लूका 8

ईसु रेनकू चेलाकू

1हेना वरी ईसु गाँव गाँव सहर सहर तेय परचारे दोहो एनु, अवुर भगवान राः राज राः बढ़ियाँः खभेर लाय लाय तेय मिड़ाः दोहो एनु, अवुर बारह झन चेलाकू हेंय सुदा कू दोहो एना। 2#मत्ती 27:55,56; मरकुस 15:40,41; लूका 23:49अवुर गोटाचार कोड़िकू होकू दोहो एना, भूतकू वरी अवुर रोग वरिय चिकन तेडकुआ, हेंकू ञुमू नआँ घयतेआ मरियोम मगदलीनी नेय मगदलीनी गाँव रेनिय दोहो एना, नेंय वरी सात गोटंग भूतकुय उडूंग तेड दोहो एनु, 3अवुर हेरोदेस रेनिय बराहील#8:3 धन सम्पत्ति देख रेख हेनी। खुजा इंगत कू ओअन्‍ना, अवुर सूसन्‍नाह, अवुरोह कोड़िकू होकू दोहो एना। नेकू अनाकू राः अन धन तेहो ईसु अवुर चेला कुतय सहेता कू ओवाकू दोहो एनु।

बिहन मेमेरय राः उदाहरड़

(मत्ती 13:1-17; मरकुस 4:1-12)

4ईसु राः टेबोः अँजोम लगड सहर सहर वरी अखीर होड़कू मेजेना, हेंकू समझोः लगड उदाहरड़िय कहनी तेडा, 5“मियाँहोड़ बिहन मे-रिय उडूंग एना। मे-रे तोलोग अवुराः बिहन होर अड़ी ते लोजोर एना। अवुर होड़कू हेना कू धंगड़ा तेडा, अवुर अगस तेनकू तितीजकू डोंगो जोम तेडा 6अवुराः बिहन चटाँड़ीवन ओत रे लोजोर एना, अवुर ओमोन एना, तहाँ हाल मेने ञँमगड ते गोजियानू। 7अवुराः बिहन जनोम भेंजुड़ ते लोजोर एना, अवुर मियाँ मियाँ ते हरा एना, तहाँ जनोम दबो गोत्तेडू। 8अवुराः बिहन बढ़ियाँ ओत रे लोजोर एना, अवुर ओमोन एना, तहाँ सव गुना पयदा एना।” नआँ घयते कहनी केते बडे तेय कहनी तेडा, “जे लूतुर वनायू, हेंय अँजोम जोमियू।”

उदाहरड़ राः मतलोब

9हेना वरी चेला कुतय ईसु कू होंबोर तेडा, “न उदाहरड़ राः मतलोब ची हवे?” 10तहाँ ईसु लाय वडकुआ, “अपे भगवान राः राज राः भेद समझोः लगाडिंञ लाय वडपेआ, एटाः होड़कू उदाहरड़ घयतेंञ लाय वकू तना, हेनाते हेंकू अँजोमे रेहो एरो कू समझो तेडा, अवुर ञेंले रेहो एरो कू चिन्हों तेडा।”

बिहन मेमेरय राः उदाहरड़ राः मतलोब

(मत्ती 13:18-23; मरकुस 4:13-20)

11“उदाहरड़ राः मतलोब नआँ घयगिआ; बिहन तू भगवान राः टेबोः हवे। 12होर अड़ी रे लोजोर एन हेना बिहन नेकू हवे, नेकू अँजोम तुदो कू अँजोमेआँ। लेकिन सयतान नेकू अँजोमेः हेना रे बिसवास केते अलोकू उबारुः लगड नेकू राः मन वरिय एर लीड़िंञ गोत्ते कुआ। 13चटाँड़ी ओत रे लोजोर एन हेना बिहन नेकू हवे, अँजोम केते खुसी ते अपनोत दोकू अपनो वेआ। लेकिन हेंकू राः जीवित कुरे मेने मड़ोआ, कुछ दिन लगड कू बिसवास तआ, तहाँ हेंकू कनारा परेसानी मेजुः रे बिसवास तकू टोविज जोमा। 14अवुर जनो वना रे लोजोर एन हेना बिहन नेकू हवे, अँजोम केते बिसवास तुदो कू बिसवासेआ। लेकिन हेंकू कुछ दिन राः बाद रे फिकीर कोःते, धन दवलत, अवुर जिनगी राः मवोज मस्ति रेकू फसो जोमा, अवुर बिसवास तकू टोविज जोमा। 15अवुर बढ़ियाँ ओत रे लोजोर एन हेना बिहन नेकू हवे, अँजोम केते बढ़ियाँ ते मन रेकू जोगो तआ, अवुर अँजोम तआ हेना रे सुसताह तेकू जो-आ।”

