, nyɔŋ. 20Pharaoh onyuŋ owuk kpukpru owo abaŋa enye: ndien mmɔ eyak enye, ye ŋwan esie, ye kpukpru se enye enyenede, enyɔŋɔ.
Επιλέχθηκαν προς το παρόν:
GENESIS 12: ENA
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Efik Old Bible With Sectional Headings © Bible Society of Nigeria, 2013, 2019.