Δημοφιλή Βιβλικά εδάφια από Ñwaè' Joân 15

Κοινοποίηση

M yu msini, wèe à ba mmba'. Ŋwɛ̀ ce e ka' cu njep mɛ̀, mɛ mɛ̀ cu njep ye, banɛ ŋgàŋ be yʉ mbàŋ gòr sê. Wèe à ka' tɛ cu njep mɛ̀ ka' àde' wèe gee yuu mo' ka'.

Cu nè njep mɛ̀ tɛ m cu njep wèe. Àmbò àde' mba' fartì enje msini, ker yʉ ka' nà, wèe à ka' tɛ cu njep mɛ̀ foŋ ka', àde' wèe gee yuu mo' ka'.

Wèe à ka' cu njep mɛ̀, wa blàa vi cu njep wèe, wèe à ka' loo ka' njɛ̀ɛ kɛ ce wèe kòŋ ese mɛ̀, m be fa yuu anà nè wèe.

À m ce wèe a ce mɛ̀ ka'. À m ce mɛ̀ a ce wèe, a tuu wèe tɛ wèe bo dù yʉ mbàŋ, tɛ mbàŋ anà yi bo cu. Wèe à ka' gee wa'a, wèe à ka' loo ka' njɛ̌ɛ kɛ ese yà Ta fa mɛ̌ rlii, e be fa yuu anà nè wèe.

Njɛ̀ɛ rkòŋnì mo' li yu àgho a ker caa ce enɛ ŋwɛ̀ kwe àtu bkar vi ka'.

Mba' efa gho ce e ka' ce yʉ ka', e gwar ma'. Mba' ce e ka' ce yʉ, e kupshì tɛ e bo yʉ gòr.

Yuu ce m ce làa enɛ wèe gee yi yu enɛ wèe koŋni àmbò m kòŋ wèe.

Yuu ce àde' a ku'sì yà Ta àgho yi yu enɛ wèe yʉ mbàŋ gòr. Cena yi be dùŋshi enɛ wèe yu ŋgǎa yɛ'ni yà buu.

Jisòs à m ker laa enɛ̂, “M yu msini grɛ̌p ce mini. Yà Ta a ŋwɛ̀ ce e ke ke' à msini ca.

Ŋwɛ̀ à ka' tɛ cu njep mɛ̀ ka', banɛ a be mà' ŋgàŋ àmbò mba' msini, tɛ e yuushi. A ke baashi njɛ̀ɛ mmba' anà, ma' njep mor vi she.

Mɛ̀ làa buu ca nè wèe tɛ wèe bo lu'shi foŋ àmbò mɛ̀, tɛ le rlu'shì anà li bo mìsi.

Wèe à ka' gee buu ce mɛ̀ làa nè wèe, wèe be cu njep la rkòŋnì àmbò mɛ mɛ̀ foŋ à gèe buu ce yà Ta à làa enɛ m gêe, a cu njep li rkòŋnì nà.

Yuu ce m ce làa nè wèe yi yu enɛ wèe koŋni.

Wèe à ba ba bèe enjep ŋgòŋ na, wowèe a ba kòŋ wèe njobè' wèe yu yàp bèe. Geewa'a wèe yu ye bèe enjep ŋgòŋ na ka'. Mɛ̀ ce wèe efa mʉ̀ bèe enjep ŋgòŋ na. A mbùu ce wowèe a bàa wèe.