Δημοφιλή Βιβλικά εδάφια από Ñwaè' Joân 16

Κοινοποίηση

Mɛ̀ làa cena nè wèe tɛ wèe bo koni cumʉnyaŋ njep mɛ̀. Wèe be yɛ ŋgɛ' njep ŋgòŋ na. Ka' yi yu wa'a, kur nè ntee. Mɛ̀ so ŋgòŋ ca.”

Be ba à nfè' ce Yʉ' ce yi ke suŋ bèe yuu mini yi vʉ̀, tɛ yi gee tɛ wèe riŋ buu wɛɛwɛ ce vi yu mini. E be làa buu ba à ŋger yi ka'. E be kù làa ba buu ce e yu'. E be suŋ wèe buu ce vi bii ka' ba.

Caar ghɛɛ sè'ni na, wèe à be loo yuu mo' fa mɛ̌ rlii ka'. Loo nè tɛ wèe bo koni, tɛ le rlu'shì li bo mìsi.

Geewa'a, m ce suŋ wèe yuu mini. Yi yu bòŋboŋ nè wèe enɛ m dû, njobè' m ka' tɛ dù ka', Ŋwɛ̀ Rjà' vʉ cu wèe wowèe ka'. M ka' dû, m tuu ye tɛ e vʉ cu wèe wowèe. E be vʉ̀ tɛ e gee tɛ ŋgòŋ yi yɛ yàp fàa kùu buu bbebep, ba buu byɛɛnì ker ba mnsa'.

A mbò wèe ce koosimnse sè'ni wa'a, geewa'a m be kèr yɛ wèe, tɛ wèe lu'shi à nfè' anà, tɛ ŋwɛ̀ mò' ker jepsi wèe efa rlu'shì ka'. “Be ba nyʉ̀ anà tɛ wèe ker loo yuu mo' ese mɛ̀ ka'. M ce suŋ wèe nè mini-ŋwɛ̀ enɛ wèe à ka' loo ka' njɛ̀ɛ kɛ ese Tàr fa mɛ̌ rlii, e be fa yuu anà nè wèe.

M ce suŋ wèe nè mini-ŋwɛ̀ enɛ wèe be war ce koosimnse, tɛ ŋgòŋ yi ce lu'shi yi yu. Wèe be seŋ buu tɛ yè nseŋ buu anà lo kʉti ba à rlu'shì.