Sawal la giled’a 79
79
A tchen yam b’laka hi Jerusalem-mba
1Ni sawal la gile d’a Asaf mi hlata.
Alo mamina, andjaf suma dingâ a kal wa kur ambas manga,
a mbut wa gong mang nga kud’ora ndjendjed’a,
a b’lak wa Jerusalem mbei kakazeî mi.
2-3Azi djang buzuwa azungeî mangâ woi
huyok Jerusalem d’igi mbina na;
sama tozozi nga d’i.
Azi he mad’a azungeî mangâ á ted’a maluweina,
a he hliwa mang suma d’engzengâ
á ted’a mamburei suma abageina.
4Gola! Suma a nguyumina a nga ngulumiya,
a nga san ad’umiya, a nga lazami mi.
5Ma didina, ang hurung mba zal kami hina gagak mindja ge?
Ang hurung mba zal kami ni d’igi akud’a ti ngal yina na zu?
6Ar ang zal hurung yam andjaf suma a wang nga d’uo na,
yam leu d’a nga d’i yang á ndjunut tuo d’a,
7Kayam azi hurum andjafâ hi Jakob-ma,
a b’lagam ambas mamba woi mi.
8Ar ang tinimi tchod’a habuyomi ngolod’a kami d’i,
wani yam o manga ang mbei gevemiya.
Ang le lilinga d’i,
kayam ami mbud’umi wa amangeîd’a.
9Alo mami ma suta,
yam subur manga, ang mbeï ndjunumiya;
yam simiyêngû, ang prud’umi woyo,
ang vat hurung ngei yam tcho mamid’a mi.
10Ni kayam me ba, ang ar andjaf suma dingâ a nga dala:
Alo mazina mi nga ni lara ge ge?
Ar suma a we woi pid’ak avoromi ala
ang nga sä atchugul azungeî mang suma a tchazina.
11Ar ang hum yor tad’a hi suma a yozi dangeinina;
kad’eng manga ang sut suma a nga avun matnina woyo.
12Salad’a, ang wurak suma a nguyumina
yam ngul la a ngulunga wuwurak yang kid’iziya.
13Hina wani, ami mang suma ang polomi d’igi tumiyôna na na,
ami mba gileng burâ ki burâ,
ami mba dami woi yam subur manga
kur atchogoi d’a lara ge pet mi.
Zur Zeit ausgewählt:
Sawal la giled’a 79: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.