Psalms 27
27
1Ataniq qaumaniungman annautjutikhaungmallu uvamnun, iqhijunaitqaaqhunga tamainin. Atan'ngum amiringmanga iqhinaqtunin tamainin. Iqhilimaitkaluaqtunga.
2Huinniqitujun hurjugmannga tuquttumaplunga hituaqpaktun ulruplutik.
3Ilugijaugumaluunniin angujaktinin amigaittunin iqhijunaiqtunga, akimagamalu hurjukpaanga ukpirihimaniaqtaraluara God.
4Tukhiarvigivaktaraluarali God atauhirmik, atauhiinarmik pijumainaqtuugaluujungali, Godim igluani najuqhimaquplunga tuquniarutimnun, aliagiinarlugulu taffuma nakuuqutaa, tukhiarvigilugulu tukhiqtaunginaquplunga taikani.
5Aahiin, ajuqharluaqtillunga Atan'ngum munariniaqtaanga uquutamini, amiriniaqtaangalu nangiarnaqtunin iglumini, iliplunga imnaip qaanganun naammaktumik.
6Taimaa akimaniaquplunga akiramnin ilagijautillunga. Talva aitturniaqtunga Godmun tukhiarvigjuami, aliattaglunga nipiqquqtujumik aturiarlunga qujagihimalugu Ataniq.
7Tuhaagiarin uvamnik, Ataniiq, ququaruma ilingnun kiunga nagliktaqpiaravin.
8“Qaijunga,” uqaravin qaitjutiginiaqtagin, Ataniiq.
9Iqhittailutin ilingnik uvamnin ningaktailutillu uvamnun, kivgan ahivaqtailugu. Ikajuinnaqpagavin uvamnik qimaktaillitjavarma, igitauqunanga, God annautjiga.
10Angajuqqaarma qimakpanga, Atan'ngupli munariniaqtaraluarma
11Ilihautillunga pijumajarnik, aullautitillunga apqutigiktumun, akiratka amigainmata.
12Akiramnun qimaktaililunga tapkua akirarimannga hivuuranaqhutik akhuuqpiaqtumik.
13Ilumun inuuhungujunga takujaqtuquplunga Atan'ngum nakuuqutaanik inungni.
14Ukpiqpagitti, Atanirmun! Ukpiqpatjavuhi ihumaalukhimaittumik ukpiriluhiuk Ataniq.
Zur Zeit ausgewählt:
Psalms 27: AQ
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.