Aˇ dahˬ 10
10
Noˇaˬ-euˬ aˬ li deuˬ-euˬ zaˬ deuˬ uˆ deuˬ
(1 Laˬsaˬbaˬ 1.5-23)
1Heu-aˬ, Noˇaˬ-euˬ aˬ li deuˬ pyeuꞈ-eu Sheˬmaˆ, Haˬmaˇ, Yaˬpahˇ, aˬ ha smˬ mehˇ nmˇ-euˬ zaˬ deuˬ uˆ deuˬ meh. Miˇ tsaˬ-ahˇ iˇ cuꞈ dahˬ pymˬ gʼaˬ-awˇ, aˬ ha smˬ mehˇ nmˇ aˬ li gʼawˬ mya li jawˇ le-euˬ meh.
2Yaˬpahˇ-euˬ aˬ li deuˬ pyeuꞈ-eu Gawˬmaˬ, Maˬgawˇgaˆ, Maˬdehˇ, Yaˬbaˬ, Tuˇbaˬlaˇ, Meˬshehˆ, Tiˇlaˆ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. 3Gawˬmaˬ-euˬ zaˬ deuˬ uˆ deuˬ-aˬ, Aˬshaˇgaˬnaˆ tsawˇ jeuˬ, Liˇpaˬdaˇ tsawˇ jeuˬ, Tawˇgaˬmaˬ tsawˇ jeuˬ, heu deuˬ pyeuꞈ-eu meh. 4Yaˬbaˬ-euˬ zaˬ deuˬ uˆ deuˬ-aˬ, Iˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˇ tsawˇ jeuˬ, heu deuˬ pyeuꞈ-eu meh. 5Aˬ yawꞈ maꞈ-aˬ, iˬ ma laˆ shaˆ lawˇ taw jawˇ-eu tsawˇ jeuˬ deuˬ hawˇ-eu, iˇ jaw lahˇ deuˬ laꞈ kʼoeˇ jawˇ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Heu-aˬ, tsawˇ jeuˬ beu gaˇ-awˇ, miˇ kʼahˬ maˬ taꞈ-eu Yaˬpahˇ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ maꞈ yawˬ ha tsawˇ jeuˬ-euˬ dawˬ yawˬ ha baw-eu meh.
6Haˬmaˇ-euˬ aˬ li deuˬ pyeuꞈ-eu Kuˇshaˆ, Iˇjiˇtuˆ, Liˆbyaˇ, Kaˬnaˬ, aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. 7Kuˇshaˆ-euˬ zaˬ deuˬ uˆ deuˬ-aˬ, Seˬbaˇ tsawˇ jeuˬ, Haˬbiˇlaˬ tsawˇ jeuˬ, Saˬbaˬtah tsawˇ jeuˬ, Laˬmaˬ tsawˇ jeuˬ, Saˬteˬkaˬ tsawˇ jeuˬ, heu deuˬ pyeuꞈ-eu meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ pyeuꞈ-eu meh. 8Kuˇshaˆ-aˬ, Niˇyawˇdaˆ lehˇ myahˇ-euˬ aˬ li tiˬ li jawˇ-eu meh. Aˬ li kʼoeˇ li-aˬ, aˬ cawˬ-euˬ miˇ kʼahˬ-ahˇ deuˆ gʼaˬ-awˇ, miˇ tsaˬ kʼoeˇ taˆ tsawˇ myahˇ doˆ dui dui-euˬ tsawˇ haˬ yaw beh gʼaˬ pyeuꞈ-eu meh. 9Aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, tsawˇ myahˇ doˆ dui dui-eu shaˬ jiˇ beuˆ-eu tsawˇ haˬ tiˬ gʼaˬ pyeuꞈ laˇ-euˬ meh. Kʼoeˇ miˇ neh, “Niˇyawˇdaˆ loꞈ-ehˇ tsawˇ myahˇ doˆ-eu shaˬ jiˇ beuˆ-eu tsawˇ haˬ pyeuꞈ laˇ ni, Sahˬpaˬ Miˬyehˇ caw ba luꞈ-uˇ” lehˇ, aˇ hu tsawˇ haˬ deuˬ dawˬ daˬ daˬ-euˬ meh. 10Yaw beh aˬ yawꞈ-euˬ miˇ kʼahˬ-aˬ, Baˬbuˇloˬ miˇ kʼahˬ-ahˇ jaˆ-eu Baˬbuˇloˬ meuˬ, Ehˇlehˆ meuˬ, Aˬkaˆ meuˬ, heu smˇ meuˬ meh. 11Kʼoeˇ gaˇ neh naˇ, Aˬshuˇliˆ miˇ kʼahˬ paw aˬ yawꞈ le-awˇ, Niˇnaˬbeˬ meuˬ, Leˬhawˇboˆiˇyaˆ meuˬ, Kaˬlaˬ meuˬ, 12Niˇnaˬgʼoeˬ meuˬ hawˇ-eu huiˬ-eu Kaˬlaˬ meuˬ yaw kaˬ-ahˇ jaˆ-eu Leˬseˬ meuˬ, heu deuˬ-ahˇ teˬ-euˬ meh.
