مَرْکُسْ 3
3
جَمْطِتِنْکِ وَاتَ-جُنغٛوجٛ ࢩَلَادٜ سِوْتٛرْدٜ
(مَتَّ 12:9-14؛ لُکَ 6:6-11)
1ࢡَاوٛطٛنْ، عِيسَى لٛرْتِ حَا سُودُ دٜوَلْ يَحُودُعٜنْ؞ غٛطّٛ وَاتَ-جُنغٛوجٛ طٛنّٛ تٛنْ؞ 2ڢَرِسَعٜنْ طٛنّٛ عَيْنَ عِيسَى نغَمْ يِعُغٛ تٛ عٛيَمْطِتِنَنْ غٛطّٛ ࢩَنْدٜ سِوْتٛرْدٜ، نغَمْ ࢡٜنغِطِ وُلَّاغٛ مٛ؞ 3عِيسَى وِعِ وَاتَ-جُنغٛوجٛ غٛ: «عُمَّ، دَرَ يٜىٰسٛ يِمْࢡٜ ڢُو؞» 4ندٜنْ عِيسَى ࢨَمِ يِمْࢡٜ ࢡٜطٛنّٛ ندَارَ مٛ: «طُمٜ تَوْرٜىٰتَ مٜىٰطٜنْ دُنغِ ࢩَلَادٜ سِوْتٛرْدٜ؟ وَطُغٛ مبٛوطٜىٰنغَ نَا مَلَّ وَطُغٛ حَلّٜىٰندٜ؟ حِسْنُغٛ يٛنغْکِ غٛطّٛ نَا مَلَّ مبَرُغٛ مٛ؟» عَمَّا ࢡٜشَلِ جَابَاغٛ مٛ؞ 5عِيسَى لَارِ ࢡٜ ڢُو بٜى تِکّٜرٜ، ࢡٜرْندٜ مَاکٛ نَاوِ نغَمْ شَاتَلْ ࢡٜرْطٜ مَࢡّٜ؞ ندٜنْ عٛوِعِ وَاتَ-جُنغٛوجٛ غٛ: «ڢٛرْتُ جُنغٛ مَ؞» عٛڢٛرْتِ نغٛ، جُنغٛ مَاکٛ يَمْطِتِ؞ 6ڢَرِسَعٜنْ نغُرْتِ سُودُ دٜوَلْ يَحُودُعٜنْ، ࢡٜکَوْتِ لَوْ بٜى وٛطْࢡٜ ندٜرْ يٜࢡْرٜ يِمْࢡٜ حِرُدُسْ، ࢡٜشَرْوٛوتِرِ نغَمْ حَلْکُغٛ عِيسَى؞
مٛوࢡْرٜ طُوطْندٜ تٛکِّ عِيسَى حَا وٜىٰندُ غَلِيلِ
7عِيسَى دِلِّدِ بٜى ݠُکَرَعٜنْ مُوطُمْ حَا وٜىٰندُ غَلِيلِ؞ مٛوࢡْرٜ طُوطْندٜ تٛکِّمٛ؞ ندٜ عِوِ دِغَ غَلِيلِ عٜ يَحُدِيَ 8عٜ عُرُسَلِيمَ عٜ عِدُمَيَ، دِغَ غَطَ مَايٛ عُرْدُنْ عٜ دِغَ لٜسْدِ کٛمْبِ تِرُسْ عٜ سِدٛنْ؞ يِمْࢡٜ ࢡٜ ڢُو نغَرِ حَا مَاکٛ، نغَمْ ࢡٜمٜىٰطِ نَنُغٛ حَبَرُ کُوطٜ مَاکٛ؞ 9ندٜنْ عِيسَى وِعِ ݠُکَرَعٜنْ مُوطُمْ ࢡٜتٜڢَنَ مٛ کٛومْبٛوَلْ#3:9 کٛومْبٛوَلْ مَلَّ لَانَوَلْ؞ ، نغَمْ تَا مٛوࢡْرٜ ࢡِطَّ مٛ؞ 10نغَمْ عٛيَمْطِتِنِ يِمْࢡٜ طُوطْࢡٜ، ࢩَوْࢡٜ ڢُو طٛنْ نجَاوَ ࢡَدِتَاغٛ نغَمْ مٜىٰمُغٛ مٛ#مَرْکُسْ 4:1؛ لُکَ 5:1-3؞؞ 11ندٜ يِمْࢡٜ ࢡٜ رُوحُوجِ شٛࢡْطِ تٛرِّ نغِعِ عِيسَى، ࢡٜندٛعِّ يٜىٰسٛ مَاکٛ، ࢡٜنغٛوکِ ࢡٜمبِعِ: «عَنْ عَ ࢡِطّٛ اَللَّه؞» 12عَمَّا عِيسَى عُمْرِ طِ بٜى شَاتَلْ، تَا طِ مبَنغِنَ مٛ؞