दीया राः उदाहरड़

(मत्ती 5:15)

16 # मत्ती 5:15; लूका 11:33 “कनय हो दीया जबके ते परकोम पेंदी रे मेने कू दोहोया, अवुर भड़ाँ बरतन ते मेने कू हरूबेआ, लेकिन भीतर बहेर बोल उडूंगुःकू मरसलवा लगड, अगस रेकू टेंगवा तआ। 17#मत्ती 10:26; लूका 12:2भगवान राः राज राः बारे ते निहों उकू केना, हेना टेबोः जे घयते दीया सलगो केते मेने कू उकुतआ, हेन घयते हेंय राः राज राः बारे ते सींड़ देखारूआ। 18#मत्ती 25:29; लूका 19:26हेनाते सँवचेती तेपे दोहोनू, कि अपे काःतेपे अँजोम यडा? जे थरे इदाना, हेंय अवुरिय ओवाया, अवुर जे थरे कोवाआ, हेंय अनेज रअय अड़ींग वताना, हेना होय अँगेर अविया।”

ईसु बोहोत अवुर इंगत

(मत्ती 12:46-50; मरकुस 3:31-35)

19एक दिन राः दिन रे ईसु इंगत अवुर बोहोत एडकू हेंय सुदा जुमोः कू मेजेना। लेकिन होड़कू राः चलते ते हेंय सुदा मेने कू जुमो सको गना। 20हेन तोलोग कनय ईसु थरेय कहनी तेडा, “इंगम अवुर बोहोम एडकू अम सुदा जुमोः लगड बहेर हँडे कू चड़ाँ केना।” 21हेना वरी ईसु जबाब तेडा, “भगवान राः टेबोः अँजोम केते मनोवेः हेंकू, ईगंञ अवुर बोहोंञ एडकू हवे।”

गरा घटाय थबदो तेडा

(मत्ती 8:23-27; मरकुस 4:35-41)

22एक दिन राः दिन रे ईसु चेलाकू थरेय कहनी तेडा, “अबू दू समुन्धर वरी मेना परोम बू चलोऊ।” हेना वरी हेंकू डोंगा रे रकब केनतेकू चलो एना। 23अवुर हेंकू चलोः घनी ईसु गितीज यनु, अवुर गितीज तन घनी अखीर दाः हिलकोस मेजेना, तहाँ डोंगा तकू रे दाः पेरेज बंचो तना अवुर हेंकू बड़ा मुस्किल रेकू पड़ो यनु। 24हेना वरी चेला कुतय हाक जगो केडिय तेकू कहनी तेडा, “ओ परभु! परभु! अबू डुबोः तनाबू।” तहाँ ईसु रिमकेनते होय अवुर दाः हिलकोसुः हेना, दाईय दबेट तेडा, हेंडे थबदो एना। 25तहाँ ईसु हेंकू थरेय कहनी तेडा, “अपे ची लगड मेने पे बिसवास यडा?” तहाँ हेंकू बोरो यनकू अवुर अहचरज यनते अनाकू अनाकू तेकू कहनी ओड़ेंग दोहो एनु, “नेय ईया हवे? दाः हिलकोसुः हेना घलिय कहनिवा रेदो, नेय राः टेबोः अँजोमेआँ”

भूत लगोतन हेंनिय चिकन तेडा

(मत्ती 8:28-34; मरकुस 5:1-20)

