Mǒhtûlû̌hǎhtûsa 5
5
Ada akhlialè hǎte̤gilò̤ to̤ta Nǒa
1Lî̤ htǒomî̌ ta̤khwè̌mǎnǎǐ Ada akhlialè hǎte̤gilò̤ sîtoǒ awi̤akè̌.
Bǎ Cǒmaradû̌ bǒ kòyòhǎkhû̌phû̌ akhanu, a bǒ sǒsǒ asî ta ana̤. #Mǒhtûlû̌hǎhtûsa 1:26-27; Ephè̌shiaphû̌ 4:24 2A bǒlò̤tû̌pwǎ mamǔ ta makhû dě a howi̤homò̤ asî. Dě a bǒhto asî akhanu, a kaǎ asîmi̤ ta, “Kòyòhǎkhû̌phû̌.” #Mǒhtûlû̌hǎhtûsa 1:28; Matěo 19:4; Mǎ̤riko 10:6
3Bǎ Ada něǒ ta̤ya̤ ta sushi akhanu, a phû̌ǒnṳ phû̌makhû tapwa̤ alò̤ta ana̤ dě a kaǎ nû̌ûmi̤ ta Shěta. 4Bǎ Shěta ǒlò̤ htodě Ada ǒhtûpwa̤ hèpo̤ aně aya̤lǐ̤sǒ, dě a phû̌ǒnṳpo̤ phû̌mamǔ phû̌makhû sîtoǒ. 5Lǒ̤꤮ bònu, Ada ǒhtûpwa̤nṳ aně lǐ̤sǒta̤ya̤ ta sushi dě a sikè.
6Bǎ Shěta něǒ ta̤ya̤ ta yè̤̌ně akhanu, a phû̌ǒnṳ aphû̌makhû dě ami̤ ta Ěno. 7Bǎ Shěta phû̌ǒhto Ěno dě a ǒhtûpwa̤ hèpo̤ aya̤lǐ̤sǒ ta susǒtaně, dě a phû̌ǒnṳpo̤ phû̌mamǔ phû̌makhû sîtoǒ. 8Lǒ̤꤮ bònu, Shěta ǒhtûpwa̤ aně lǐ̤sǒta̤ya̤ ta shǐginǐ̤ně dě a sikè.
9Bǎ Ěno něǒ lǐ̤sǒtishi akhanu, a phû̌ǒnṳ Kěna. 10Bǎ Ěno phû̌ǒhto Kěna dě a ǒhtûpwa̤hèpo̤ ya̤lǐ̤sǒ ta shǐyè̤̌ně, dě a phû̌ǒnṳpo̤ phû̌mǔphû̌khû ahǔwa̤ toǒ. 11Lǒ̤꤮ bònu, Ěno ǒhtûpwa̤ aně lǐ̤sǒta̤ya̤ ta yè̤̌ně dě a sikè.
12Bǎ Kěna aněǒ susǒtishi akhanu, a phû̌ǒnṳ Mahalaělè. 13Dě bǎ a phû̌ǒhto Mahalaělènu, a ǒhtûpwa̤ hèpo̤ aně aya̤lǐ̤sǒ ta li̤shi dě a phû̌ǒnṳpo̤ phû̌mǔphû̌khû ahǔwa̤ toǒ. 14Kěna ǒhtûpwa̤ aně lǐ̤sǒta̤ya̤ ta shǐ dě a sikè. 15Bǎ Mahalaělè něǒ shisusǒ ta yè̤̌ně akhanu, a phû̌ǒnṳ Jarè̌. 16A phû̌ǒhto Jarè̌ dě a ǒhtûpwa̤ hèpo̤ aně ya̤lǐ̤sǒ ta sushi dě a phû̌ǒnṳpo̤ aphû̌mǔphû̌khû ahǔwa̤ toǒ. 17Mahalaělè ǒhtûpwa̤nṳ ya̤lǐ̤sǒ ta lǐ̤sǒtishi ta yè̤̌ně dě a sikè.
