Sawal la giled’a 87
87
A yor Siyon
1Ni sawal la gile d’a Kore groma a hlata.
Ma didina mi tin azì ma Jerusalem-ma
ni yam ahina d’a a tinit irat vata.
2Mi min azì ma Siyon-na
kal yima kak ma dingâ handjafâ hi Jakob-mina pet.
3Ang azina hAlonina,
ahle suma azi dazi kangâ pet ni subura.
Tchol ndjö
4An mba ni de woi yam Ezipte ki Babilon
aduk suma a wana ala:
Gola! Suma Filistê-na
ki suma Tir-râ ki suma Etiyopi-na
a vud’uzi ni kur ambas sa wanda!
5Wani yam azì ma Siyon-na,
djivid’a a de kam ala:
Alo ma sä akulo ma kal teglesâ,
mi tinimî mam tamba,
wana nambas sa gagazid’a hi nge nge pî d’a adigazid’a.
6Ma didina mi ndum andjaf suma,
mi b’irizi simiyêzi kur mbaktumba ala:
Sama lara pî a vud’um mi Siyon sä hî.
Tchol ndjö
7Suma hle sawala ki suma lü ndjongâ a nga dala:
Djivi manda pet ti tcholï ni kuruk ndak Siyon!
Zur Zeit ausgewählt:
Sawal la giled’a 87: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.