लूका 21

एकल तनय कोड़ीहोन राः दान

(मरकुस 12:41-44)

1धनी होड़कू अपन अपन दान मँडिल राः पेटी रे कसोवे तोलोग ईसु ञेंलवड कुआ। 2हेना रे मियाँहोड़ एकल तनय कोड़ीहोन हो, बाटंग दम-दामा तँबा राः सिक्‍काय कसो तोलोगिय ञेंलवाडिया। 3तहाँ ईसु कहनी तेडा, “इंञ अपे थरे सही मेतेंञ कहनी यडा, नेय एकल केनय कोड़ीहोन सींड़कू वरी बगरा दानिय लोजोर केडा। 4कहेकि नेंकू सींड़कू अपन अपन बढ़ती वरी कुछ दान कू लोजोर केडा। लेकिन एकल केनय अनेज थरे जियो जोमूः मेन दोहो एना, हेना सींड़ दानिय लोजोर केडा।”

मँडिल उजाड़ुआ हेना राः बारे ते ईसु भविस्यवाड़ी तेडा

(मत्ती 24:1-14; मरकुस 13:1-13)

5ईसु रेनकू चेलाकू मेंडे, कुछ होड़कू मँडिल राः बिसेय ते हाँःतेकू कहनिय दोहो एनु, बढ़ियाँ बढ़ियाँ दिरी ते अवुर होड़कू भगवान राः मँडिल सजो लगड जो जो दान एमकेड हेनाते तीमिन बढ़ियाँ ते मँडिल कू सिंगार केडा। 6तहाँ ईसु कहनी तेडा, “एयसा समय मेजुः तना, नआँ रे अपे जेतना पे ञेंलियाडा, नआँ सींड़कू उजाड़ेआ दिरी उपर दिरी हो एरो दोहो एना।”

संकट अवुर कलेस

(मत्ती 24:3-14; मरकुस 13:3-13)

7हेना वरी चेला कुतय ईसु कू होंबोर तेडा, “ए गुरू, नआँ सींड़ तिमीस होयाआ? अवुर नआँ सींड़ टेबोः पूराः रेदो, हेना समय मेजुः वरी मड़ंग ते ची चिन्ह होयाआ?” 8हेना वरी हेंय कहनी तेडा, “कनय हो बहको पेआ मोका अलोपे ओवाकू, कहेकि इंञ ञुमू ते अखीर होड़कू मेजुआ, अवुर नआँ याःतेकू कहनियाँ, ‘इंञ मसीहा हवे’, अवुर हाँः तेहो कू कहनियाँ ‘समय मेजियाना’ हेना तोलोग अपे हेंकू थरे अलोपे बिसवासे। 9अपे लड़नी राः चरचा पे अँजोम रे अलोपे बो-रू, कहेकि न सींड़ टेबोः मड़ंग ते जरूर होयाआ, लेकिन हेना तोलोग तुरेत्ते अन्त एरो होया एना।” 10ईसु हेंकू थरे फे-रिय कहनी तेडा, “अनजातकू अनजातकू सुदा, अवुर एटाः राज रेनकू एटाः राज रेनकू सुदा कू लड़ायुआ। 11बडे बडे ते भूईडो लुआ, जघीन जघा ते अकालेआ, अवुर बडे बडेआ रोग मेजुआ, अगस वरी बोर बुकूरा टेबोः, अवुर बडा बडेआ चिन्ह चमत्कार देखारूआ। 12लेकिन नआँ सींड़ टेबोः वरी मड़ंग ते, हेंकू ईञाः चलते ते अपेकू एर पकड़ोआ, अवुर कू सतो पेआ, अवुर एहूदिकू राः आराधना ओड़ाः रेकू इदी पेआ, जेहेल रेकू डलो पेआ, अवुर राजाकू थरे अवुर अधिकारिकू थरे कू इदी पेआ। 13लेकिन नआँ तोलोग अपे ईञाआँ गोवाही हेंकू मड़ंग रे लाये लगड मोका ञँमुआ। 14#लूका 12:11,12अवुर अपे राः बिरोध रेकू टेबोगेआ, हेना राः जबाब काःतेले ए-मेआ मेनते मड़ंग ते अलोपे पसींदे। 15इंञ अपे हेंकू मड़ंग रे सही जबाब एम लगाडिंञ लाय वपेआ, अपे रेनकू बिरोधिकू अपे राः टेबोः राः जबाब एरो कू एम सको एना। 16इंञ थरे मेने कू बिसवासेःकू इंगापे अपापेकू अवुर भाई पटिकू, कुटुम्बकू, अवुर गति पेकू, नेकू एर सबपे अकू, अवुर अपे मेंडे कुछ होड़कू कू एर ञेंड गोज कुआ। 17सींड़ होड़कू इंञ ञुमू राः चलते तेकू बिरोध पेआ। 18लेकिन हेंकू अपे राः कनारा एरो कू उजड़ तेडा। 19अपे धीरज पे सबता रे अनापे राः जीव पे बंचोआ।”

एरुसलेम उजाड़ुआ हेना राः बारे ते ईसु भविस्यवाड़ी तेडा

(मत्ती 24:15-21; मरकुस 13:14-19)

