एहुन्‍ना 14

भगवान थरे सेनुः लगड होर

1“अपे राः मन अलो अलमलोऊ, अपे भगवान थरे पे बिसवास यडा, इंञ थरे होपे बिसवासे। 2अपुंञ ओड़ाः#14:2 सरग हवे रे अखीर दोहोन लगड जघा इदाना, अगर मेने दोहोगन रेदो नआँ घयते एरोंञ कहनी तेड मेनू, कहेकि इंञ अपे लगड जघा तयार लगाडिंञ चलोः तना। 3अवुर इंञ सेनकोःते अपे लगड जघांञ तयार रेदो, जे जघा रे इंञ दोहोना, हेना रे अपे होपे दोहोन लगड फेरिंञ मेजवा पेआ। 4अवुर जे जघा हनते इंञ चलोः तना, हेना राः होर पे पपाड़ी तना।” 5हेना वरी थोमा कहनी तेडा, “ए परभु, कराम चलोः तना, हेना मेने ले पपाड़ी तना; दो होर काःतेले पपाड़िआ?” 6तहाँ ईसु हेंय थरेय कहनी तेडा, “सत अवुर होर अवुर जीवन ईनिंञ हवे; बिना ईञाः दोवारा कनय अपुंञ थरे एरो कू सेन सको एना। 7अगर अपे इंञ पे पपाड़ी एन रेदो, इंञ अपुंञ होपे पपाड़ी एन मेनू, अब हेंय पे पपाड़िआ, अवुर पे ञेंलकेडिया।”

8हेना वरी फिलिपुस हेंय थरेय कहनी तेडा, “ए परभु, अपुंम मी तिःवाले, तहाँ ले सन्तोक तआ#निर्ग 33:18?” 9तहाँ ईसु हेंय थरेय कहनी तेडा; “ए फिलिपुस, नामेन दिन वरी अपे सुदा इदानिञाँ, हेंडे रेहो मेनेम जेर यडिञाँ किदो? जे ईञिय ञेंलकेडा, हेंय अपुंञ होय ञेंलकेडिया। अम ची लगड मी कहनी यडा, अपुंम मी तिःवाले मेनते? 10अम ची लगड मेनेम बिसवास यडा कि इंञ अपुंञ थरेञाँ अवुर अपुंञ इंञ थरेया? नआँ टेबोः अपन मन ते अपे थरे मेनेंञ कहनी यडा, लेकिन इंञ सुदा दोहो कोःते, अपुंञ अनेज राः काम ईञाः दोवारा तेय करो वेआ। 11इंञ टेबोः यड हेना रेपे बिसवासे कि इंञ अपुंञ थरेञाँ अवुर अपुंञ इंञ थरेया, नहीं तदो काम यडांञ हेना ञेंलके ते इंञ थरे पे बिसवासे।” 12“इंञ अपे थरे सही सही तेंञ कहनी यडा, जे इंञ थरे कू बिसवासेआ, हेंकू नआँ इंञ करो यडा काम हेंकू होकू करो वेआ, अवुर नआँ वरी हो बडे बडेआ काम कू करोआ,#14:12 पवितर आत्माय कूला हेना राः अनुसार ते बडे बडेआ काम होयाआ। कहेकि इंञ अपुंञ हनतेंञ चलोः तना। 13अवुर इंञ ञुमू#14:13 भगवान ईसुय ओवाडा अधिकार ते जे-नपे असी, हेनांञ ए-मेआँ, ताकि होपोन तू राः दोवारा ते अपत तीमिन बडे गिआयू, हेना कू पपाड़ी। 14अगर अपे इंञ थरे कनारा इंञ ञुमू तेपे असिय रेदो हेनांञ ए-मेआँ।”

पवितर आत्मा एम लगाडिय जबान तेडा

15अगर अपे इंञ पे परेम यड रेदो, ईञाः हुकूम पे मनोवेआ। 16इंञ अपुंञ थरेंञ बिनतीआ, अवुर अपे सहेता ओवापे लगड अवुर मियाँहोड़ सहेता ए-मायिय कूला। हेना अपे सुदा हमेसा दोहोना। 17मतलोब सत राः आत्मा, हेना दुनिया रेनकू होड़कू मेने कू अपनो सकोआ, कहेकि हेंकू मेने कू ञें-लेआ अवुर हेना मेने कू पपाड़िआ, कहेकि हेना अपे सुदा दोहोन तना, अवुर हेना अपे थरे दोहोना।

