یوحنا 17
17
عیسی دوا بَکَی
1اِم گَفون ژِ بَه دوملَه، عیسی اِشتَن کَلَّه راست آکردِشَه وآستامونی دَیَشتشَه و واتِش: « دَدَ، اَ وَقت آرَستَیه. اِشتِه زوعَه جلالی دیار آکَه تا اِشتِه زوعَه نی اِشتِه جَلالی دیار آکَرِ. 2اِمی خاطر کن تِه گِرِدِ اینسانون سِردِرِ اِشتِه زوعَه زاکین دوعَرَ تا گردِ اَیِنی کن تِه بَی آدوعَرَ، زَیرونَه زندَگی بدَرِ. 3و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن. 4اَز اَ کاری کن چمن دَست آدارَ تا اَنجوم بِدَرم، اَنجوم دامَه، و اِنتَرَکه اِشتِه جلالی زَمینی سَردِرِ دیار آکَردِمَه. 5پس ایسَه اَی دَدَ، ته نی بَمن اِشتِه وَریکا جلال بِدَ، هَه جلالی کن دِنیا شروو بِه بَه نَ اِشتِه وَر داریم.
عیسی دِوا شاگردونرا
6«اَز اِشتِه نومی اَیِنی سَردِرِ کن دِنیا آدَمونکا بَمن بَخشسترَ، دیار آکَردِمَه. اَیِن اِشتِه شِن بینَه و تِه اَیِنِر بَمن آدارَ، و اَیِن نی اِشتِه گَفون اَنجوم بَدانَه. 7اَیِن ایسَه بَموستین کن هَر چیی ایی کن تِه بَمن آدوعَرَ اِشتِه طَرَفیکا اَ. 8چون اَ گَفِنی کن تِه بَمن آدارَ، اَز اَوون آدامَه، و اَیِن اَ گَفَنِشون قِبول کَردَ واِم حَییقتی فهمستَشونَه کن اَز اِشتِه طَرَفیکا آمَه ایمَه، و ایمان وَردِشونه کن تِه بَمن رَونَه آکَردَرَ. 9اَز اَوونرا دوا بَکَم، اَز دِنیارا دوا نِمَکرد، بَسکَم اَیِنی را کن ته بَمن دوعَرَ دوا بَکَم، اِمی خونه کن اَیِن اِشتِه شنینَه. 10هر چیی ایی کن چمن شِنَه، اِشتِنَه و هر چیی اِشتِه شنهَ، چمنَه؛ و چمن جلال چَوون دِلَکا دیار آرَبن. 11اِمیکا ویشتَر اِم دِنیا کا نیمَمَند و اِشتِه وَر کایمَه آمِه، ولی اَیِن هَنوزَنی دِنیا کانه؛ اَی قودوسَه دَدَ، اَوون اِشتِه نومی خنَرینَه کن بَمن بَخشستَرَ غَم بَه، تا اَیِن نی ایلَه ببون، هَتَه کن اَمه ایلَه هستیمون. 12تا وقتی کن اوونَّه بیمَه اَوون اِشتِه نومی خِنَرینَه کن بَمن بَخشِستِرَ غَم هَردِمَه، اَز اَوونکا موحافیظَت کَردِمَه و هیچ کم اَوونکا نیفلَه آنِه بینَه، غَیرَاز اَ زوعَه ای کن چَی لیاقَت نیفلَه آبِه بَه تا اِنتَرَکِه موقدسَه نیوشتَه اِن اَنجوم ببون. 13ولی ایسَه اَز اِشتِه وَر کام آمِه، و اِم گَفون زمانی باتیم کن هَنوزَنی دنیاکامَه، تا چَوون دل چمن خَشیکا پَتلَمه ببو. 14اَزاِشتِه کلامی اَوون آدامَه. دِنیا اَوونکا نیفرت داریَه، اِمی خونه کن اَیِن دِنیا شن نِبینَه، هَتَه کن اَز دِنیا شن نیمَه. 15چمن درخواست اِم نیَه کن اَوون اِم دنیاکا ببری، بَلکَم اَپیمه اَ آوشَریکا اَوون غَم بَری. 16اَیِن اِم دِنیا شِن نینَّه، هَته کن اَز اِم دِنیا شِن نیمَه. 17اَوون حقیقتی دلَکا غَم بَه تا اِشتِه وقف ببون؛ اِشتِه کلام حقیقتَه. 18هَته کن تِه بَمن اِم دِنیا دِلَرا عَندِرَ، اَز نی اَوون دِنیا دِلَرا رَونَه آکَردَمَه. 19اَز چَوون خونه بَشتَن اِشتِه وَقف بَکَمه تا اَیِن نی حَییقتینَه اِشتِه وقف ببون.
20«اَز ام چیون فقط اِمونرا نِپیستِمَه، بَلکَم اَیِنیرا کن اِمون واسیطَنَه بَمن ایمان بوعَردینَه نی بَپیمه، 21تا گرد ایله ببون، هَته کن تِه اَی دَدَ چمن دلَکاشَه و اَز اِشتِه دلَکا. کاری بکَه کن اَیِن نی چَمَه دلَکا ببون، تا دِنیا ایمان بوعَرِ کن ته بَمن رَونَه آکَردَرَ. 22اَ جلالی کن ته بَمن دوعَرَ اَز اَوون آدوعَمَه، تا اَیِن نی ایله ببون هَته کن اَمه ایله هستیمون؛ 23اَز چَوون دلَکا و تِه چمن دلَکا تا اَیِن کامیلاً ایلَه آبون تا دِنیا بِزنِه کن ته بَمن رَونَه آکَردَرَ،و هَتَه کن بَمن رَی داری اَوون نی رَی بَداشتیش. 24اَی دَدَ، بَپیمه اَیِنی کن تِه بَمن بَخشستَرَ بَمنَه ببون، هَه جگاایکا کن اَز هِستیم، تا چمن جلالی دَیَسن جلالی کن تِه بَمن دوعَرَ، اِمی خونِه کن تِه دِنیا شروو بِه بَه نَ، بَمن رَی داریشَه.
25«اَی عادیلَه دَدَ، هر چَنَه دِنیا بَته آنیَموست، ولی اَز بَته آمَموست و اِمِن بَموستینه کن تِه بَمن رَونَه آکَردَرَ. 26اَز اِشتِه نومی اَوون آمونِستِمَه و هَنی آمونِم، تا اَ محبتی کن تِه بَمن کَردِرَ، چَوون دِلَکا نی ببو و اَز نی چَوون دلَکا ببوم.»
Zur Zeit ausgewählt:
یوحنا 17: CTB
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
@ 2024 Korpu Company
