યોહાન પ્રસ્તાવના
પ્રસ્તાવના
યોહાના લોખલી હારી ખોબાર યાહાટી લોખલાં ગીઅલાં આતા કા લોક ઈસુવોય બોરહો કોઅય હોકે (20 : 30-31), શુરવાતી વચન, પોરમેહેરાઆરે ઈસુ અનોખા સબંધા બારામાય જોર દેહે એને ઈ પ્રગટ કોઅહે કા ઈસુજ પોરમેહેર હેય, ઈ ચોપડી ઈસુવા દૈવીયતા દેખાડાહાટી ચ્ચા હાત ચિન્હ-ચમત્કારાહાવોય દિયાન કેન્દ્રિત કોઅહે. ઈસુય લોકહાન અનંતજીવના વાયદો કોઅતા, ચ્ચાહાન ચ્ચાવોય બોરહો કોઅરાહાટી હાદ્યા. ચ્ચાય લાજરસાલ જીવતો કોઅનાકોય ઈ સાબિત કોઅય દેના કા તો પોતે મોઅના એને મોઅલા માઅને જીવી ઉઠનાથી, જીવન દી હોકહે (અધ્યાય 11), યોહાન યે ચોપડીમાય ખ્રિસ્તા હાત “આંય હેય” ઈ વાત, નિકોદેમુસ એને સામરી થેએયે આરે હામ્મે-હામ્મે વાત કોઅના, ચ્ચા શિક્ષણ જી ચ્ચાય ઉચલી ખોલ્યેમાય દેના એને શિષ્યહા પાગ દોવના (અધ્યાય 13-16), એને ચ્ચા મોઠા યાજકા પ્રાર્થનાલ દર્શાવેહે (અધ્યાય 17). ઈ ચોપડી હારી ખોબારે હારી વાતહે સારાંશ બી 3:16 સામીલ કોઅહે. યે ચોપડી લોખનારો લેખક સંભવત: પ્રેષિત યોહાન હેય, એને ઈ ચોપડી લોખના સમય લગભગ ઇસવી સન 85 માય હેય.
Zur Zeit ausgewählt:
યોહાન પ્રસ્તાવના: GBLNT
Markierung
Teilen
Kopieren

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Gamit Bible (ગામીત), by The Love Fellowship is licensed under Creative Commons Attribution-ShareAlike 4.0 License.