18Bǎ Jarè̌ aněǒ ta̤ya̤ shisusǒ ta ginǐ̤ně akhanu, a phû̌ǒnṳ Ěnò̌. 19Bǎ Jarè̌ phû̌ǒnṳhto Ěnò̌nu, a ǒhtûpwa̤ hèpo̤ aně ya̤lǐ̤sǒ dě aphû̌ǒnṳpo̤ phû̌mǔphû̌khû ahǔwa̤ toǒ. 20Jarè̌ ǒhtûpwa̤nṳ aně lǐ̤sǒta̤ya̤ shisusǒ ta ginǐ̤ně dě a sikè.
21Bǎ Ěnò̌ aněǒ shisusǒ ta yè̤̌ně akhanu, a phû̌ǒnṳ Matushelǎ. 22Bǎ a phû̌ǒhto Matushelǎ akhanu, a ǒhtûpwa̤ bǒsû̌khǎkho ta Cǒmaradû̌ aně suya̤ dě a phû̌ǒnṳpo̤ phû̌mǔphû̌khû ahǔwa̤ toǒ. 23Ěnò̌ ǒhtûpwa̤nṳ aně suya̤ ta shisusǒ ta yè̤̌ně. 24Ěnò̌ ǒhtûpwa̤ bǒsû̌khǎkho ana̤ ta Cǒmaradû̌ htodě a hǎmǎkètû̌ ana̤, ma̤tè̤hî̌dě Cǒmaradû̌ kaǎcû̌kè nû̌û. #Ebrephû̌ 11:5; Yṳ̌da 1:14
25Bǎ Matushelǎ něǒ ta̤ya̤ shilǐ̤sǒ ta susǒtaně akhanu, a phû̌ǒnṳ Lamè̌. 26Matushelǎ phû̌ǒnṳhto Lamè̌ dě a ǒhtûpwa̤ hèsělěpo̤ aně susǒta̤ya̤ shilǐ̤sǒ ta ginǐ̤ně dě aphû̌ǒnṳpo̤ phû̌mǔphû̌khû ahǔwa̤ toǒ. 27Matushelǎ ǒhtûpwa̤nṳ aně lǐ̤sǒta̤ya̤ shisusǒ ta lǐ̤sǒtaně dě a sikè.
28Bǎ Lamè̌ něǒ ta̤ya̤ shilǐ̤sǒ ta ginǐ̤ně akhanu, a phû̌ǒnṳ aphû̌ makhû tapwa̤. 29Dě a kaǎ nû̌ûmi̤ ta Nǒa dě a hî̌ nû̌û amûasǎ ta, “Hǎkhû̌ htě Cǒmara tûjûpwa̤ ǐshokè ahtǒo, pa bǎ ǎwè̤ lòdǒlòde, bǎ wè̤jîwè̤jû mè̤mè̤̌ dě phû̌makhû htǒo tapwa̤ ma̤mo̤ma̤phi gesǒ pasò̌phlǒ pě,” a hî̌ hǐnu. 30Lamè̌ phû̌ǒnṳhto Nǒa dě a ǒhtûpwa̤ hèpo̤ aně yè̤̌ya̤ ta lǐ̤sǒtishi ta yè̤̌ně dě a phû̌ǒnṳpo̤ phû̌mǔphû̌khû ahǔwa̤ toǒ. 31Lamè̌ ǒhtûpwa̤nṳ aně susǒta̤ya̤ ta susǒtishi ta susǒtaně dě a sikè.
32Bǎ Nǒa aněǒ yè̤̌ya̤ akhanu, a phû̌ǒnṳ Shemǎ ta Hamǎ ta Ya̤phè̌. #Mǒhtûlû̌hǎhtûsa 7:6
Zur Zeit ausgewählt:
Mǒhtûlû̌hǎhtûsa 5: KRC
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA
