Zlr 16
16
Yatá Yismaghel
1Yana a Saray markwa Abram ta zwaŋ wa. Tsaw mamu kurɗa ni makwa la Masar ta hgə lu ka Hagar. 2Ka Saray nda Abram mantsa: « Nda ngha ka ná, pyaf pya Yawe ta yay ɗa ta zwaŋ. Kdəkkdək lam la da kurɗa ɗa, kawayaka skwi dzaʼa yiha ya ta zwaŋ, » kaʼa. Ka tsuʼaftá Abram ta gwaɗa Saray. 3Mantsa tama, ka klaftá Saray markwa Abram ta Hagar makwa la Masar, ka vlaŋtá Abram zəʼala taŋ, ŋa markwa taŋ. Ma tsa fitik ya, nda maga vakwa Abram ghwaŋ ta haɗika Kanʼana. 4Ka lam tsi da Hagar, ka zlghaftá tsi ta huɗi. Kəʼa kəʼa ná, nda huɗi, ka zlraftá tsi ta hərtəta maŋahəga ni. 5Ka Saray nda Abram mantsa: « Nana razu raziha lu na ná, ta ghəŋa gha. Iʼi ta vlaghatá kurɗa ɗa ŋa markwa ghuni, ama nghanata ni ta zlghatá huɗa ni ná, ka zlrafta hərtətá iʼi! Ka tsa Yawe ta guma mataba ɗa nda kagha! » kaʼa. 6Ka Abram nda Saray mantsa: « Wya kurɗa gha ma dzva gha, magana maga ta skwi ya ta zɗəgaghata, » kaʼa.
Mantsa tama, ka ganaptá Saray ta iri katakata ta Hagar, ka hwayaghutá Hagar diʼiŋ nda tsi. 7Ama ka slanaghatá duhwala Yawe tawa dzuɓay ma mtak ta tva dzaʼa da Sur. 8Kaʼa mantsa: « Hagar kurɗa Saray, si ga ka na? Ta dzaʼa diga ka guli na? » Kaʼa mantsa: « Ta hwaygudunustá Saray maŋahəga ɗa yu, » kaʼa. 9Ka duhwala Yawe nda tsi mantsa: « Vra da maŋahəga gha, ka sna ka ta gwaɗa da tsi, » kaʼa. 10Ka duhwala Yawe nda tsi mantsa: « Dzaʼa yanaf ya yu ta zivira gha tusak katakata, laviŋta a lu ta mbəɗafta kabga vəl yuta ni wu, » kaʼa. 11Ka duhwala Yawe nda tsi guli mantsa: « Wana nda huɗi ka, dzaʼa yaya ka ta zwaŋa zgun, ŋa tsanafta gha ta hga ni ka Yismaghel#16:11 Yismaghel nda gwaɗa na, manda mnay kazlay snaŋ sna Lazglafta, kəʼa ya., kabga snaŋ sna Yawe ta tawa gha. 12Dzaʼa nzakway na zwaŋa gha na, manda kəɗiha mtak. Dzaʼa lmay ta lmu nda inda mndu, dzaʼa lmay inda mndu guli ta lmu nda tsi. Turtukwa ni dzaʼa nzakwa tsi ta nzakwa ni, diʼiŋ nda inda zwana ma ni, » kaʼa.
13Ka hgaŋtá Hagar ta Yawe ta gwaɗganata ya: « Kagha Lazglafta nda ngha ta vli, » kaʼa, kabga kaʼa ma ghəŋa ni mantsa: « Nda ngha yu ta mndu ta nghaŋtá iʼi ya ra? » kaʼa. 14Tsaya kəl lu ka tsanaftá hgə ta tsa vavrəm ya, ka: Beʼer Lahay Ruʼi#16:14 Beʼer Lahay Ruʼi nda gwaɗa Hebru ná, manda mnay kazlay, vavrəma Lazglafta ta hafu nda ngha ta iʼi, kəʼa ya.. Ma takataka Kades nda Beret tsa vavrəm ya.
15Ka yanatá Hagar ta zwaŋa zgun ta Abram. Ka tsanaftá Abram ta hga tsa zwaŋ yana Hagar ya, ka Yismaghel. 16Tghas mbsak mkuʼ mida ima Abram ta yanatá Hagar ta Yismaghel.
Επιλέχθηκαν προς το παρόν:
Zlr 16: xed
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Wycliffe Bible Translators, Inc. All rights reserved.