Sơnròp Gơlik Gơs 16
16
Deh Ismael
1Sarai, bau Abram dê, ò deh kòn; khai gơs dô nă dĭ ùr Ejiptơ, sơnđan la Agar. 2Sarai đơs mơ Abram lah: “Do, Yàng Jehôwa neh lơh añ in kơnền, behơ̆ dan mê ơm bal mơ dĭ ùr añ jê, digơlan bơh khai añ rơp geh kòn.” Gen Abram iat jơnau Sarai dê.
3Tơnơ̆ mơ tŭ Abram neh ơm jơt nam tòm lơgar Kanaan, Sarai, bau khai, ai Agar, dĭ ùr Ejiptơ khai dê, ai khai in bau. 4Khai ơm bal mơ Agar, gen Agar bun. Tŭ khai gŏ khai neh bun, gen khai sền òsơp dê cau gơnoar tòm khai dê. 5Sarai đơs mơ Abram lah: “Bơta ƀàssìl mơ añ kong tuh wơl di să#16:5 Rct: Bơta tìs do mê pal kong! mê. Añ neh ai dĭ ùr añ ơm tòm ntơh mê, mơ bơh tŭ khai neh bun khai sền òsơp dê añ. Dan Yàng Jehôwa cahrña digùl añ mơ mê.” 6Abram đơs mơ Sarai lah: “Do dĭ ùr hơ̆ ơm tòm tê ai, lơh tĕ di khai be lơi khat gơboh nùs ai dê.” Gen Sarai lơh bòl glar Agar in, gen Agar dô pleh bơh di mat khai.
7Mơya cau gơnrơh Yàng Jehôwa dê gŏ khai ơm rềp dê gah croh dà tòm ƀlàng ngềt ngơt, dà croh tòm gùng lòt hơ Sur, 8gen lùp lah: “Ơ Agar, dĭ ùr Sarai, mbơh đah ai tus? Mơ ntềng đah ai rơp lòt taih?” Cau ùr ho lah: “Añ dô bơh di mat Sarai, cau tòm añ.” 9Cau gơnrơh Yàng Jehôwa sồr khai lah: “Ai rê wơl tĕ mơ cau tòm ai dê mơ dòn duh khai.” 10Cau gơnrơh Yàng Jehôwa dê đơs tai lah: “Añ rơp bơtơl oă jơi bơtiàn ai in; bol khai rơp gơlik gơs oă tian gơs cau ò jai kòp.” 11Cau gơnrơh Yàng Jehôwa đơs mơ khai lah:
“Do, ai gơs bun, rơp deh dô nă kòn klau,
tơmoh tĕ sơnđan khai la Ismael,#16:11 Ismael: Tòm jơnau Hebrơ, jơnau do gơs gơtha la “Yàng Tom Trồ iat”.
bơh Yàng Jehôwa neh kơno bơta bòl glar ai dê.
12Kòn dềt hơ̆ rơp be dô nơm alàng brê,
tê khai rơp tòmsò mơ jơh ală cau,
mơ tê jơh ală cau hơ̆ tòmsò wơl dê khai.
Khai rơp ơm tòm bơta rcang sir nàng tòmdră mơ jơh ală oh mi khai dê.”
13Cau ùr sơnđan Yàng Jehôwa neh đơs mơ khai la “Yàng Tom Trồ sền gŏ,” bơh khai neh đơs lah: “Ngan tềng do ò di añ neh gŏ Bơtau sền gŏ añ sơl ơ?” 14Tài bơh hơ̆, cau ai sơnđan tơrlung do la Lacairoi,#16:14 Lacairoi: gơtha la Bơtau Kis Sùm neh wèt sền añ. gơ ơm digùl Kades mơ Beret.
15 #
Gal 4:22. Gen Agar deh dô nă kòn klau Abram in, Abram sơnđan kòn klau hơ̆ la Ismael. 16Mơ tŭ Agar deh Ismael Abram in rau, gen Abram neh tơl phàm jơt prau nam.
Επιλέχθηκαν προς το παρόν:
Sơnròp Gơlik Gơs 16: KPM2018
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2018 United Bible Societies. All rights reserved.