Δημοφιλή Βιβλικά εδάφια από Ə́rɨ́b nùb tómé yi ə́llé 5

Κοινοποίηση

Á Píyéèr ɓe nùb tómé yi ta: «Ɗúú nɨ́m jə̀ŋbɨ̂ŋ Mèín á, ɨ́ ndôŋ nɨ̀vɨ́tɨ̀b.

U̧ á cè ye lâs, Dúú Jíri Mèèín no, dùgɨ̀ yúkbìn, ŋgáb yi du gɨ̀hánɨ tíí ɓe tɔ̀ɔ́ ɓe ɓéètèé Kìn Nyɔ̧ɔ̧́ du tànɨ Yésù Mèsî á na rè.

Kí á Píyéèr yi fɔ́ ŋgə́ ɨnè: «Ànàníyàs, àm níì á Sátàìn njóhɨ wu gə́tɨ̀ gbɨ́ktèìn mònéè wu tɨ sə́re ɗɔ̀ɔ́b woò noò há̧á̧ wu a ténnà Nyéhè Sarîn kààŋ? Ɓwâ wu tɨ duye ɗɔ̀ɔ́b kɨ́ sə́rɨ̀wáá, tɨm kɨ́ woò á. Mwèìn wu tɨ sə́rɨce ɗɔ̀ɔ́b kɨ́ noò tɨ ókhace ɓe wu á ye? Nɨ́m ndɨŋce wu cáb wu nɨ̀mɨrí sumí ndɨ̀ŋnɨ kúúŋ nɨ́m kíì á cè ní? Kààŋ kɨ́ wu ténna wu Mèín á, nɨ nɨ̀vɨ́tɨ̀b sé.» Ànàníyàs óknɨ nyindí kɨ́, á ŋgə́ gusé ɗàá kúri. Ɗà vùù ɨ́ bɨ̀ɓà nɨ́ nùb yi ók àm kíì cei.

Àm kɨ́ á mɨ tana nyí ɗàrò, nyí ákɨ́ nùb lè ɓɔ̧ ya, mbɨ́knáam ŋgáb gìnɨ. Ɓetí duú ɓè ɓáhɨ́r ɓe ə́rɨ́b ŋgábè kɨ́ du ɓe nyòm nɨ̀vɨ́tɨ̀bì, nɨ́ɨ́b kɨ́ ɓa bɨ cɔ̧́nɨ á. Ɨ́dù duú ɓè nɨ́ɨ́b kɨ́ gomeɓa yɨ́ Mèèín, sàmàìn nyí ɓáaŋkɨ́ ŋgábè nɨ ɗàà. Gə́tɨnáam nyí tɨ̀ gain Mèín su!» Á tɨ́ŋgù̧ú̧ bɨ yi ə́mne nɨ́m Gàmàlíyêl yi ta kɨ́.