20“अपे एरुसलेम सहर, बिरोधिकू घेरोता तोलोग पे ञें-ले रेदो, अपे पपाड़ी किदो नआँ बिलोः राः समय मेजियाना। 21हेना तोलोग कनय हो एहूदी देस रेय दोहोना, हेंय बुरू हनतेय ञींर जियोऊ; अवुर कनय हो एरुसलेम सहर रेय दोहोना, हेंय हेना सहर वरी बहेर हनतेय ञींरू; अवुर कनय हो सहर वरी बहेर हँडेय दोहोन रेदो, हेंय सहर हनते अलोय मिड़ाऊ। 22कहेकि हेना चेका भगवान बदलाय मिड़ाः राः दिन होयाआ, अवुर धरमग्रंथ रे लिखल इदाना, हेना सींड़ टेबोः पूरा होयाआ। 23हेना तोलोग दोहरी देंह रे दोहोनकू अवुर बलेकू दुदू कू पियोः हेंकू अखीर दुख रेकू पड़ोआ, कहेकि देस रे अखीर बिपेत मेजुआ, अवुर भगवान सींड़ होड़कू सजाय ओवा कुआ। 24केय्यो झन होड़कू दो तरवार तेकू ञेंडुआ, अवुर सींड़ देस रेनकू होड़कू एरुसलेम रेनकू होड़कू गुलामी बनो केकुतेकू गोःकुआ। भगवान हेंकू थरे राजे लगाडू अनुमतिय एमकेडा हेना मेन दिन अनजातकू एरुसलेम रेकू राजेआ।”

होड़ होपोन फे-रिय मेजुआ

(मत्ती 24:29-31; मरकुस 13:24-27)

25 # दरसन 6:12,13 हेना वरी फेर ईसु कहनी तेडा, “हेना चेका बेर बँगो अवुर इपिलकू वरी मन मनिसा चिन्ह ञेंलुआ, अवुर धरती रे सींड़ देस रेनकू थरे संकट मेजुआ, कहेकि समुन्धर राः आवाज अँजोम केते होड़कू थरे बोर समसोआ। 26अगस राः सींड़ सक्‍ति हिलो चुवेरुआ। हेना बोर ते अवुर संसार रे मेजुआ घटना ञेंलके ते होड़कू लोरमो चुवेरुआ। 27#दरसन 1:7हेंडे होड़कू, इंञ होड़ होपोन लिंबीर रे मेजुः तोलोग सक्‍ति अवुर आदर इजेत राः साथ ते मेजुः तोलोग कू ञेंलेञाँ। 28नआँ टेबोः होयाआ, तहाँ तयार पे दोहोनू, कहेकि अपे भगवान दुख संकट वरी बंचो पे राः समय आय लिघियोआ।”

अंजीर काठ राः उदाहरड़

(मत्ती 24:32-35; मरकुस 13:28-31)

29ईसु हेंकू थरे मियाँटंग उदाहरड़िय कहनी तेडा, “अंजीर अवुर सींड़ काठ पे ञेंल तहाँ। 30नवा पल्वा ञेंलकेते झूर मेजुः तना मेनते पे पपाड़ी जोमा। 31नेन घयते नआँ टेबोः होयाः सी पपाड़ी कोःपे, कि भगवान राजे राः समय आय लिघियो यना। 32इंञ अपे थरे सही मेतेंञ कहनी यडा, नआँ सींड़ टेबोः अनायिन होयाः मेन दिन ना पिढ़ी रेनकू राः अन्त एनेरो होया एना। 33ओत अवुर अगस मेटियोआ, लेकिन ईञाः तेनेमेन होडिञाँ टेबोः कभी एरो मेटियो एना।”

जाग जाग तेपे दोहोनू

(मत्ती 24:36-44; मरकुस 13:32-37)

34“अपे अल ढेलिया, मतवाड़ी अवुर जिनगी राः चिन्ता रे हरदम अलोपे दोहोनू, कहेकि फँदा घयते अचाकते हेना दिन अपे थरे मेजुआ, हेनाते अपे तयार पे दोहोनू। 35कहेकि धरती रे दोहोन तन हेंकू सींड़ होड़कू थरे हेना दिन नेन घयते मेजुआ। 36हेनाते अपे जाग जाग तेपे दोहोनू अवुर हर समय बिनतीः महल रेपे दोहोनू, कि अपे न सींड़ मेजुः हेना घटना वरी खँडाः लगड अवुर इंञ होड़ होपोन मड़ंग रे चड़ाँः लायिक पे बनोऊ।”

37 # लूका 19:47 ईसु रोज दिन मँडिल रे सिक्छाय चेडकू दोहो एनु, अवुर ञींद तू हन दो जयतुन काठ दोहोएन हेना बुरू हनतेय चलो जोम दोहो एनु। 38अवुर अखीर ञींदाते सींड़ होड़कू हेंय राः टेबोः अँजोम लगड मँडिल रेकू मेजुः दोहो एनु।

Zur Zeit ausgewählt:

लूका 21: ksz

Markierung

Kopieren