مَرْکُسْ 2
2
عِيسَى يَمْطِتِنِ وَاتَ-تٜرْطٜىٰجٛ
(مَتَّ 9:1-8؛ لُکَ 5:17-26)
1ࢡَاوٛ ࢩَلْطٜ سٜطَّ، عِيسَى لٛرْتِ حَا کَڢَرْنَحُمْ؞ يِمْࢡٜ نَنِ عٛطٛنْ ندٜرْ سَارٜ؞ 2مٛوࢡْرٜ طُوطْندٜ حَوْتِ حَا بَبَلْ لُتَّايْ کٛو حَا يٛلْندٜ بٛو؞ ندٜنْ عِيسَى وَازِنِ ࢡٜ کُبَرُوٛلْ بٜلْنغٛلْ؞ 3يِمْࢡٜ ڢٜىٰرٜ نغَرِ حَا مَاکٛ، ࢡٜنغَدَّنِمٛ وَاتَ-تٜرْطٜىٰجٛ، وٛرْࢡٜ نَيٛ طٛنْ ندٛونْدِ مٛ؞ 4عَمَّا ࢡٜمبَاوَايْ يٛتِّنغٛ مٛ حَا عِيسَى نغَمْ يِمْࢡٜ طُوطِ؞ ندٜنْ ࢡٜمَࢡِّتِ کِݠّٛلْ سُودُ حَا دٛوْ نٛکُّورٜ ندٜ عِيسَى وٛنِ؞ ندٜنْ ࢡٜنَسْتِنِ وَاتَ-تٜرْطٜىٰجٛ بَالِيطٛ دٛوْ بٜعِّتّٜ مُمْ، ࢡٜنجِݠِّنِمٛ؞ 5ندٜ عِيسَى يِعِ نُطِّنْکِ يِمْࢡٜ ࢡٜعٜ، عٛوِعِ وَاتَ-تٜرْطٜىٰجٛ: «ࢡِنغٜلْ عَمْ، حَکّٜىٰجِ مَ نجَاڢَامَ؞» 6مٛودِࢡّٜ تَوْرٜىٰتَ وٛطْࢡٜ جٛوطِيࢡٜ تٛنْ نُمِ ندٜرْ ࢡٜرْطٜ مَࢡّٜ: 7«کٛنِ غٛطّٛ عٛو وٛلْوَتَ کَلُّکَ بَنَ کَعَ؟ مٛيْ وَاوَتَ يَاڢَاغٛ حَکّٜىٰجِ سٛنَا اَللَّه ڢٜىٰرٜ مُمْ؟» 8عِيسَى عَنْدِتِ ندٜرْ مُوطُمْ کٛ ࢡٜنُمِ؞ عٛࢨَمِ ࢡٜ: «کٛنِ نُمٛتٛنْ بَنَ نِي؟ 9کٛ ࢡُرِ حٛيُغٛ؟ وِعْغٛ وَاتَ-تٜرْطٜىٰجٛ: حَکّٜىٰجِ مَاطَ نجَاڢَامَ نَا مَلَّ وِعْغٛ مٛ: عُمَّ، حٛوشُ بٜعِّتّٜ مَ، يَحْ؟ 10عَمَّا نغَمْ حَا مِڢَامْتِنَ عٛنْ ࢡِي-نٜطّٛ وٛودِ بَاوْطٜ يَاڢَاغٛ حَکّٜىٰجِ ندٜرْ دُنِيَارُ؞» ندٜنْ عٛوِعِ وَاتَ-تٜرْطٜىٰجٛ: 11«مِطٛنْ وِعٜ: عُمَّ، حٛوشُ بٜعِّتّٜ مَ، حٛوتُ؞»
12لَوْ عٛعُمِّ، عٛحٛوسِ بٜعِّتّٜ مَاکٛ، عٛوُرْتِ، عٛدِلِّ غِتٜ يِمْࢡٜ ڢُو، حَا ࢡٜکَيْطِنِ، ࢡٜتٜدِّنِ اَللَّه، ࢡٜمبِعِ: «مِنْ مٜىٰطَايْ يِعُغٛ عِرِنْ طُعُمْ؞»
عِيسَى عٜوْنِ لٜوِ
(مَتَّ 9:9-13؛ لُکَ 5:27-32)
