Δημοφιλή Βιβλικά εδάφια από Mt 13

Κοινοποίηση

Qalaĝaja jaga'me nepeta jo'ne onaĝaic ga'me aleua da'me danaĝalegue yelo'tegueta gaa'me jo'ne domachita da'me 'naqataĝanaĝac qama'le yayate'n nataq'aen onaĝaic ga'me jalayaĝac 'me chiyaqayi, ena'am jaga'me laqata qom chiyaqayi cien jaga'me jala, sesenta uotaĝa treinta jaga'me jala 'me chiyaqayi onole nepeta.”

Nataq'aen ga'me naje'moto ga'me yaĝat da'me qoyaañi, nach'ega jo'ne domachiyalo gaa'me 'naqataqa, qalaĝaja da'me lepitaĝanaĝanaĝaco jena'me aleua nataq'aen joda'me loqovinaĝanaĝaco da'me neuoyaĝac yapadiñe da'me 'naqataĝanaĝac, chane'eja ja yauote jalayaĝac.

jogaa'me jo'ne domachita da'me qo'yaĝatetac joda'me nejaliaĝa qama'te ja yayate'n, eda'am jaga'me nepeta jo'ne tachi'ñgui ga'me naq'aec; novi' ñe'me payac qama'le doĝotaĝanec da'me 'naqataĝanaĝac jo'ne qoyanoue ga'me lauel.

Jaga'me nepeta jo'ne ta'ña ga'me qadijat yelo'tegueta gaa'me jo'ne nale domachita da'me 'naqataĝanaĝac qama'le made'tapolqa nale yacoteguet, qalaĝaja queda'me ja jalcote ga'me pata', ja yaqanate't da'me 'nañaĝatela'ajalo; qom naqaeda jouaĝat da'me 'naqataĝanaĝac uo'oe gaa'me napiyenagueco uotaĝa qoyecaa'tape, yaqataqate'n qama'le nepaten.

“Joda'me lejaliaĝa ñe'me Dios ena'am qom qoyoĝochiñe jaga'me lae't da'me neuoyaĝac. Qama'le 'uo ga'me jiyaĝaua yejomalegue jaga'me neuoyaĝac lae't, qama'le nach'ega yacha'ña da'me yitaĝa yoĝotoue jena'me aleua. Yataqachiñe najaqachigui da'me lamaic ca'li ec qaedi yemen yema ga'me yauana. Yem qama'le ecot ga'me aleua lae.

Qalaĝaja jaga'me lae tachi'ña ga'me onaĝaic aleua, qama'le onaĝaic ga'me jalayaĝac; 'uo jaga'me cien jaga'me chiyaqayi, laqaya chiyaqayi sesenta, jaga'me laqaya chiyaqayi treinta.

'Noota da'me auomachii'talo naquetaje'ma't chayovida'a qom jaqataĝanaq. Chane'eja jama' qomle gaa'me datoĝo'n qaedi 'uaeñe nato'y jaga'me cizaña yauo'oe naa'me lajaĝataqa, qaedi qoyigouelo. Qom yem qama'le qoyiyamaĝat ga'me trigo, qoyachauelo naa'me yequipi'.»”