Iyohaichish 7
7
7. Iyohaichish.
Benyamin sanike ne Kush ye itak gusu, Ehoba otta Dabid Shinotchaki Shigayon Iyohaichish.
1KU goro Ehoba Kamui, Aokai gusu ku eyaikopashte ruwe ne:
Obitta no okai en keseamba utara gusu en kashiobiuki hine en ohaitare wa en kore:
2Ikineipeka en kashiobiuki guru isam ita,
Shinuma anak ne shishi chikoikip korachi ku ramat humne yaspa kusu ne.
3Ku goro Ehoba Kamui, tap ambe ku ki yakun;
Ku teke otta wen-buri an yakun;
4Itomo irenga ikore guru otta wenbe ku kara yakun,
(Shomo, ikkewe sak no en ramushitnere guru ku kashiobiuki nisa ruwe ne):
5En epokba guru ku ramat keseamba wa en oshkoni,
Ruwe un, toitoi pakno ku inotu otereke,
Koponchi otta ku nupekihi are kuni ne kara wa en kore. [Sera.]
6Aa Ehoba, kinra keutum sange wa hopuni;
En ramushitnere utara koro irushka-i epeka no hopuni wa en kore;
Aesanniyo kuni ambe Aokai ikashpaotte gusu, en gusu mosh wa en kore.
7Utarihi topaha uwekarapa wa E ko-nikkotama;
Orowa no nei utara kashiketa rik peka hoshipi wa en kore.
8Ehoba anak ne utari koipishi wa aesanniyop kore;
Aa Ehoba, ku oupeka ambe esanniyo, aige, ku katpak sak-i nukara wa en koipishi wa en kore
9Aa, wen utara koro wen-buri isamka, koroka, oupeka utara roshkire wa en kore;
Inambe gusu ne yakun, oupeka Kamui anak ne keutum newa sambe ikkeu pakno shiruwande ruwe ne.
10Keutum oupeka utara kashiobiuki Kamui anak ne, Ku goro kikhumbe kon ruwe ne.
11Kamui anak oupeka koipishi ki Kamui ne, Ruwe un, kesto irushka ki Kamui ne ruwe ne.
12Ainu hoshipi shomoki chiki, Shinuma anak ne koro rangetam eenka kusu ne;
Shinuma anak koro ku yupu wa etokooiki nisa ruwe ne na.
13Shinuma gusu Kamui anak ne raige kuni eshipopkep etokooiki;
Koro ai abe o kuni ne kan nisa ruwe ne.
14Ingarʼan, irarape gusu shinuma unuwapte;
Ruwe un, wenbe yairamure wa shungep hetukure nisa ruwe ne na.
15Shinuma ohori wa shui kara,
Orowa, yaikota nei o shui otta hachiri nisa ruwe ne.
16Koro irara-buri yaikota koro sapa kata hoshipi;
Samata, koro yupke buri yaikota koro kimui kata ran wa okai kusu ne.
17Ehoba koro oupekap gusu otta ko-yaiiraige ku ki:
Iyotta rik un E hoba reihei otta iyohaichish ku koshinotchaki kusu ne na.
Επιλέχθηκαν προς το παρόν:
Iyohaichish 7: AINU
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© British and Foreign Bible Society 1897, 2018