Λογότυπο YouVersion
Εικονίδιο αναζήτησης

मत्ती 3

3
बप्‍तिस्मा-पीनब यूहन्‍ना मेस्‍ये ङूजे अर्ती
मर्कूस १:१-८; लूका ३:१-१८; यूहन्‍ना १:१९-२८
1बप्‍तिस्मा पीनब यूहन्‍ना हम्‍ब बीलने यहूदियाजे मी अन्टोङब चनमन नेने रदे, मेस्‍ये येरे यदेबे प्रचार चेने सुरु चीत्‍दे, 2#मत्ती 4:17; मर्कूस 1:15“रङ्से पापजे पश्‍चात्ताप चीत्‍देबे परमेश्‍वरतेले ल्‍वाख, चेनेयलो स्वर्गजे राज्‍य रेक ख्‍यङ्।” 3#यशैया 40:3चेनेयलो अम्‍बने ङू ख्‍यङ्, ङूजे बारेने अगमवक्ता यशैयाजे किताबने येरे येये ख्‍य:
“मी अन्‍टोङब चनमन नेने पारा पून्‍नब मी त्‍याजे आवाज,
‘परमप्रभुजे लम् तयार ची,
ङूजे लम् ज्य बन्दी’।”
4 # २ राजा 1:8 यूहन्‍नादे ऊँटजे फूदे ताब कोला ह्‍वे ख्‍य, मेस्‍ये ढप्ने खू्‍स्‍यजे कूच्यू ख्‍या ख्‍य। ङूजे चसे रीक् मेस्ये ना ओमजे खूदू ख्‍य। 5यरूशलेम मेस्‍ये यहूदियाजे का-मुलुकदे होर्‌दे यर्दनजे तीला-छोलाजे मीयू क्‍वाने ङू ट्‍याने गीलीदे, 6मेस्‍ये थमयू रङ्सेदेने ङ पापी ख्‍यङ् मन्‍देबे यर्दन क्‍यूगीन्‍दीने यूहन्‍नाजे लादे बप्‍तिस्मा कीन्‍दे।
7 # मत्ती 12:34; 23:33 तर फरिसीयू मेस्‍ये सदुकीयूनङ्जे कूम मी बप्‍तिस्मा कीनने रेनब तङ्देबे ङूदे थमयूने यदे, “ओ र्‌वेजे पीचयू परमेश्‍वरजे रमल्‍नब सोरो अन्‍ज्‍य छीदे छ्‌योङ्बजे लागि सूदे नमयूने बोङ्बे आर्‌तीमीदे? 8पश्‍चात्ताप चीत्‍देबे हम्‍ब अनुसारजे फल पीन्। 9#यूहन्‍ना 8:33ङीनजे मेमे अब्राहाम ख्‍यङ् यदेबे नमयू जूक्‍तीय अम्‍मन्‍लाची मेस्ये त्‍यादेत्‍याने येरे अन्‌-यलाची। चेनेयलो ङ नमयूने यीय, परमेश्‍वरदे अम्‍ब लूङ्‌यूदे अब्राहामजे लागि पीचयू बन्‍दे खूइय। 10#मत्ती 7:19चूजोने तङ्बोयूजे ड्वाने ग पर्‌दीक ख्‍यङ्। येरेक्‍यूत्‍देबे ज्‍य फल अम्पीनब तङ्बोयू क्वाने टील्‍देबे मीने छाबीय।”
11“पश्‍चात्ताप चीत्‍देबे परमेश्‍वरतेले ल्‍वारजे लागि ङैदे नमयूने क्‍यूजे बप्‍तिस्मा पीन्‍क्‍य, तर ङ यली ङ्येदे रब झन् ङ यली थेप् शक्तिशाली ख्‍यङ्, ङूजे पूङ्‍गीजे तन फाब लायकजेये ङ त्‍वो। ङूदे नमयूने पवित्र आत्माप्रे मीदे बप्‍तिस्मा पीन्‍क्‍य। 12ङूजे छङब की ङूजे लाने ख्‍यङ्, मेस्‍ये ङूदे रङ्सेजे खलाने चेलाबे खम्‍सङ् चीक्‍क्‍य। रङ्सेजे ह्‍व माङ्‍काने रूप् पूक्‍क्‍य, तर पूव क्वाने कलङ्बेये अन्‍सीबब मीने नैम्‍बीय।”
येशूजे बप्‍तिस्मा
मर्कूस १:९-११; लूका ३:२१-२२; यूहन्‍ना १:३२-३४
13होर्‌दे गालीलदे येशू यूहन्‍ना ट्‌याने ङूजे लादे बप्‍तिस्मा कीनने यर्दन क्‍यूगीन्‍दीने रदे। 14यूहन्‍नादे येरे यदेबे ङूने रोक्‍ते मेदे, “बरू नदे ङैने बप्‍तिस्मा पीन पर्‌दे ख्‍यङ् तर झन् न ङै ट्‌याने र औ?”
15तर येशूदे ङूने यदे, “चूजोब येरेने क्यूस्से पीन्। चेनेयलो येर्‌बेने ङीनयू क्‍वादेने परमेश्‍वरजे साप्‍ता नियमयू पूरा चेने पर्‌दे ख्‍यङ्।” होर्‌दे बप्‍तिस्मा पीनने यूहन्‍ना राजी क्‍यूत्‍दे।
16होर्‌दे येशू बप्‍तिस्मा क्‍यूत्‍देबे छाट्‍टे क्‍यूनङ्दे तो लङ्‍रदे, होर्‌दे स्वर्ग स्‍यायी, मेस्‍ये ङूदे धोङ्‍रप्र परमेश्‍वजे आत्मा मो-रङ्से फ्‍याने तल्‍लीनब तङ्दे। 17#उत्‍पत्ति 22:2; भजनसंग्रह 2:7; यशैया 42:1; मत्ती 12:18; 17:5; मर्कूस 1:11; लूका 9:35हन्‍छ्वाब स्वर्गदे येर आवाज त्‍या तैरदे, “अम्‍ब ङैजे छेब च ख्‍यङ्, ङू तङ्देबे ङ सोरो सूग ख्‍यङ्।”

Επιλέχθηκαν προς το παρόν:

मत्ती 3: सर् कबुल

Επισημάνσεις

Κοινοποίηση

Αντιγραφή

None

Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε