Nugana 13
13
‘UPWA 13.
1Ta Aberamo Aigupitoega ‘i tu‘e, tauna ta, mwanena ta, ‘ina iage iauiauna ta, Lota ma‘ieana ta, Iarasi ‘enaia. 2Ta Aberamo i ‘eesaesa sinabwana lagolagowa manuna ta, sileba manuna ta, gola manuna ta. 3Ta ‘i tautauia Iarasiega ga Betela ‘enaia, esena nina ‘enaia ‘ina anua ‘ena ‘i gimi mia nugana, Betela ta Ai ta gamwagamwanaia; 4‘ebetaria ‘ana esena ‘enaia, tauna ‘ena ‘i gimi bubu nuganena: ta nada Aberamo Ieoba ‘ana esana i ‘inanena. 5Ta Lota wate, tauna Aberamo ma‘ieana si tauia, ma‘ina sipiao be, bulomakau be, anuanaia be. 6Ta bwa‘a nigea ‘i ewaiwai be ‘i da e‘enidi, be ‘enega si da miami rererea: ‘idi gwegwe ‘i sinabwana ta ‘enega, ta ‘enega nigea kapekapeana si da mia rua. 7Ta Aberamo ‘ina lagolagowao ‘adi to ‘ita‘i‘itao ta Lota ‘ina lagolagowao ‘adi to‘itao si e‘upwa: ta me Kanania ta me Perisi tuta gote ‘asa nina ‘ena si miami. 8Ta Aberamo Lota ‘ena ‘i ona, Ia sideio gea‘abo e‘upwa ‘i da apwesa, ‘eguia ta ‘emuia, ta ‘igu to‘ita‘i‘itao ta ‘imu to‘ita‘i‘itao ‘edia; ‘abo‘ada matasidao ta ‘enega. 9‘Asa maibo‘ana nigea nai matamuia? Ia sideio ‘eguiega ‘u da ‘upwaio: ‘abo gegeumidega nuanuaio, ga ‘abo‘agu ‘ataidega ia da tauia; nai ‘abo ‘oio ‘ataidega nuanuaio, ga gegeumidega ia da tauia. 10Ta Lota i ‘itatu‘e, ta Ioridana Abatauna maibo‘ana i ‘itena, ‘aene esena iauna maboasina, muriega Ieoba Sodoma ta Gomora ‘i loesaooridi, Ieoba ‘ina bagura nadigega, ‘asa Aigupito nadigega, na‘ieana ‘u tautauia Soara ‘enaia. 11Ta ‘enega Lota Ioridana Abatauna maibo‘ana i ‘ita‘esi‘esinua manuna; ta Lota ‘i tautauia bomatu ‘ena: ta si wearidi ‘e bweuna ‘e bweuna ‘enega. 12Aberamo ‘asa Kanania ‘ena ‘i miami, ta Lota Abatau ‘asana ‘edia ‘i miami, ta ‘ina anua i ‘ewena ga i ‘abina Sodoma ‘enaia. 13Ta tai Sodoma si to‘umali wawasae ta si guinua geiogeioi leoba ‘enaia. 14Ta Ieoba ‘i ona Aberamo ‘enaia, ‘ena ni‘atu Lota ‘enega ‘i miadumaduma, Gete tuga ‘u da ‘ita tu‘e, ta esena nina ‘ena ‘u miami ‘enega ‘u da lo‘ita dadana, iaarata ‘ena be, iarasi ‘ena be, bomatu ‘ena be, ‘ebwaga ‘ena be: 15‘asa maibo‘ana u ‘itena ta ‘enega, ia da ‘ebwaemu, ta tubumuao ‘edia ‘ataia. 16Ta tubumuao ia da bubudi be si da ‘e bare‘u nedilina ‘atua: ta ‘enega ‘abo tai bare‘u nedilina ‘i da sawa kapekapeana, ga tubumuao wate si da sawedi. 17U da tooro, ‘asa ‘ana dudura ta ‘ana bababa ‘u da rubwarena; ia da ‘ebwaemu ta ‘enega. 18Ta Aberamo ‘ina anua i ‘ewena, ta Mamire ‘ina keigwanao ‘edia ‘i mai ta ‘i miami, taudi Eberona ‘ena si miami, ta nada ‘ebetaria i ‘abina Ieoba ‘enaia.
Zur Zeit ausgewählt:
Nugana 13: DOBOT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published by the British and Foreign Bible Society in 1919
