Metta 3
3
Učünği bab.
1We ol günlerde waftiz ediği Jahja: »Töbe ejlejinyz, zira melkjut‐üs‐semawat jaklašmyš dyr,« dejüp.
2Jehudije berijesynde wa’z ederek, zuhur ejledi.
3Zira »Rabbyn joluni hazyrlajynyz, onun tariklaryni dogruldynyz,« dejerek, berijede nida edenyn sedasi dejü Išaja pejgamberyn wasitasile ichbar olunan zat bu dyr.
4Bu Jahja dachi dewe tüjünden libas gejmyš, we beline kajyš kušanmyš olup, taami dachi čekirgeler ile jaban bali idi.
5Ol zeman Uršelim we bütün Jehudije hem Ürdünyn kjafe‐i ğiwarynyn ehalisi onun janyna čykup.
6Günahlaryni ikrar ederek, Ürdünde onun jedi‐le waftiz olunurlar idi.
7We Ferisiler ile Sadukilerden ničelerinyn kendi waftizlerine geldyklerini gördykte, onlara dedi ky: »Ej engerek nesli, geleğek gazabdau kačmaklygi size kim öjretti?
8Imdi töbeje lajyk mejwe husule getyrynyz.
9We »Pederimyz Ibrahim dyr,« demeklygi kendi kendinize düšünmejinyz, zira size derym ky: Allah Ibrahime šu tašlardan bile ewlad husule getyrmeje kadyr dyr.
10We hemde šimdi balta agağlaryn kökynyn janyna konulmyš dyr. Imdi eji mejwe wermejen her agağ kesylüp, ateše atylyr.
11Ben sizi töbe ičün su ile waftiz ederym; amma benden sonra gelen benden kudretlü dyr: onun ajak kablaryni bile tašymaga lajyk dejil‐im. O sizi ruh‐ül‐kudus we ateš ile waftiz edeğek tyr.
12Japasi dachi elynde olup, kendi charmanyni bit‐temam sawurarak, bogdajyni der ambar ejlejüp, samani söjünmez ateš ile ihrak edeğek tyr.
13Ol zeman Ysa Jahjanyn jedi‐le waftiz olunmak üzre, Ğelilden Ürdüne onun nezdine geldi.
14Lakin Jahja: »Ben senyn jedyn‐le waftiz olunmaga muhtağ oldygym halde, sen bana‐mi gelijor‐syn?« dejerek, onu men etmekte iken;
15Ysa dachi ğewabynde ona: »Šimdi brak, čünky her hakki böjle jerine getyrmemyz gerek tyr,« dedi. Ol zeman onu brakti.
16We Ysa waftiz olundykten sonra der akab sudan čykti, we ište, ona semawat ačyldi, we ruh‐ullahi güjerğin gibi enerek, kendinyn üzerine gelyr, gördi.
17We ište: »Sewgülü oglum bu dyr, ondan razi‐jim,« dejü, semawattan bir seda geldi.
Zur Zeit ausgewählt:
Metta 3: TURMAT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Transcribed from the Bible Society edition. Published in Vienna in 1883.