Seemthawhnak 7
7
Tinik Pi
1Cuhnukah Bawipa ni Noah cu, “Nang leh na innsang zate’n lawngpi sungah lut uh, icatile hi san a’hin namah pakhat ceu ka hmaikaah miding na ii ti ka hmu rom. 2A thiangmi ramsapawl cu khuah sarih vek, a pami leh a numi ti’n; cun a thianglomi ramsa cu a pami leh a numi khuah khat vek in, 3cun huih lak vapawl in khuah sarih, a pami leh a numi, cun vulei parah an cii phun nung ih taang dingin luhpi hngai. 4Icatile ni sarih hnukah vulei parahhin sun sawmli leh zan sawmli sung ruah ka zuksak thok; culeh ka vuak rommi sumnung zongza an zate khurram om hmawh parin ka siatsuah hngai remro thok,” tiah a ti. 5Culeh Noah ni Bawipa ih thupiakmi zate a vua hngai.
6Vulei parih tinik a tlun a’khin Noah cu kum 600 a ii. 7Tinik cu hrel dingah Noah cu a nupi, a tiapapawl leh an nupile rum lawngpi sungah an lut. 8A thiangmi ramsa in, cun a thianglomi in, cun vapawl in, cun khur parih bokvak phun cang in 9a pami leh a numi khuah khat vek cu Pathian ni Noah thu a piak mangin Noah rum lawng sungah an lut. 10Culeh ni sarih hnukah vulei parahcun tinik cu a tlung.
11Noah kumza ruk a kim kum, a thla hnihnak, thla ni hlei sarihnak, acui ni ahcun, a thukpinang ih cirhpawl an pawt, cun vancung tukvirh an hongtia. 12Ruah cu vulei parah sun sawmli leh zan sawmli sung a zu. 13Acui ni rori ah Noah cu a tiapale Shem, Ham leh Jafeth, cun a nupi leh a tiapale ih nupile rum lawngpi sungah an lut, 14anmah leh ramsa phun kip, innvulh sumhnam phun kip, vulei parih bokvak sumnung phun kip, vate phun kip, thlangei sumnung phun kip cu an lut. 15Nunnak a ngeimi hmawhhmawh a khuahkhuah in Noah rum lawngpi sungah an lut. 16Acutiih a lut mipawl cu Pathian ih thupiak mangin a pami leh a numi an ii; cun Bawipa ni sangka cu a khar.
17Tinik cu vulei parah ni sawmli sung a pehzulh; culeh ti a ṭhan ruangah lawng cu a han phuan ih vulei cungla sangpi tiang a kai. 18Ti cu vulei parah an ṭhang vuaicai ih lawngpi cu ti cungah a phuan. 19Vulei parah tipawl an ṭhang vuaicai tuk ih van tangih ommi tlang sang zate an khum hngai; 20tipawl cu tlangpawl cunglaah pi kul hluanhnih luan an thuk. 21Vulei parih a tekcaangmi izongza—vatepawl, innvulh sumhnampawl, ramsapawl, vulei parah a rualrualih vakmi seemsuah mipawl leh minungpawl an zate; 22vulei cungih a ommi an hnaar awng in thaw a thaw tu izongza an thi. 23Khur parih a ommi sumnung hmawhhmawh, minungpawl, ramsapawl, bokvakpawl leh huih lak vatepawl cu a siatsuah hngai remro; vulei parin phiah an ii. Noah leh amah rum lawngpi sungih a om mile ceu an taang. 24Cun vulei parah tipawl cu ni 150 sung an ṭhang.
Zur Zeit ausgewählt:
Seemthawhnak 7: KHBF
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Khualsim Holy Bible © Bible Society of Myanmar, 2021.
