- उत्पत्ति 16
16
हाजिरा और ऊकौ मोंड़ा इश्माएल
1अब्राम की बईयर सारै की कोऊ संतान नें हती। ऊकी हाजिरा नाओं एक मिस्री बंधुआ दासी हती। 2सारै ने अब्राम सें कई, “हेर, यहोवा परमेसुर ने तौ मोरी कोख बन्द कर रखी आय, ई लाने मैं तोसें बिनती करत आंव कि तें मोरी बंधुआ के लिगां जा; हो सकत आय कि मोरो घर ऊके द्वारा बस जाए।” सारै की जा बात अब्राम ने मान लई। 3ई लाने जब अब्राम हों कनान देस में रैत भए दस साल हो चुके तब ऊकी घरवारी सारै ने अपनी मिस्री बंधुआ हाजिरा हों लैकें अपने घरवारे अब्राम हों दओ, कि बा ऊकी घरवारी होए। 4अब्राम हाजिरा के लिगां गओ, और बा गरभवती भई। जब ऊने जानो कि बा गरभवती आय, तब बा अपनी मालकन हों अपनी नजर में तुच्छ समझन लगी। 5तब सारै ने अब्राम सें कई, “जो मोए पै उपद्रो भओ ऊ तोरेई मूंड़ पै होए। मैंने तौ अपनी बंधुआ हों तोरी घरवारी बना दओ; परन्त जब ऊने जानो कि बा गरभवती आय, तब बा मोहों तुच्छ समझन लगी; ई लाने यहोवा परमेसुर मोरे और तोरे मजारें न्याय करे।” 6अब्राम ने सारै सें कई, “हेर, तोरी बंधुआ तोरे बस में आय; जैसो तोहों भलो लगे बैसई ऊके संगै कर।” तब सारै ऊहों दुख दैन लगी और हाजिरा ऊके सामूं सें भग गई।
7तब यहोवा परमेसुर के दूत ने ऊहों जंगल में शूर की गैल पै पानूं के एक झिन्ना के लिगां पाओ; 8और ऊसें कई, “हे सारै की बंधुआ हाजिरा, तें कितै सें आत और कितै जात आय?” हाजिरा ने कई, “मैं अपनी मालकन सारै के सामूं सें भग आई आंव।” 9यहोवा परमेसुर के दूत ने ऊसें कई, “अपनी मालकन के लिगां बापस जा और ऊके बस में रै। 10मैं तोरे बंस हों बेजा बढ़ाहों, इतै लौ कि मुतके होबे के कारन उनकी गिनती नें हो पाहै।
11हेर, तें गरभवती आय,
और मोंड़ा पैदा करहै;
तें ऊकौ नाओं इश्माएल रखियो,
कायसे यहोवा परमेसुर ने तोरे दुख कौ हाल सुन लओ आय।
12और ऊ मान्स जंगली गधा के जैसो हुईये,
मतलब ऊहों कोऊ भी मान्सन अपने बस में नें कर पाहें;
ऊकौ हाथ सब के बिरुद्ध उठहै
और सब के हाथ ऊके बिरुद्ध उठहें;
और ऊ अपने सबरे भाई-बन्धुअन सें लड़त भओ बसो रैहै।”
13तब हाजिरा ने यहोवा परमेसुर कौ नाओं जीने ऊसें बातें करी हतीं, अत्ता-एल-रोई (तें मोहों देखबेवारो यहोवा परमेसुर आय) रखकें कई, “का मैं ऊहों हेरबे के बाद भी जियत रई?” 14ई कारन ऊ कुआं कौ नाओं बेर-लहै-रोई#16:14 मतलब जियत यहोवा परमेसुर मोहों देखत आय कुआं पड़ो; ऊ तौ कादेश और बेरेद के मजारें आय।
15हाजिरा हों अब्राम सें एक मोंड़ा पैदा भओ; और अब्राम ने अपने मोंड़ा कौ नाओं इश्माएल रखो, जीहों हाजिरा ने जनम दओ हतो। 16जब हाजिरा ने अब्राम के द्वारा इश्माएल हों जनम दओ ऊ बेरा अब्राम छियासी साल कौ हतो।
Επιλέχθηκαν προς το παρόν:
- उत्पत्ति 16: BHB
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators