လံာ်စီၤမိၤရှ့အခီၣ်ထံးတဘ့ၣ်. ၂၂
၂၂
1ဒီးတၢ်မၤအသးလၢတၢ်တဖၣ်န့ၣ်အလီၢ်ခံဒီး, ယွၤ မၤကွၢ်စီၤအၤဘြၤဟၣ်, ဒီးစံးဘၣ်အီၤ, စီၤအၤဘြၤဟၣ် ဧၢ, ဒီးစံးဝဲဒၣ်, ကွၢ်ကွၢ်, ယၤလီၤ. 2ဒီးစံးဝဲဒၣ်, ဟံး န့ၢ်နဖိခွါ, နဖိခွါတဂၤဃီ, စီၤအံၤစဲးလၢနအဲၣ်အီၤ,ဒီး လဲၤဆူကီၢ်မိၤရံယၤ, ဒီးလုၢ်ထီၣ်အီၤဖဲန့ၣ်လၢတၢ်လုၢ် မ့ၣ်အူလၢကစၢၢ်တဖျၢၣ်အလိၤ လၢကစၢၢ်အကျါ, လၢ ယကစံးဘၣ်နၤန့ၣ်တက့ၢ်. 3ဒီးစီၤအၤဘြၤဟၣ်ဂဲၤဆၢထၢၣ်ဂီၤဂီၤ, ဒီးဂီၤကၢ်အကသ့ၣ်ယီၤ, ဒီးဟံးန့ၢ်အဖိၣ်သၣ်ခွါခံဂၤ, ဒီးအဖိခွါစီၤအံၤစဲး, ဒီးဖးသ့ၣ်မုၣ်လၢတၢ်လုၢ်မ့ၣ်အူအဂီၢ်, ဒီးဂဲၤ ဆၢထၢၣ်ဒီးလဲၤဝဲဆူအလီၢ်လၢယွၤစံးဘၣ်အီၤန့ၣ်လီၤ.
4ဒီးသၢနံၤတနံၤန့ၣ် စီၤအၤဘြၤဟၣ်ကျ့ထီၣ်အမဲာ်, ဒီး ထံၣ်ဘၣ်အလီၢ်န့ၣ်အိၣ်လၢအယံၤလီၤ.
5ဒီးစီၤအၤဘြၤဟၣ်စံးဘၣ်ဖိၣ်သၣ်ခွါတဖၣ်, အိၣ်သု ဝဲဒီးကသ့ၣ်ယီၤဖဲအံၤတက့ၢ်. ဒီးယဲဒၣ်ဒီးဖိသၣ်အံၤပ ကလဲၤဆူဘးန့ၣ်, ဒီးဘူၣ်တၢ်ဘါတၢ်, ဒီးဟဲက့ၤက ဒါက့ၤဆူသုအိၣ်လီၤ.
6ဒီးစီၤအၤဘြၤဟၣ် ဟံးန့ၢ်တၢ်လုၢ်မ့ၣ်အူအသ့ၣ်မုၣ်, ဒီးပာ်ဝဲလၢအဖိခွါစီၤအံၤစဲးအလိၤ, ဒီးဟံးန့ၢ်မ့ၣ်အူ, ဒီး ဒီတဘ့ၣ်လၢအစုပူၤ, ဒီးလဲၤဝဲခံဂၤလၢာ်တပူၤဃီလီၤ.
7ဒီးစီၤအံၤစဲးကတိၤတၢ်ဒီးအပၢ် စီၤအၤဘြၤဟၣ်, ဒီး စံးဝဲဒၣ်, ယပၢ်ဧၢ, ဒီးစံးဝဲဒၣ်, ယဖိဧၢ, ကွၢ်ကွၢ်, ယၤလီၤ. ဒီးစံးဝဲဒၣ်, ကွၢ်ကွၢ်, မ့ၣ်အူဒီးသ့ၣ်မုၣ်အိၣ် ဝဲလီၤ. မ့မ့ၢ်သိဖိလၢတၢ်လုၢ်မ့ၣ်အူအဂီၢ်န့ၣ်, မ့ၢ်အ အိၣ်ဖဲလဲၣ်.