13Iˇjiˇtuˆ-euˬ zaˬ deuˬ uˆ deuˬ-aˬ, Luˇdeˬ tsawˇ jeuˬ, Aˬnamˬ tsawˇ jeuˬ, Leˬhaˇ tsawˇ jeuˬ, Naˬpaˬtuˇ tsawˇ jeuˬ, 14Paˬdaˬluˇ tsawˇ jeuˬ, Kaˬsaˬluˇ tsawˇ jeuˬ hawˇ-eu, Piˇliˇtiˆ tsawˇ jeuˬ deuˬ-euˬ aˬ da yaw dzahˇ pyeuꞈ-eu Kaˬtawˇleˬ tsawˇ jeuˬ heu deuˬ meh.
15Kaˬnaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Siˇdoˬ hawˇ-eu Heˬtaˆ aˬ nyaꞈ nmˇ-aˬ, aˬ yawꞈ nyaꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ pyeuꞈ-eu meh. 16Kaˬnaˬ-aˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ, Geuˬgaˬshiˇ tsawˇ jeuˬ, 17Hiˇbiˇ tsawˇ jeuˬ, Aˬkiˇ tsawˇ jeuˬ, Siˇniˇ tsawˇ jeuˬ, 18Aˬbaˬdiˇ tsawˇ jeuˬ, Zeˬmaˬleˬ tsawˇ jeuˬ, Haˬmaˆ tsawˇ jeuˬ, heu deuˬ-euˬ aˬ da yaw dzahˇ kʼawꞈ pyeuꞈ-eu meh. Tiˬ jeuˬ tiˇ jeuˬ maˬ duˇ leˇ-eu Kaˬnaˬ tsawˇ jeuˬ heu deuˬ, miˇ kʼahˬ doe ni jawˇ byah gʼeh-euˬ meh. 19Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh. 20Heu deuˬ-aˬ, tsawˇ jeuˬ beu gaˇ-awˇ miˇ kʼahˬ maˬ taꞈ-eu Haˬmaˇ-euˬ zaˬ deuˬ uˆ deuˬ meh. Aˬ yawꞈ maꞈ yawˬ ha tsawˇ jeuˬ-euˬ dawˬ yawˬ ha baw-eu meh.