26फेर हेंकू मेना परोम गलील जिला राः समुन्धर बँदेर गिरासेनिकू देस रेकू तयाः तेडा। 27ईसु अवुर चेला कुतय डोंगा वरी कू अगड़ू एना, हेन तोलोग हेना सहर रेनिय भूतकू लगो तनय हेंय होड़, हेंकू सुदाय जुमो एना। हेंय कनय ओड़ाः रे मेनेय दोहोन दोहो एनु, अवुर बेगर कपड़ा लता तेय होयोर बेड़ाः दोहो एनु, हेंय अखीर दिन वरी मरघटी तेय दोहोन दोहो एनु। 28हेंय ईसुय ञेंलतेड सी अखीरिय अहीजू, अवुर हेंय मड़ंग रे ओतेत रे लोजोर केनते बडे आवाज तेय कहनी तेडा। “ए सींड़ वरी बडेअय भगवान होपोन ईसु! ईञाः अम थरे ची काम इदाना? इंञ अम थरेंञ गोड़े पय्याँ तना अलोम सतापिञूँ।” 29कहेकि ईसु पहील ते हेंकू भूतकू थरे हेंय होड़ वरी उडूंगुः लगाडिय कहनी तेडा। भूतकू हेंय होड़ बित्ताही तेकू कब्जा गोत्तेयू, अवुर होड़कू तीत कटत सिकरी तेकू तोलताडिया, हेना हो भूतकू राः बल ते सिकरी घलिय टोविज केते जंगल हनतेय ञींर जोम दोहो एनु।

30हेना वरी ईसु होंबोर तेडिया, “अम ञुमू कू ची वआ?” हेना वरी हेंय कहनी तेडा, “सेना,” कहेकि हेंय थरे अखीर भूतकू दोहो एना। 31हेंकू भूतकू अथाह डोड्हा रे अलो कुलकू लगड ईसु थरे कू गोड़े पय्याँः दोहो एनु।

32हेन बँदे रे मियाँ लेहँड़ सुकरिकू बुरू रेकू चरोः दोहो एनु। हेंकू भूतकू सुकरिकू थरे इकम सेनवाँ कू लगड ईसु थरे कू गोड़े पय्याँ एना। हेना वरी ईसु हेंकू थरे सेनुः लगाडिय इकावड कुआ। 33हेना वरी हेंकू भूतकू हेंय होड़ वरी उडूंग केनते, हेंकू सुकरिकू थरे कू झपटो एना। हेना वरी हेंकू सींड़ लेहँड़ रेनकू हुंको सेनकेनते करखा वरी समुन्धर रेकू डुबो गोजियानू।

34हेना वरी सुकरी चरवाहकू हेना ञेंलकेते, सहर अवुर आस पास राः गाँव हनतेकू ञींरेना, अवुर हेंकू हेना घटना कू मिरीज तेडा। 35तहाँ जो कुछ होया तना हेना ञेंञेंल लगड कू मेजेना, अवुर ईसु थरे मेजकेन ते भूतकू लगोतन हेंय होड़ चिकन तनय। अवुर ईसु कटा बँदे रे बढ़ियाँ ते कपड़ा तुसींञ केते कलेकल तेय दुड़ूब तना ञेंलके ते सींड़ होड़कू बोरो यनु। 36भूतकू लगोतन हेंय ञेंल चिकन तेडिय हेंकू, काःतेय चिकन एना, हेना ञेंञेंल कुकू लाय वडा। 37गिरासेनी जघा रे दोहोन हेंकू सींड़कू अकू वरी चलोः लगड ईसु थरे कू गोड़े पय्याँ एना, कहेकि हेंकू अखीर कू बोरो यनु। हेना वरी ईसु हेना जघा वरी डोंगा ते रकब केनतेय मिड़ाः यनु।

38भूतकू उडूंग तन हेंय हो-ड़ू, ईसु थरे गोड़े पय्याँ केनतेय कहनी तेडा, “इंञ हो अम तयोम ते सेनुः लगड इकावांञ मी सी।” हेना वरी ईसु जबाब वडिया, 39“ओड़ाः रे सेनकोःते भगवान अमाः जीवन रे तीमिन बडेआ कामिय काम केडा, हेना सींड़ कुम लाय वकू” मेनते कहनी केतेय कुलतेडिया। तहाँ हेंय सेनकेन ते सींड़ सहर रे ईसु इंञ लगड तीमिन बडे बडेआ कामिय काम केडा, मेनाअय लाय तेडा।

आईर कोड़ी होपोन ईसु जियो तेडिया, अवुर रोगिया कोड़ीहोनिय चिकन तेडा

(मत्ती 9:18-26; मरकुस 5:21-43)