13عِيسَى دِلِّ ڢَحِنْ حَا وٜىٰندُ غَلِيلِ؞ يِمْࢡٜ طُوطْࢡٜ نغَرِ حَا مَاکٛ، عٛعٜکِّتِنِ ࢡٜ؞ 14ندٜ عٛطٛنْ تٛکِّ لَاوٛلْ، عٛيِعِ لٜوِ ࢡِي حَلْڢَ طٛنْ جٛوطِ حَا بَارِکِ جٛمٛرْغٛلْ؞ عٛوِعِمٛ: «تٛکَّمْ؞» لٜوِ عُمِّ، تٛکِّمٛ؞
15ࢡَاوٛ مَنْ عِيسَى جٛوطٛدِ ندٜرْ سَارٜ لٜوِ بٜى ݠُکَرَعٜنْ#2:15 ݠُکَرَعٜنْ مَلَّ عَحِيࢡٜ؞ مُوطُمْ عٜ جٛمْنٛوࢡٜ عٜ حَکّٜعٜنْ طُوطْࢡٜ تٛکِّيࢡٜ مٛ، ࢡٜࢩَامْدِ؞ 16مٛودِࢡّٜ ڢَرِسَعٜنْ وٛطْࢡٜ نغِعِمٛ عٛطٛنْ ࢩَامْدَ بٜى جٛمْنٛوࢡٜ عٜ حَکّٜعٜنْ، ࢡٜࢨَمِ ݠُکَرَعٜنْ مَاکٛ: «کٛنِ عٛࢩَامْدَتَ بٜى يِمْࢡٜ ࢡٜعٜ؟» 17ندٜ عِيسَى نَنِ طُمْ، عٛوِعِ ࢡٜ: «يَمْࢡٜ نغَلَا حَاجٜ کُرْغٛووٛ، سٜيْ ࢩَوْࢡٜ؞ مِوَرَايْ نغَمْ عٜوْنَاغٛ عَدِلِعٜنْ، سٜيْ حَکّٜعٜنْ؞»
ࢨَمٛلْ دٛوْ سُومَيٜ
(مَتَّ 9:14-17؛ لُکَ 5:33-39)
18ࢩَنْدٜ ڢٜىٰرٜ ݠُکَرَعٜنْ يُحَنَّ عٜ ڢَرِسَعٜنْ طٛنّٛ شُومٛ؞ وٛطْࢡٜ نغَرِ ࢨَمِ عِيسَى: «نغَمْ طُمٜ ݠُکَرَعٜنْ يُحَنَّ عٜ ڢَرِسَعٜنْ طٛنْ شُومٛ، عَمَّا ݠُکَرَعٜنْ مَاطَ شُومَتَاکٛ؟» 19عِيسَى جَابِ ࢡٜ: «عٛنْ نُمِ عٜوْنَاࢡٜ حَا ࢡَنغَلْ شُومٛتٛ ندٜ ࢡَنغْطٛ طٛنْ وٛنْدِ بٜى مَࢡّٜ نَ؟ وَلَا سَمْ! ࢡٜشُومَتَاکٛ يَاکٜ ࢡَنغْطٛ طٛنْ وٛنْدِ بٜى مَࢡّٜ؞ 20عَمَّا سَاعِ وَرَنْ ندٜ ࢡَنغْطٛ تَوَتَاکٜ شَکَ مَࢡّٜ، وَکَّتِ مَنْ ࢡٜشُومٛتٛ؞
21«وَلَا مٛ تَکَّتَ لٜݠّٜلْ کٜسٜلْ دٛوْ لِمْشٜ کِيطّٜ، نغَمْ لٜݠّٜلْ کٜسٜلْ ڢٛوطَنْ لِمْشٜ کِيطّٜ، شٜىٰکْغٛلْ مَنْ تُلِّتَنْ؞ 22نٛنْ بٛو غٛطّٛ لٛووَتَا عِنَبٛوجَمْ کٜسَمْ ندٜرْ کَࢩَکَࢩَاجِ#2:22 کَࢩَکَࢩَاوُ طُمْ بٛورٛ لَرَلْ نغَمْ سِغَاغٛ نجَرَمْ؞ تٛ لَرَلْ مَنْ حِيطِ، نغَلْ مَرَتَا سٜمْبٜ؞ کِيطِّ، نغَمْ تَا عِنَبٛوجَمْ کٜسَمْ سٜىٰکَ کَࢩَکَࢩَاجِ مَنْ، وٛنَّ طِ، عِنَبٛوجَمْ بٛو رُڢَ؞ نغَمْ مَاجُمْ سٜيْ غٛطّٛ لٛووَ عِنَبٛوجَمْ کٜسَمْ ندٜرْ کَࢩَکَࢩَاجِ کٜسِ؞»