عِيسَى سُࢡِ ݠُکَرَعٜنْ سَݠّٛ عٜ طِطٛ
(مَتَّ 10:1-4؛ لُکَ 6:12-16)
13ندٜنْ عِيسَى وَعِّ دٛوْ تٛوْندِيرٜ، عٛعٜوْنِ ࢡٜ عٛ يِطِ ڢُو؞ ࢡٜنغَرِ حَا مَاکٛ؞ 14بَنَ نِي عٛوَطِ ࢡٜ نٜلَاࢡٜ سَݠّٛ عٜ طِطٛ، نغَمْ ࢡٜنغٛنْدَ بٜى مَاکٛ عٜ عٛنٜلَ ࢡٜوَازٛيْغٛ، 15عٛحٛکِّ ࢡٜ بٛو بَاوْطٜ رِيوُغٛ غِنَّاجِ؞ 16ندَا نٜلَاࢡٜ سَݠّٛ عٜ طِطٛ ࢡٜ عٛ سُࢡِ: سِمٛنْ (عِيسَى عِنْدِمٛ ݠِيٜرْ) 17عٜ يَاکُبَ عٜ يُحَنَّ، طِطٛ ڢُو ࢡِࢡّٜ زٜبٜدٜ؞ عِيسَى عِنْدِ ࢡٜ بٛوَنٜرْغٜسْ، بَنَ وِعْغٛ: (يِمْࢡٜ بَنَ ڢٜلْمَانغٛ) 18عٜ عَندِرٜ عٜ ڢِلِݠْ عٜ بَرْتٛلٛمٜ عٜ مَتَّ عٜ تٛمَسْ عٜ يَاکُبَ ࢡِي حَلْڢَ عٜ تَدّٜ عٜ سِمٛنْ کَنَانِيجٛ 19عٜ يَحُودَ عِسْکَرِيٛتْ زَمْبٛتٛوطٛ عِيسَى؞
حَکّٜ دٛوْ رُوحُ شٜنِيطٛ
(مَتَّ 12:22-32؛ لُکَ 11:14-23؛ 12:10)
20ࢡَاوٛ مَنْ عِيسَى وَرْتِ سَارٜ؞ مٛوࢡْرٜ حَوْتِ ڢَحِنْ، حَا عِيسَى عٜ ݠُکَرَعٜنْ مُوطُمْ مبَاوَايْ کٛو ࢩَامُغٛ؞ 21ندٜ بَنْدِرَاࢡٜ مَاکٛ نَنِ حَالَ مَنْ، ࢡٜنغَرِ حٛوشُغٛ مٛ، نغَمْ يِمْࢡٜ طٛنْ مبِعَ: «حَکِّيلٛ مَاکٛ جِيࢡَکٜ؞» 22مٛودِࢡّٜ تَوْرٜىٰتَ وَرْࢡٜ دِغَ عُرُسَلِيمَ مبِعِ: «بٜعٜلْزٜبُلْ#3:22 بٜعٜلْزٜبُلْ طُمْ جَمّٛورٜ سَيْطَانُ، تٜىٰمَ طُمْ يِطِ وِعْغٛ جَوْمُ-بُوبِ؞ طٛنْ ندٜرْ مَاکٛ، لَامِيطٛ غِنَّاجِ حٛکِّمٛ بَاوْطٜ رِيوُغٛ طِ#مَتَّ 9:34؛ 10:25؞؞» 23ندٜنْ عِيسَى عٜوْنِ ࢡٜ، عٛوٛلْوَنِ ࢡٜ بٜى بَلْندِ؞ عٛوِعِ: «بَنَ نٛيْ سَيْطَانُ وَاوْرَتَ رِيوُغٛ سَيْطَانُ؟ 