Génesis 5
5
Jero ivajiropee ishanincapeeni Adán
(1 Crón. 1.1-4)
1Jero oca ivajiropee iriori ishanincapeeni Adán:
2Peerani yovetsicaqueri Tasorentsi atiripee, ishiacantaca iriori; yovetsicaqueri shirampari aisati tsinane aisati itasoncaventaqueri. Yovetsicantacariri, icanti Tasorentsi: “Impajitea atiripee.”
3Ari ocaratanaque 130 irosarentsite Adán, otimantajariri ijina itomi ipajitajiri Set. Iquempetasanotajari catsini iriri. 4Impoiji ocaratanaji aisati 800 irosarentsite, otimayetajiri aisati itomipee jero irishintopee. 5Ari ocaratapaaque 930 irosarentsite Adán icamantaca.
6Ari ocarataque 105 irosarentsite iriori Set, otimantacariri ijina itomi ipajitaqueri Enós. 7Impoiji ocaratanaque aisati 807 irosarentsite, otimayetajiri aisati itomipee jero irishintopee. 8Ari ocaratapaaque 912 irosarentsite, irosati icamantaca.
9Ari ocarataque 90 irosarentsite iriori Enós, otimantacariri ijina itomi ipajitaqueri Cainán. 10Impoiji ocaratanaque aisati 815 irosarentsite, otimayetajiri aisati itomipee jero irishintopee. 11Ari ocaratapaaque 905 irosarentsite, irosati icamantaca.
12Ari ocarataque 70 irosarentsite iriori Cainán, otimantacariri ijina itomi ipajitaqueri Mahalalel. 13Impoiji ocaratanaque aisati 840 irosarentsite, otimayetajiri aisati itomipee jero irishintopee. 14Ari ocaratapaaque 910 irosarentsite, irosati icamantaca.
15Ari ocarataque 65 irosarentsite iriori Mahalaleel, otimantacariri ijina itomi ipajitaqueri JÉred 16Impoiji ocaratanaque aisati 830 irosarentsite, otimayetajiri aisati itomipee jero irishintopee. 17Ari ocaratapaaque 895 irosarentsite, irosati icamantaca.
18Ari ocarataque 162 irosarentsite iriori JÉred, otimantacariri ijina itomi ipajitaqueri Henoc 19Impoiji ocaratanaque aisati 800 irosarentsite, otimayetajiri aisati itomipee jero irishintopee. 20Ari ocaratapaaque 962 irosarentsite, irosati icamantaca.
21Ari ocarataque 65 irosarentsite iriori Henoc, otimantacariri ijina itomi ipajitaqueri MatusalÉn. 22Yora Henoc icantani imataquero icoacaaqueriri Tasorentsi, irotaque ineacameetsatantacariri. Impoiji ocaratanaque aisati 300 irosarentsite, otimayetajiri aisati itomipee jero irishintopee. 23Ari ocaratapaaque 365 irosarentsite. 24Icantani Henoc imoncarataquero icoacaaqueriri Tasorentsi, Ari aparo quitaiteri ipeashitaca, yaajiri Tasorentsi.
25Ari ocarataque 187 irosarentsite iriori MatusalÉn, otimantacariri ijina itomi. Ipajitaqueri Lámec. 26Impoiji ocaratanaque aisati 782 irosarentsite, otimayetajiri aisati ijina itomipee jero irishintopee. 27Ari ocaratapaaque 969 irosarentsite, irosati icamantaca.
28Ari ocarataque 182 irosarentsite iriori Lámec, otimantacariri ijina itomi 29ipajitaqueri NoÉ. Tempa icanti iriri: “Peerani icantasanotaque Tasorentsi: ‘Eiro ocameetsatasanotanajitsi quipatsi.’ Irotaque meeca apomerentsiventantacarori, acantani antaveeti. Iro cantaincha jeri yoca meeca jananequi, iriotaque maoreacaajeeneri.” 30Impoiji ocaratanaque aisati 595 irosarentsite, otimayetajiri aisati ijina itomipee jero irishintopee. 31Ari ocaratapaaque 777 irosarentsite, irosati icamantaca.
32Ari ocarataque 500 irosarentsite iriori NoÉ, otimantayetacariri ijina itomipee. Ipajiyetaqueri Sem, Cam jeri Jafet. Iriojeitaque ishanincajeitaniri iriori Adán.
Zur Zeit ausgewählt:
Génesis 5: cni
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2008, 2015, Wycliffe Bible Translators, Inc. All rights reserved.
