Ageun 25

1Kosodi Aburaam aimany aceberu, ekekiror Ketura. 2#1 Siit 1:32. Kouri ŋin Simuran ka Yokusan, ka Medan, ka Midian, ka Isibak ka Sua. 3Yokusan kouri Seba ka Dedan. Idwe luka Dedan kes Asurim ka Letusim ka Leumin. 4Bwe luka Midian; Epa ka Eper, ka Kanok, ka Abida, ka Eludaa. Ŋul kere kes idwe luka Ketura. 5#Age 24:36. Koinak Aburaam Isaak kere luajaatar. 6#Age 21:14; Tub 6:3. Konye idwe luka abulesin, luajaatar Aburaam, koinak Aburaam kes ainakineta: kitonyou kes kama ejai Isaak okokuke, eroko ŋesi ejari, kolototo kidc akwap nakokide,

7Nu kes apaarasia nuka ikar luka aijar naka Aburaam nuabu kobut, ikar akwatat ka akaisakanykaarei ka lukany. 8#Age 15:15; 47:8,9; 35:29; 49:33; Asw 13:36. Kojal Aburaam aijar, kotwana kodaunite akokosan ejok, komoionite noi, kodoloto ikekar; koyanaarai mama ejaas iketuŋa. 9#Age 49:29,30; 50:13. Ikedwe Isaak ka Isimael kidaikis ŋes toma abua naka Makupela, toma omanikor loka Epuron okoku loka Sokar Ekitit, loitei Mamure; 10#Age 23:3-16. Emanikor loetwegelete idwe luka Ket Aburaam; kidaikinai nen Aburaam ka aberuke Sara. 11#Age 16:14; 24:62. Kosodi kedau Aburaam atwanare kisireren Edeke Isaak okokuke; kiboienenei Isaak koBeer-lakai-roi.

12 # 1 Siit 1:29. Na ŋes aur naka Isimael okoku loka Aburaam, loabu Kagar Amisiriat, abulesit naka Sara, kourik Aburaam: 13Lu kes ikiroria luka odwe luka Isimael, kwape ejaatar ikiroriakee, kwape ejaatar aturiokee: ekiyai loka Isimael ŋes Nebaiot; ka Kedar, ka Adubeel ka Mibusam. 14Ka Misima, ka Duma, ka Masa; 15Kadad, ka Tema, jetur, ka Napis, ka Kedema; 16#Age 17:20. ŋul kes idwe lutelepai luka Isimael ido nul kes ikiroriakee kwape ejaatar ireriakec, ido kwape edukuroto iwemaikee, ijaka itomon ka luarei kwape ajaatar akeeetekerin. 17#Age 25:8; 49:33; Mk 15:37. Ikar da luka Isimael luabu kobut, ikar akwatat ka akaisauni ka lukanykaarei; kojal aijar, kotwana; koyanaarai mama ejaas iketuŋa, 18#1 Sam 15:7; Age 16:12. Kiboioto anyoun koKabila aitodol Sur naitei Misiri; bala ilosi Asuria; eboienenei kaneajaas ikeinaean kere.

19 # Mat 1:2. Na ŋes aur naka Isaak okoku loka Aburaam; abu Aburaam kouru Isaak: 20#Age 22:23; 24:29,67. Ido abu Isaak kodaunite ikar akaisaoŋon komanya Rebeka, akoku naka Betuel, Esuriat loka Padan-aram, inaeike ka Laban Esuriat, araun akeberu. 21#1 Sam 1:11; 1 Siit 5:20; 2 Siit 33:13; Esr 8:23; Rom 9:10. Kinaiŋa Isaak EJAKAIT kanuka akeberu, naarai arai arakan; kiira EJAKAIT aiŋainaitoike, kopotuu akeberu Rebeka. 22#1 Sam 9:9; 10:22. Kopegasi idwe kotoma akoikike; kotema atiar, “Arai ikote nen, kanukinyo apotio eoŋ?” Kolot ŋesi aiŋit EJAKAIT. 23#Rom 9:12; Age 24:60. Kolimok EJAKAIT ŋes atiar,

“Ejaas atekerin aarei toma akoikikon.

Ido atekerin aarei epote atiak napeelomunete kaliligetekon;

Ateker adiopet da itelekari ateker ace kagogon;

Ido lokapolon ijaanakini lodidi.”

24Kedoloto apaarasia nuka aidounike, koany, ajaas imwatok akoikike. 25#Age 27:11. Kolom yenisodit erai yeneren akuanake kere, koeekite bala anapito naka ajul; komaikis ekekiror Esau. 26#Kos 12:3; Age 27:36. Kokau kolom onaeeke, itinit akekan atitibat naka Esau; komaikinai ekekiror Yakob; #25:26 Yakob Apolouke Yenitini atitibat. korai Isaak loka ikar akaisakanykape ewuriei akeberu kes.

27 # Age 27:3,5; Yob 1:1,8; 2:3; Bur 11:9. Kopolooros itelepai; koraun Esau ekamejan loepiriana, etuŋanan loka ais; korau Yakob etuŋanan loiyapaara, kiboienenei kotoma owemai. 28#Age 27:6,19. Komina do Isaak Esau naarai anyamenenei lumejanake; Rebeka da komina Yakob.

29Kipo Yakob emanor; kolom Esau kais, ilworuna noi: 30Kotema Esau Yakob atiar, “Keŋaiŋait, kitanyamai emanor ŋol Ioeren, naarai elworuna eut.” Ŋes enyaritere ekekiror Edom.#25:30 Edom Apolouke Eren. 31Kotema Yakob atiar, “Kitwegelai lolo akonipolou.” 32Kotema Esau atiar, “Koany, eapie eoŋ atwanare, ido kenarakini eoŋ apolou biai?” 33#Bur 12:16. Kotema Yakob atiar, “Kiyapoikinoi lolo.” Kiyapoik: kitwegel Yakob akepolou. 34#1 Kor 15:32. Koinak Yakob Esau atap ka emanor loka imare; konyam, komat, konyou, kolot; kwaijin amwania Esau akepolou.

Zur Zeit ausgewählt:

Ageun 25: AOV1961

Markierung

Kopieren