मत्ति 3
3
चिभुअ्लि पिका युहन्नाको बानाल
(मर्कुस १:१-८; लुका ३:१-१८; युहन्ना १:१९-२८)
1आसा बाअ्सार न्हुअ्सो चिभुअ्लि पिका युहन्ना यहुदिया माउजाको उदादाङका थामेता लोहि रो एसा दोअ्तेङ पारचार पालि तेङहि, 2“कुकरम पालि लाअ्सु, हाइदोनु सादेलको सारभि#३:२सादेलको सारभि यहुदिगेलाइ परमेस्वरको मिङहेङ पुनित फोमपातेङ वाको मिङ माल्होपिघाखे, इङकोखातिर परमेस्वरको सारभिहेङ सादेलको सारभि दोअ्घाखे। भेर्पा लोका हि।”#मत्ति ४:१७; मर्कुस १:१५ 3हाइदोनु आगाधुइका यसैया युहन्नाको बारेता एसा दोअ्का हिघाखे:
“उदादाङका थामेता एमि बारा गालाहोइ र्हिकाइदोङखे,
‘परमप्रभुको दामा त्यार पासु,
वाको दामा सोझापासु।’”#यसैया ४०:३
4युहन्ना उटको मुइसाको धाबा लागाइघाखे रो केङखेनेता धालेको पेटि धेउघाखे। इङकोको चाकाआनेमाने जिर्हाम रो झारमह हिघाहि।#२ राजा १:८ 5यरुसलेम पुर, यहुदिया माउजा रो यर्दन झोरा कोरबितिङको गोताङ थामेगेलाइसो द्याङगेलाइ वाकोता हानेहि 6रो ताताइको कुकरम मानितेङ यर्दन झोराता युहन्नासो चिभुअ्लि र्हुहि।
7कालाउ बुङ फरिसिगेलाइ रो सदुकिगेलाइता हेअ्मि चिभुअ्लि र्हुलि लोका तिङतेङ वा एम्बालाइहेङ दोअ्हि, “ओइ पुह्याँको चानगेलाइ, लोलि तोम्का चेरसो खाअ्लि हासु नेलाइहेङ चेतानि पिहि?#मत्ति १२:३४; २३:३३ 8इदोइखातिर कुकरम लाअ्का दासि पिलि रेम्का काम पासु। 9आब्राहाम दोङ केलाइको आबा हि दोअ्तेङ ताताइमिता दोअ्तेङ माहिसु। हाइदोनु का नेलाइहेङ दोअ्खा, परमेस्वर इदोइ उन्ठुइसो आब्राहामको भाअ्सिङ खाल उब्जाइलि द्वावा।#युहन्ना ८:३३ 10एला दोङ सिङको गोराता निसापको दुफे धेल्लिङ तोम्होइ। इदोइखातिर रेम्का फल मासेपाका गोताङ सिङ पाल्तेङ उन्धिपावा रो मेता थालन्हावा।#मत्ति ७:१९
11“काचाहिँ नेलाइहेङ कुकरम लाअ्लिको भाअ्सिङ चिहोइ चिभुअ्लि पिखा, कालाउ बुङ कान्हुअ्सो लोका काखान्तेङ सरबङहिका हि, का वाको जुता चुमलि सोबाइका मान्थुघा। वा नेलाइहेङ पुनित हाङसा रो मेहोइ चिभुअ्लि प्यावा। 12वाको पाचिका राअ् वाकोङ खुरता हि। वा ताइको खाइर्हामहेङ थाइथाइ पावा रो ताइको आनाज भाकारता जोम पावा। कालाउ बुङ पितानाचाहिँ हेअ्लाउ मासिका मेता ओअ्पावा।”
इसुको चिभुअ्लि
(मर्कुस १:९-११; लुका ३:२१-२२; युहन्ना १:३२-३४)
13कालाउ इसु गालिल माउजासो युहन्नाकोता इङकोसो चिभुअ्लि र्हुलि यर्दन झोराता लोहि। 14कालाउ बुङ युहन्ना एसा दोअ्तेङ वासेहेङ गोर्हाइलि भोहि, “भुरुङ कासेहेङ कि नासो चिभुअ्लि र्हुलि गोइका हि, हाइ ना काङकोता लोलिगोइका?” 15कालाउ बुङ इसु वासेहेङ दोअ्हि, “एला एसाङ जेङलि पि। हाइदोनु एसा दोङ केलाइ गोताङ धरम काम पोङघा पालिगोयाङ।” कालाउ युहन्ना राजि जेङहि।
16इसु चिभुअ्लि र्हुतेङ ओदोङघरि चिसो ओल्हेहि, कालाउ सादेल हेन्हाहि रो वा परमेस्वरको हाङसाहेङ कुरजाभाइपाङ खुअ्तेङहिका रो ताइमिर्हुता लोतेङहिका तिङहि। 17ओदोङघरि दोङ सादेलसो इसिका गाला हिङहि, “या काङको मोन्दाताका चान हि, याकोदोफा का हेन्जाङ लेङचाका हिघा।”#सिरजाइ २२:२; ले २:७; यसैया ४२:१; मत्ति १२:१८; १७:५; मर्कुस १:११; लुका ९:३५
Zur Zeit ausgewählt:
मत्ति 3: DHIM
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2024 (Active), Wycliffe Bible Translators, Inc. All rights reserved.