40ईसु मिड़ा एना, तहाँ होड़कू हेंय सुदा खुसी तेकू जुमो एना, कहेकि सींड़कू हेंय कू तँगी दोहो एनु। 41तहाँ हेन तोलोग आईर मेनते कू ञुमू तडिय हेनी आराधना ओड़ाः रेनिय मुखिया मेजेना, अवुर हेंय ईसु थरे गोड़िय गिरो केनतेय कहनी तेडा, “दू सी इंञ ओड़ाः मी सेनुऊ,” 42कहेकि बारह बरिस रेनिय मिनियेंटंग कोड़ी होपोन तू दोहो एना।

हेंय अब तबिय गोज बंचो तना। तहाँ ईसु चलोः तोलोग होड़कू लोजोर तील बंचोवियू। 43बारह बरिस अँगम महेनवरी रोग रेय दोहो एना, हेंय कोड़ीहोन अनेज राः सींड़ अन धन बयेधकू थरेय खरचा गोत्तेडू। हेंडे रेहो कनय बयेध मेने कू चिकन गडिया, 44हेंय तयोम हनवरी सेनकेन ते ईसु राः कपड़ा छोरिय छुवों तेडा। तहाँ तुरेत्ते हेंय महेनवरी रोग वरिय चिकन यनु।

45हेन तोलोग ईसु होंबोर तेडा, “इंञ ईया छुवों तेडिञाँ?” हेना वरी सींड़ होड़कू नहकार तेडाकू, तहाँ पतरस अवुर हेंय गतितकू कहनी तेडा, “ए गुरू, अम दो भीड़ रेनकू ठेला यडमिआँ अवुर कू लोजोर तील बंचो यडमिआँ।”

46लेकिन ईसु कहनी तेडा, “कनय दोय छुवों केडिञाँ, इंञ पपाड़ी यनाञूँ, इंञ वरी सक्‍ति उडूंग केना।”

47तहाँ कोड़ीहोन पपाड़ियन किदो इंञ एरोंञ उकू एना मेनते, हेना वरी थरथरो मेजकेनते। ईसु कटा बँदे रे गोड़िय गिरो एना। ची करने तेय छुवों तेडिय हेना, अवुर काःते तुरेत्तेय चिकन एन हेना, सींड़कू मड़ंग रेय लाय तेडा। 48ईसु हेंय थरेय कहनी तेडा, “बेटी, अम बिसवास केडा तेम चिकन यना, हँसी खुसी तेम चलोऊ।”

49हेंय कनाहनिय दोहो एनु, हेन तोलोग आराधना ओड़ाः रेनिय मुखिया ओड़ाः वरी कनय मेजकेनतेय लाय तेडा, “अम कोड़ी होपोन कोवाया, गुरू अलोम अफेतियू।”

50हेना वरी ईसु नआँ अँजोम केतेय कहनी वडिया, “अलोम बो-रू; बिसवासे रे दोम हेंय बंचोअयू।”

51तहाँ ईसु ओड़ाईय तयाःतेड दो अनेज सुदा, पतरस, एहुन्‍ना, एकूब, अवुर कोड़ी चोंडिज इंगत अपत नेकू छोड़ कनय मेने ओड़ाः भीतारिय एनेम बोलो गडा। 52हेन तोलोग ईसु ईयामकू थरेय कहनी तेडा, “अलोपे ईयामू; नेय बेगारिय गो-जा नेय गितीज तनायू।” 53नआँ टेबोः अँजोम केते हेंकू लँदा वडियाकू, कहेकि गोजतन हेना कू पपाड़ी दोहो एनु। 54हेना वरी हेंय कोड़ी चोंडिज ती सबके तेय कहनी तेडा, “ए बेटी, रिमुःमी!” 55तहाँ हेंय राः जीव मिड़ाः मेजियानू, अवुर तुरेत्तेय रिम दुड़ूब यनु। हेना वरी ईसु कहनी वडकू, “नेय जो-मे लगड कनारा पे ओवायू।” 56तहाँ हेंय इंगत अपत अहचरज यनु, अवुर ईसु हेंकीञिंय चेतवन तेडकिञाँ, “नआँ कनय थरे अलोबा लाय बेड़ायू।”

Zur Zeit ausgewählt:

लूका 8: ksz

Markierung

Kopieren