8ဒီးစီၤအၤဘြၤဟၣ်စံးဝဲဒၣ်, ယဖိဧၢ, ယွၤကထံၣ်န့ၢ် ဒၣ်သိဖိလၢတၢ်လုၢ်မ့ၣ်အူလၢအဂီၢ်ဒၣ်ဝဲလီၤ. ဒီးလဲၤခံ ဂၤလၢာ်တပူၤဃီလီၤ. 9ဒီးလဲၤတုၤလၢအလီၢ်လၢယွၤ စံးတ့ၢ်အီၤ, ဒီးစီၤအၤဘြၤဟၣ်မၤထီၣ်တၢ်လုၢ်လီၢ်ဖဲန့ၣ်, ဒီးကတဲာ်ကတီၤသ့ၣ်မုၣ်, ဒီးစၢဃာ်အဖိခွါစီၤအံၤစဲး, ဒီးပာ်အီၤလၢတၢ်လုၢ်လီၢ်လၢသ့ၣ်မုၣ်အဖီခိၣ်လီၤ.
10ဒီးစီၤအၤဘြၤဟၣ်ယူာ်ထီၣ်အစု, ဒီးဟံးန့ၢ်ဒီတဘ့ၣ် န့ၣ်ဒ်သိးအကမၤသံအဖိခွါလီၤ. 11ဒီးယွၤအကလူးကိး ထီၣ်အီၤလၢမူခိၣ်, ဒီးစံးဝဲဒၣ်, စီၤအၤဘြၤဟၣ်ဧၢ, စီၤ အၤဘြၤဟၣ်ဧၢ, ဒီးစံးဝဲဒၣ်, ကွၢ်ကွၢ်, ယၤလီၤ. 12ဒီး စံးဝဲဒၣ်, ယူာ်ထီၣ်နစုလၢဖိသၣ်အလိၤတဂ့ၤ, ဒီးမၤ အီၤလၢတၢ်နီတမံၤတဂ့ၤ. အဂ့ၢ်ဒ်အံၤ, ခဲကနံၣ်အံၤ ယသ့ၣ်ညါလၢနပျံၤယွၤလီၤ. ယမၤန့ၢ်နဖိခွါ, နဖိခွါ တဂၤဃီန့ၣ် နတညးဘၣ်လီၤ.
13ဒီးစီၤအၤဘြၤဟၣ်ကျ့ထီၣ်အမဲာ်ဒီးကွၢ်တၢ်, ဒီးကွၢ် ကွၢ်, သိဖါတဒုအိၣ်လၢအလီၢ်ခံ လၢအဘၣ်ကွးလၢ အနၢၤလၢသဃာ်ကျါလီၤ. ဒီးစီၤအၤဘြၤဟၣ်လဲၤဟံး န့ၢ်သိဖါတဒုန့ၣ်, ဒီးလုၢ်ထီၣ်အီၤလၢတၢ်လုၢ်မ့ၣ်အူလၢ အဖိခွါအလီၢ်လီၤ. 14ဒီးအလီၢ်န့ၣ်စီၤအၤဘြၤဟၣ်ယုၢ် အမံၤလၢယဟိဝၤယံၤရၤ, ဒ်ပှၤစံးတုၤမဆါတနံၤအံၤ အသိးန့ၣ်, လၢယွၤအကစၢၢ်တဖျၢၣ်အလိၤန့ၣ်တၢ်က ထံၣ်န့ၢ်တၢ်လီၤ.