21Yaˬpahˇ-euˬ aˬ yuiꞈ Sheˬmaˆ-aˬ, Heˬbyehˇ tsawˇ jeuˬ dawˬ tawˆ luꞈ-euˬ aˬ da yaw dzahˇ pyeuꞈ-eu meh. 22Sheˬmaˆ-euˬ aˬ li Eˇlamˬ, Aˬshuˇlaˆ, Aˬpaˬshaˇ, Luˇdaˆ Aˬlamˬ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. 23Aˬlamˬ-euˬ zaˬ deuˬ uˆ deuˬ-aˬ, Uˇzaˆ tsawˇ jeuˬ, Huˇlaˆ tsawˇ jeuˬ, Geˬdeuˬ tsawˇ jeuˬ, Meˬshehˆ tsawˇ jeuˬ, heu deuˬ pyeuꞈ-eu meh. 24Aˬpaˬshaˇ-aˬ, Sheˬlahˬ-euˬ aˬ da pyeuꞈ-awˇ, Sheˬlahˬ-aˬ Eˬbaˬ-euˬ aˬ da pyeuꞈ-eu meh. 25Eˬbaˬ aˬ li nyiˬ li jawˇ le-awˇ, tiˬ li-ahˇ Pehˇlehˆ#10.25 ‘Pehˇlehˆ’ lehˇ ehˇ-eu dawˬ tsuiꞈ-aˬ, ‘gʼawˬ-iˇ gʼehˇ-iˇ-eu’ lehˇ ehˇ mawꞈ-eu meh. lehˇ myahˇ nehˬ-euˬ meh. Aˬ yawꞈ dehꞈ le-euˬ aˇ nah aˇ yamˬ kʼoeˇ yamˬ laꞈ kʼoeˇ, tsawˇ haˬ zaˬ deuˬ gʼawˬ-iˇ gʼehˇ-iˇ luꞈ-eu miˇ neh, kʼoeˇ loꞈ-ehˇ myahˇ nehˬ-euˬ meh. Aˬ li yawˬ li yawˬ-ahˇ Yoˇtaˬ lehˇ myahˇ nehˬ-euˬ meh. 26Yoˇtaˬ-euˬ zaˬ deuˬ uˆ deuˬ-aˬ, Aˬlaˬmoˇdaˆ tsawˇ jeuˬ, Shehˇlehˆ tsawˇ jeuˬ, Haˬzaˇmaˬbehˇ tsawˇ jeuˬ, Yeˬlahˬ tsawˇ jeuˬ, 27Haˬdoˇlamˬ tsawˇ jeuˬ, Uˇzaˬlaˇ tsawˇ jeuˬ, Diˇkaˬlaˇ tsawˇ jeuˬ, 28Awˇbaˬlaˇ tsawˇ jeuˬ, Aˬbiˇmeˬlaˇ tsawˇ jeuˬ, Sheˬba tsawˇ jeuˬ, 29Awˇpiˇlaˆ tsawˇ jeuˬ, Haˬbiˇlaˬ tsawˇ jeuˬ, Yawˇbehˆ tsawˇ jeuˬ, heu deuˬ meh. Aˬ yawꞈ maꞈ dawˬ tawˆ luꞈ Yoˇtaˬ-euˬ zaˬ deuˬ uˆ deuˬ tehꞈ meh. 30Aˬ yawꞈ maꞈ jawˇ-eu miˇ kʼahˬ-aˬ, Meˬshaˬ meuˬ-ahˇ neh nahˇ ma doˆ kʼehˬ paw gawˬ jawˬ gawˬ duˇ jaˆ-eu miˇ kʼahˬ, Seˬpaˬ meuˬ-ahˇ keuˆ ni meh. 31Heu deuˬ-aˬ, tsawˇ jeuˬ beu gaˇ-awˇ, miˇ kʼahˬ maˬ taꞈ-eu Sheˬmaˆ-euˬ zaˬ deuˬ uˆ deuˬ meh. Aˬ yawꞈ maꞈ yawˬ ha tsawˇ jeuˬ-euˬ dawˬ yawˬ ha baw-eu meh.
32Tsawˇ jeuˬ heu deuˬ dawˬ tawˆ luꞈ, yawˬ ha-euˬ tsuiꞈ hawˇ-eu yawˬ ha-euˬ tsawˇ jeuˬ yawˬ ha baw baw-ehˇ dehꞈ ka leꞈ-euˬ, Noˇaˬ-euˬ zaˬ deuˬ uˆ deuˬ pyeuꞈ-eu meh. Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, miˇ tsaˬ-ahˇ iˇ cuꞈ dahˬ pymˬ gʼaˬ miˇ tsa jeuˬ le o le-euˬ, Noˇaˬ-euˬ aˬ li kʼoeˇ deuˬ-euˬ zaˬ deuˬ uˆ deuˬ tehꞈ meh.
Επιλέχθηκαν προς το παρόν:
Aˇ dahˬ 10: AHK
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Akha Bible Revision (Latin Script) © Thailand Bible Society, 2011.