Ageun 35
35
1 #
Age 28:11-17,19; 27:43; 28:13. Kotema Edeke Yakob atiar, “Konyou, kolot Bet-el, kiboikin ŋina: kodukok ŋina etem loka Edeke, loabu kitaanyikin jo naikeria kakonyen nuka onacekon Esau.” 2#Age 31:19; Yos 24:15; 1 Sam 7:3; Any 19:10. Kosodi kotema Yakob lukokaleke, ka nul kere lukeiaas kaŋes atiar, “Kolemasi idekesio lukacekwapin luijaatatar, kitalaunos, kiloco ikusinapen; 3#Age 32:7,24; Sab 107:6; Age 28:20; 31:3,42. Kanyoutu, kaloto Bet-el; adukokini eoŋ da ŋina etem loka Edeke, loabu kabonok kapaaran naka icanika, loajaenena keoŋ korot loetorenenei.” 4#Kos 2:13; Yos 24:26. Koinakis Yakob idekesio lukacekwapin kere lukejaas akaninikec, ka itetio lukeiaas akikec; kibwa Yakob kes kokwap kelua lokeapie koSekem.
5 #
Any 15:16; Ikis 11:25; Yos 2:9; 5:1; 2 Siit 14:14. Kolototo: kojai akurian naepol oreria luerimoritos kes, mam apotu kibwapakis idwe luka Yakob. 6#Age 28:22. Kwaŋin kodolo Yakob Lus, naejai akwap naka Kanaan (nin ŋes Bet-el), ŋes ka ituŋa kere lukejaatar. 7#Lim 5:4; Age 28:13. Kodukok nen etem, komaik aibois El-bet-el: #35:7 El-bet-el Apolouke Edeke loka Bet-el. naarai nen etakanikinor Edeke, naakeria kakonyen nuka onaceke. 8#Age 24:59. Kotwana Debora akasaan naka Rebeka, kidaikinai kwap naka Bet-el kwap kelua: komaikinai ekiror Alon-bakut.#35:8 Alon-bakut Apolouke Elua loka aibworo.
9 #
Kos 12:4. Kitaanyikin bobo Edeke Yakob, nakebunio koPadan-Aram, kisireren ŋes, 10#Age 17:5; 32:28. Kotema Edeke ŋes atiar, “Ekonikiror Yakob: mam bobo kinyaritai Yakob, konye do Isirael ŋes ekonikiror.” Komaik ekekiror Isiracl, 11#Age 17:4-8; 48:3,4; Any 6:3. Kotema Edeke ŋes atiar, “Eoŋ Edeke Lokapedor kere: kouriar kiyatakin; ateker ka atukot naka atekerin epote kamakon, elomunete da ikabakan kakuanakon. 12#Age 12:7; 13:15; 28:13; Any 32:13. Ido akwap naabu kainak Aburaam ka Isaak, kainakini jo, ka akoniwur naetupanakini ainakini akwap ŋin.” 13#Age 17:22. Konyou Edeke kama ejai kaibois kanaeneratatar kaŋes kolot. 14#Age 28:18-19. Kosipok Yakob epir kaibois kanaeneratatar kaŋes, epir loka amoru: kobukok ainakinet namatat, kobukok da akinyet, 15‘Komaik Yakob aibois naeneratatar Edeke kaŋes ekiror Bet-el.
16Kobwota koBet-el; eroko ideuna apak edit adolore Epurat: korieb Rakel aidoun naa ti ono noi. 17#Age 30:24. Kosodi erieba ŋesi kanuationor aidoun, kotema akesidon ŋes atiar, “Sirildkurianar; naarai idumuni nat icekoku yenitelepat.” 18Kosodi kanen, keapu akeijar adaun (naarai abu kotwana), komaik ikoku ekekiror Ben-oni; #35:18 Ben-oni Apolouke Okoku laka aitururuka. konye papake komaik ŋes Benyamin.#35:18 Benyamin Apolouke Okoku loka akan nakoteten. 19#Age 48:7; Rus 1:2; 4:11; Mik 5:2; Mat 2:6. Kotwana Rakel, konukai korot loalosi Epurat (ŋes Bet-lekem), 20#1 Sam 10:2. Kitemok Yakob epir kuju kaketes: ŋes Epir loka ates naka Rakel aitodollolo. 21#Mik 4:8. Kobwot Isirael, kibubuk ewemake juwai loka etogo loeoja noi loka Eder.
22 #
Age 49:4; 1 Siit 5:1. Kosodi nakiboio Isirael kakwap kaŋin, kolot Reuben kopero ka Bilika aberu naka papake; kiira Isirael ŋun, Emwaasi odwe luka Yakob itomon ka luarei: 23#Age 46:8; Any 1:2. Odwe luka Lea; Reuben, ekiyai loka Yakob, ka Simeon, ka Lebi, ka Yuda, ka Isakar, ka Sebulun; 24Odwe luka Rakel; Yosep ka Benyamin. 25Odwe luka Bilika, abulesit naka Rakel; Dan ka Naputali: 26Odwe luka Silupa, abulesit naka Lea:
Gad ka Aser: nul kes odwe luka Yakob, lukeurio koPadan-Aram. 27#Age 13:18; Yos 14:15. Kodol Yakob mama ejai Isaak papake Mamure, Kiriat-araba (ŋes Keburon), nekiboieneneoto Aburaam ka Isaak. 28Kobut Isaak ikar akwatat ka akaisakanykauni. 29#Lim 12:7; Age 15:15; 25:8,9; 49:31. Kojal Isaak aijar, kotwana, koyanaarai mama ejaas iketuŋa, komojon kodaunite ikar luipu: kidaata ŋes odweke Esau ka Yakob.
Zur Zeit ausgewählt:
Ageun 35: AOV1961
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Ateso Old Version Bible © United Bible Societies, 1961.