15ဒီးယွၤအကလူးကိးလီၤဝဲလၢမူခိၣ်ဆူ စီၤအၤဘြၣ် ဟၣ်ခံဘျီတဘျီ, 16ဒီးစံးဝဲဒၣ်, ယဆိၣ်လီၤယသးလၢ ယကစၢ်ဒၣ်ယဲ, ယွၤစံးဝဲဒၣ်, မ့ၢ်နမၤတၢ်အံၤတမံၤဒီး တဟံးဃာ်ဘၣ်နဖိခွါ, နဖိခွါတဂၤဃီဘၣ်အဃိဒီး,-
17ဆိၣ်ဂ့ၤဒီးယကဆိၣ်ဂ့ၤနၤ,ဒီးမၤအါထီၣ်ဒီးယကမၤအါ ထီၣ်နချံနသၣ်ဒ်ဆၣ်ဧိၤဖီဧိၤ လၢမူခိၣ်အသိး, ဒီးဒ်မဲး ဧိၤဟီၣ်ဧိၤလၢပီၣ်လဲၣ်နံၤအသိးန့ၣ်လီၤ. ဒီးနချံနသၣ် ကန့ၢ်ဘၣ်အဒုၣ်အဒါအပဲတရီလီၤ. 18မ့ၢ်နဒိကနၣ်ယ ကလုၢ်အဃိဒီး, ကယဲၢ်ပှၤကညီလၢဟီၣ်ခိၣ်ချၢကဘၣ် တၢ်ဆိၣ်ဂ့ၤလၢနချံနသၣ်အပူၤလီၤ.
19ဒီးစီၤအၤဘြၤဟၣ်က့ၤကဒါက့ၤဆူ အဖိၣ်သၣ်ခွါအ အိၣ်, ဒီးဂဲၤဆၢထၢၣ်, ဒီးလဲၤဝဲတပူၤဃီဆူဘ့ၢ်ၡဘၤ လီၤ. ဒီးစီၤအၤဘြၤဟၣ်အိၣ်ဝဲဆိးဝဲလၢဘ့ၢ်ၡဘၤလီၤ.
20ဒီးတၢ်မၤအသးလၢ တၢ်တဖၣ်န့ၣ်အလီၢ်ခံ, ပှၤစံး ဘၣ်စီၤအၤဘြၤဟၣ်, ဒီးစံးဝဲဒၣ်, ကွၢ်ကွၢ်, နီၢ်မံးလ ကၤဆံးစၢ်န့ၢ်စ့ၢ်ကီးအဖိလၢ နဒီပုၢ်ဝဲၢ်စီၤနၤဃိၢ်အဂီၢ် လီၤ. 21အဝဲၢ်ကိစီၤဧူစးဒီးအပုၢ်စီၤဘူစး, ဒီးစီၤအရၣ် အပၢ်, စီၤကမူၤအ့လး, 22ဒီးစီၤက့ၤစ့းဒီးစီၤဃစိၤ, ဒီး စီၤပံးလဒၣ်, ဒီးစီၤယံးဒလာ်, ဒီးစီၤဘသူၤအ့လး,-
23ဒီးစီၤဘသူၤအ့လးန့ၣ်ထီၣ်ဖိ နီၢ်ရံးဘကၤန့ၣ်လီၤ.တၢ် လၢပှၤဃိးဂၤန့ၣ် နီၢ်မံးလကၤဆံးစၢ်န့ၢ် စီၤအၤဘြၤ ဟၣ်အဒီပုၢ်ဝဲၢ်, စီၤနၤဃိၢ်အဂီၢ်လီၤ.
24ဒီးအသံၣ်မါ, အမံၤမ့ၢ်နီၢ်ရူမၤဆံးစၢ်န့ၢ်စ့ၢ်ကီး စီၤ တ့ဘာ်, ဒီးစီၤကဃၣ်, ဒီးစီၤတဃာ်, ဒီးစီၤမၤကၤလီၤ.
Επιλέχθηκαν προς το παρόν:
လံာ်စီၤမိၤရှ့အခီၣ်ထံးတဘ့ၣ်. ၂၂: KSWM
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Sgaw Mason Bible © Bible Society of Myanmar, 1853.