24تٛ لَامُ سٜنْدَکٜ غٜࢡٜ غٜࢡٜ، نغُ وِلَنْ؞ 25تٛ يِمْࢡٜ سَارٜ نَرَّايْ حَکُّندٜ مَࢡّٜ، سَارٜ مَنْ وِلَنْ؞ 26نٛنْ بٛو تٛ سَيْطَانُ طٛنْ دَرْتَنٛ حٛورٜ مُوطُمْ، تٛ شٜنْدُکِ وَطِ ندٜرْ لَامُ مَاکٛ، عٛدَرَتَاکٛ، عٛنَتَّنْ؞
27«غٛطّٛ وَاوَتَا نَسْتُغٛ سَارٜ شٜمْبِطّٛ نغَمْ جَࢡْتُغٛ جَوْدِ مَاکٛ، سٜيْ عٛعَارْتَ عٛحَࢡَّ شٜمْبِطّٛ عٛو، ندٜنْ عٛࢡٛڢْتَ کُوجٜ سَارٜ مَاکٛ ڢُو؞
28«غٛونغَ مبِعَنْمِ عٛنْ، يِمْࢡٜ کٜࢡَنْ يَاڢُيٜ حَکّٜىٰجِ مُوطُمْعٜنْ ڢُو عٜ يَاڢُيٜ بٛلّٜ مُوطُمْعٜنْ کَلُّطٜ دٛوْ اَللَّه ڢُو#لُکَ 12:10؞؞ 29عَمَّا مٛ وٛلْوِ کَلُّکَ دٛوْ رُوحُ شٜنِيطٛ، حٜࢡَتَا يَاڢُيٜ سَمْ، نغَمْ عٛوَطِ حَکّٜوٛلْ دُومِينغٛلْ؞» 30عِيسَى وِعِ نٛنْ نغَمْ وٛطْࢡٜ مبِعْنٛ: «عٛوٛودِ رُوحُوٛلْ کَلُّنغٛلْ؞»
دٜىٰرْطِرَاࢡٜ عِيسَى عٜ دَادَ مُمْ
(مَتَّ 12:46-50؛ لُکَ 8:19-21)
31دَادَ#3:31 دَادَ مَلَّ عِنَّ؞ عٜ دٜىٰرْطِرَاࢡٜ عِيسَى نغَرِ؞ ࢡٜندَرِ يَاسِ، ࢡٜنٜلِ عٜوْنٛيْغٛ مٛ؞ 32يِمْࢡٜ طُوطْࢡٜ طٛنْ نجٛوطٛدِ بٜى عِيسَى؞ ࢡٜمبِعِمٛ: «دَادَ مَ عٜ دٜىٰرْطِرَاࢡٜ مَ طٛنْ يَاسِ، ࢡٜنغِطِ لَارُغٛ مَ؞» 33عِيسَى جَابِ ࢡٜ: «مٛيْ وٛنِ دَادَ عَمْ عٜ ࢡٜيٜ نغٛنِ دٜىٰرْطِرَاࢡٜ عَمْ؟» 34ندٜنْ عٛلَارِ يِمْࢡٜ تَارِيࢡٜ مٛ، عٛوِعِ: «ندَا دَادَ عَمْ عٜ دٜىٰرْطِرَاࢡٜ عَمْ طٛنْ طٛ! 35وَطَنْࢡٜ مُويٛ اَللَّه ڢُو، کَمْࢡٜ نغٛنِ دٜىٰرْطِرَاࢡٜ عَمْ وٛرْࢡٜ عٜ رٜوْࢡٜ عٜ دَادَ عَمْ؞»
Επιλέχθηκαν προς το παρόν:
مَرْکُسْ 3: داَ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Fulfulde Bible Ajamiya © Bible Society of Cameroon, 2016.