مَتّی 1
1
عیسی مَسیح بونجوق.
1عیسی مسیح بونجوق،
کن داوودِ پادیشا و ابراهیم پَیغَمبری نَتاجیکا بَه، اِمَه.
2ابراهیم، اسحاقی دَدَ بَه،
اسحاق، یعقوبی دَدَ،
یعقوب، یهودا و چَی برااون دَدَ بَه.
3یهودا، فِرِص و زِراح دَدَ بَه، فِرص و زِراح نَنَه تامار به.
فرِص، حِصْرونِی دَدَ بَه،
حِصْرون، رامی دَدَ.
4رام، عَمّینادابی دَدَ بَه،
عَمّیناداب، نَحْشونی دَدَ،
نَحْشون، سَلمونی دَدَ بَه.
5سَلمون، بوعَزی دَدَ بَه و بوعَزی نَنَه نوم راحاب بَه.
بوعَز، عوبیدی دَدَ بَه و عوبیدی نَنَه نوم روت بَه.
عوبید، یَسا دَدَ بَه،
6یَسا، داوود پادیشا دَدَ.
داوود، سِلِیمونی دَدَ بَه و سِلِیمونی نَنَه اوریا ژِن بَه.
7سلیمون، رِحُبعامی دَدَ بَه،
رِحُبعام، اَبیّا دَدَ،
اَبیّا، آسا دَدَ بَه.
8آسا، یَهوشافاطی دَدَ بَه،
یِهوشافاط، یورامی دَدَ،
یورام، عُزّیا دَدَ بَه.
9عُزّیا، یوتامی دَدَ بَه،
یوتام، آحازی دَدَ،
آحاز، حِزِقیا دَدَ بَه.
10حِزِقیا، مَنَسی دَدَ بَه،
مَنَسی، آمونی دَدَ،
آمون، یوشیا دَدَ بَه.
11یوشیا، یَکُنیا و چَی برا اون دَدَ بَه.
اَ زَمانیکا کن یَهودییِن بابِلیرا تَبعید بینَه.
12یَهودیون بابلیرا تبعید بِه بَه دوملَه:
یِکُنیا، شِئَلْتیئیلی دَدَ بَه،
وشِئلتیئیل، زِرولبابِلی دَدَ بَه.
13زِروبابِل، اَبیهودی دَدَ بَه،
اَبیهود، اِلیاقیمی دَدَ،
اِلیاقیم، عازوری دَدَ بَه.
14عازور، صادوقی دَدَ بَه،
صادوق، اَخیمی دَدَ،
اَخیم، اِلیودی دَدَ بَه.
15اِلیود، اِلعازاری دَدَ بَه،
اِلعازار، مَتّانی دَدَ،
مَتّان، یعقوبی دَدَ بَه.
16یعقوب، یوسوفی دَدَ بَه، یوسوف مَریَمی شو بَه.
اَ مَریَم کن، عیسی کن بَی مَسیح خِلِه اَکَرینَه بَیکا دِنیا دَگِنستَه.
17پس گِردِ اودومِن، ابراهیمیکا تا داوودیکا چاردَ اودوم، داوودیکا تا یهودییِون بابِلیرا تبعید بِه چاردَ اودوم، یهودیون بابلیرا تبعید بِه تا مسیح، چاردَ اودوم بینَه.
عیسی مسیح دِنیا آمِه
18عیسی مسیح دِنیا آمِه اِنتَرَ بَه: وقتی کن عیسی نَنَه مریم، یوسوفی پَیوَندی بَه، چَوون ایزدواجی بَه نَه، دیار آبه کن مریم خدا موقَدَسَه روح کا خامیلهَ پِرمَیَه. 19چِی شو یوسوف عادیلَه مِردی بَه و نَپیش بَه مریمی رسوابِکَرِ، تصمیم گتِشَه کن یَواشَلِه اَیکا جِدا آبو. 20ولی هَتَه کن یوسوف اِم چییون فِکری اَکَریَه، ایکَرَ ایی خداوندی ایلَه فرشتَه، خاوی دِلَکا یوسوفیرا اَیر آبَه و واتِش: «یوسوف، داوود پادیشا زوعَه، مَریَمی گَتِکا مَتَرس، چون اَ خِردَنی کن چَی لَوَکارَ خدا موقَدَسه روح کا اَ. 21اَ ایلَه زوعَه بَزَندیَه و ته چَی نومی عیسی آشَنا، اِمی خاطیرکن اَ اِشتَن قامی، چَوون گناخونکا نیجات داشَه.»
22گِردِ اِم چییِن ایتفاق دَگنستَه تا اَ چیی ایی کن خداوند اِشعَیای پَیغَمبَری واسیطَنَه واتَش بَه، اَنجوم ببو کن:
23«دَیَس باکرَ خامیلَه بَبیَه و زوعَه ایی بَزَندیَه،
واَیِن چَی نومی عِمانوئیل بَنانَه.»
چَی معنی اِمَه کن «خدا اَمَنَه دَرِ»
24وَقتی یوسوف خاویکا پِبَه، اَچیی ایی کن خداوندی فرشتَه بَی فِرمون دوعَش بَه، اَنجوم داشَه و مَریَمیش گَتَه. 25ولی تا زمانی کن مریم اِشتَن زوعَه دِنیا بوعَرِ بَینَه نِخِتَه؛ یوسوف خِردَنی نومی عیسی پِناشَه.
Zur Zeit ausgewählt:
مَتّی 1: CTB
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
@ 2024 Korpu Company