18“इंञ अपे अनापेते एरोंञ अटु तेडपेआ; इंञ अपे थरेंञ मेजुआ। 19अवुर कुछ समय राः बाद रे दुनिया रेनकू होड़कू एरो कू ञेंलतेडिञाँ, लेकिन अपे ञेंलेञाँ पे; कहेकि इंञ जीवत गिआञूँ, अपे हो जीवत तेपे दोहोना। 20अपे हेना चेका पे पपाड़िआ कि इंञ अपुंञ थरेञाँ, अवुर अपे इंञ थरे पेआ, अवुर इंञ अपे थरेञाँ। 21जे ईञाः हुकूमिय पपाड़िआ अवुर हेंय हेनाय मनोवेआ, हें-नी ईञिय परेम यडा; अवुर जे ईञिय परेम यडा, हेंय अपुंञ परेमिया, अवुर इंञ हेंयिंञ परेमिया, अवुर इंञ हेंय थरेंञ देखारूआ।” 22हेना वरी एहूदा नेय इस्करयोती न लगे हेंय थरेय होंबोर तेडा, “ए परभु, ची लगड अम अनाले थरे भर अनाम मी देखर मेनते, अवुर दुनिया रेनकू होड़कू थरे दो मेने?” 23हेना वरी ईसु जबाब वडिया, “अगर कनय ईञिय परेम रेदो, हेंय ईञाः टेबोईय मनोआँ, अवुर इंञ अपुंञ हेंय दुलारिया, अवुर अलिंञ हेंय थरे लिंञ मेजुआ, अवुर हेंय सुदा लिंञ दोहोना। 24जे इंञ मेनेय परेमिञाँ हेंय ईञाः टेबोः मेनेय मनोवेआ; अवुर जे टेबोः अपे अँजोम यडा, हेना ईनिञाँः मन ते मेनेंञ टेबोः यडा, जे ईञिय कुलकेडा, हें-नी अपुंञ कहनी यडा। 25नआँ टेबोः इंञ अपे सुदा दोहोएन तोलोग अपे थरेंञ कहनी तेडा। 26लेकिन सहेता ए-माय मतलोब पवितर आत्मा अपा इंञ ञुमू तेय कूलेआ, हेना अपे सींड़ टेबोः चेडपेआ, अवुर जे-ना इंञ अपेंञ कहनी वडा, हेना अपे सींड़ एर उहयर पेआ। 27इंञ अपे सान्तिंञ एम अटु वपे तना, ईनिञाँः सान्तिंञ ओवापे तना; अवुर दुनिया रेनकू ए-मेआ घयते मेनेंञ ए-मेआ। अपे राः मन अलो अलमलोऊ अवुर अलोपे बो-रू। 28अपे इंञ कहनी केड हेना पे अँजोम केडा कि इंञ चलोः तनांञ अवुर अपे थरे फेरिंञ मेजुआ मेनते। अगर अपे इंञ पे परेम तेड रेदो, इंञ अपा हनतेंञ चलोः तन हेना टेबोः तेपे खुसी एन मेनू, कहेकि अपा इंञ वरिय बडे#14:28 ईसु नआँ दुनिया रे सेसेवाअय घयतेय मेजेना गिआ। 29अवुर नआँ टेबोः होयाः वरी पहील तेंञ लाय वडपेआ, ताकि नआँ टेबोः उतरो वेरे, अपे राः बिसवास अवुर बड़होऊ। 30इंञ अपे सुदा बगरा ते एरोंञ टेबोः एना, कहेकि नआँ दुनिया रेनिय राजा मतलोब सयतान मेजुः तनाय, अवुर हेंय राः इंञ थरे कनर हँक#14:30 इंञ उपर रे कनर खिलाप एरोय उडूंग सको एना कोवाआ। 31लेकिन जेयसे अपुंञ सींड़ हुकूमिय ओवाडिञाँ, हेन घयतेंञ करो यडा, ताकि अपुञिंञ परेम यडा हेना, नआँ दुनिया रेनकू पपाड़िःकू।

रिमुःपे, दू निहों नआँ वरी चलोः बू।”

Zur Zeit ausgewählt:

एहुन्‍ना 14: ksz

Markierung

Kopieren