Seemthawhnak 14
14
Lot Pon leh Runsuahnak
1Shinar Siangphahrang Amrafel, Ellasar Siangphahrang Ariok, Elam Siangphahrang Khedor-laomer leh Goiim Siangphahrang Tidal san ah, 2hi siangphahrangle ni Sodom Siangphahrang Bera, Gomorrah Siangphahrang Birsha, Admah Siangphahrang Shinab, Zeboiim Siangphahrang Shemeber leh Bela#14:2 Bela ti cu Zoar tican. Siangphahrang ral an do. 3A peitale an zate Siddim Horrawn#14:3 Siddim Horrawn ti cu Rili Thi tican. ah an tumtia. 4Kum hleihnih sung cu Khedorlaomer ih ukmi an ita, a kum hlei thumnak ah zong cu ral an tho leeili. 5A kum hleilinak ahcun Khedorlaomer leh amah rum ṭang khat tu mipawl ni an do ciamco ih Ashteroth-karnaim ah Refaim, Ham ah Zuzim, Shavehkir-iathaim ah Emim, 6cun Seir tlang ram ah ramṭhing zim El-paran tiangin Hor mipawl an neh hngai. 7Cuhnukah an kir ih En-mispat#14:7 En-mispat ti cu Rili Thi tican. an pha, cun Amalek ram zate, culeh Hazazon-tamar ih om tu Amor mipawl khaw an neh. 8Cutikah Sodom siangphahrang, Gomorrah siangphahrang, Admah siangphahrang, Zeboiim siangphahrang leh Bela siangphahrang cu an tatsuak ih Siddim horrawn ah 9Elam Siangphahrang Khedorlaomer, Goiim Siangphahrang Tidal, Shinar Siangphahrang Amrafel, Ellasar Siangphahrang Ariok ti’n panga ni pali an do. 10Siddim Horrawn cu kattaza suahnak khur in a khat; Sodom siangphahrang leh Gomorrah siangphahrang an zuan tikah acui khur sungah an tla, cun a taangmi cu tlang ram laah an leeu. 11Curuangah ralpawl ni Sodom leh Gomorrah ih thil hmawhhmawh, caw tiangin an latpiak remro ih an tatta; 12Abram naupa ih tiapa Lot, Sodom ih ommi, khaw a thilpawl rum an pon ih an pok.
13Cutikah a luat tu pakhat pa ni Amor mi Mamre ih khukkhih kung hrialih om tu Hebru mi Abram cu a sim. Mamre cu Eshkol leh Aner ih upa a ii; hile hi Abram ṭantule an ii. 14Abram ni a tupa ral ih an pon a zak tikah, a inn ih suak, ṭhate-ih zirhmi minung 418 cu hruaita hngai in Dan ramṭhen tiang an dawi hngai. 15A milaipawl cu buur hnih ah a ṭhen hngai ih an ralle cu Damaskas sakla Hobah tiang han dawi in an rawt hngai. 16Cutikah an thilri zate, Lot leh a thilripawl, cun numipawl leh mipacepawl khaw a kirpi hngai ṭhan.
Abram cu Melkhizedek ni a Thluasuah
17Abram cu Khedorlaomer leh amah rum a ṭang khat tu siangphahrangle a neh hngai ih a kir hnukah Sodom siangphahrang ni amah tuak dingin Shaveh Horrawn#14:17 Shaveh Horrawn ti cu Siangphahrang ih Horrawn tican. ah a tat. 18Culeh Salem Siangphahrang Melkhizedek ni sang leh sabitti a kengta; amah cu Cungnung Tleng Pathian ih tlangbawi a ii. 19Abram cu thluasuah in,
“Abram cu Cungnung Tleng Pathian,
Van leh vulei vuatu ni thluasuah seh;
20cun na ralle na kut ah a tan pia tu
Cungnung Tleng Pathian cu thangṭhat i kau seh!” tiah a ti.
Cutikah Abram ni Melkhizedek cu a hransaw ih ṭhen hra ah ṭhen khat a pia. 21Cutikah Sodom siangphahrang ni Abram cu, “Minungpawl cu nang ni lattia hngai la, thilpawl zong cu ma tia tu hmen,” tiah a ti. 22Ihmansela Abram ni Sodom siangphahrang cu, “Van leh vulei vuatu Cungnung Tleng Pathian, Bawipa hemah, na thil a imi itukhaw— 23vohri te a ik ah, kedaap hri a ik ah, la lo dingin thu ka khaamtia rom, cuticun, ‘Abram cu lianin ka vua rom,’ tiah a ti hlah taw ci. 24Minole ih an awk rommi, cun kei rum a tat tu mile—Aner, Eshkol leh Mamre ih covo simlo ituhman ka la thok lo. Hile hi cu an covo la kau u seh,” tiah a ti.
Zur Zeit ausgewählt:
Seemthawhnak 14: KHBF
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Khualsim Holy Bible © Bible Society of Myanmar, 2021.