ࢨَمٛلْ دٛوْ ࢩَلَادٜ سِوْتٛرْدٜ
(مَتَّ 12:1-8؛ لُکَ 6:1-5)
23 ࢩَنْدٜ سِوْتٛرْدٜ عِيسَى طٛنّٛ سَالٛ ندٜرْ غٜسٜ عَلْکَمَارِ؞ ݠُکَرَعٜنْ مَاکٛ ݠُطِّ عِتُّغٛ شَمّٜىٰجٜ عَلْکَمَارِ دٛوْ لَاوٛلْ#تٛوکْتَاکِ تَوْرٜىٰتَ 23:26؞؞ 24ندٜنْ ڢَرِسَعٜنْ مبِعِ عِيسَى: «لَارْ، کٛنِ ݠُکَرَعٜنْ مَ نغَطَتَ کٛ تَوْرٜىٰتَ مٜىٰطٜنْ حَطِ وَطُغٛ ࢩَنْدٜ سِوْتٛرْدٜ؟» 25عِيسَى جَابِ ࢡٜ: «عٛنْ مٜىٰطَايْ جَنغُغٛ کٛ دَاوُدَ وَطِ ندٜ کَنغْکٛ عٜ وٛنْدُࢡٜ بٜى مَاکٛ ࢡٜمَاتِ دٛلٛ#2:25 دٛلٛ مَلَّ وٜىٰلٛ حَا جِحَاجِ غٛطِّ؞ عٜ ࢡٜکٜࢡَايْنٛ ࢩَامْدُ نَ؟ 26عٛنَسْتِ سُودُ اَللَّه، عٛࢩَامِ تَمْسٜىٰجٜ طٜ ࢡٜلِيعَنِ#2:26 … تَمْسٜىٰجٜ طٜ ࢡٜلِيعَنِ اَللَّه؞ ندٜ ࢩَنْدٜ سِوْتٛرْدٜ وَطِ ڢُو، لِمَنْعٜنْ نجٛعِّنِ تَمْسٜىٰجٜ سَݠّٛ عٜ طِطِ دٛوْ تَابَلْ ندٜرْ سُودُ اَللَّه؞ طُمْ لَاتِ نغَمْ شِڢْتٛرْکِ نٛ اَللَّه ࢩَامْنِرِ إِسْرَاءِيلَ ندٜرْ لَدّٜ؞ اَللَّه سَاعِ عَبِيَتَرْ وٛنّٛ حٛورٜىٰجٛ لِمَنْعٜنْ؞ سٜيْ لِمَنْعٜنْ تَنْ تَوْرٜىٰتَ مٜىٰطٜنْ دُنغَنِ ࢩَامُغٛ تَمْسٜىٰجٜ طٜ، عٛحٛکِّ بٛو وٛنْدُࢡٜ بٜى مَاکٛ، ࢡٜࢩَامِ#ڢَرِلَّاجِ لٜوِعٜنْ 24:9؞ #1 سَمُيِلَ 21:1-6؞؞» 27ندٜنْ عِيسَى وِعِ ࢡٜ ڢَحِنْ: «ࢩَلَادٜ سِوْتٛرْدٜ وَطَامَ نغَمْ نٜطّٛ؞ نٜطّٛ وَطَاکَ نغَمْ ࢩَلَادٜ سِوْتٛرْدٜ؞ 28نغَمْ مَاجُمْ، ࢡِي-نٜطّٛ وٛنِ جَوْمُ ࢩَلَادٜ سِوْتٛرْدٜ مَنْ؞»
Επιλέχθηκαν προς το παρόν:
مَرْکُسْ 2: داَ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Fulfulde Bible Ajamiya © Bible Society of Cameroon, 2016.