GIING'EETA 10
10
Jeacheenga orjooga Nuhu
(1 Dam 1:5-23)
1Suh jeacheenga orjooga Nuhu gil, was Shemu, ea Hamu ea Yafet; gwaji orjooga iing'ata roopta haw.
2Orjooga Yafet suh: Gomeri, ea Magogu, ea Madeayi, ea Yafani, ea Dubali, ea Meshaki ea Dirasi. 3Orjooga Gomeri suh: Ashkenasi gil, ea Rifati, ea Dogarma. 4Orjooga Yafani suh: Elisha gil, ea Darshishi, ea Gitimu ea Dodanimu. 5Suh fuga darsa ghuuta basooda ak goobiida. Suh orjooga Yafet gil aniini ea ng'eanyiida nyaawa, ak gaba fiisu bea iita nyaawa, ea suh bea gheanyaawa, ea eemeenyaawa.
6Suh orjooga Hamu: Gushi gil, ea Misri, ea Buti ea Ganaani. 7Suh orjooga Gushi: Seba gil, ea Hafila, ea Sabta, ea Rama ea Sabteka. Nea orjooga Rama: ea Sheba gil ea Dedani. 8Gwaji Gushi Nimrodi; ak niny ea siida hoauur gil aba jeeda ng'eanyiida 9Niny abeeda ea shageadoocheanda hoauur gil aba madeeda NG'UTAMIIDA; hean geeyi, “Niwuurji Nimrodeeda hoauur aba madeeda NG'UTAMIIDA.” 10Nea sugoocheanduumeadaanyi ghoang'eada Babeli, ea Ereki ea Akadi, nea gwanda sean jeeda ng'eanyiida Shinari. 11Muchu ghang'eada ng'eanyiita ak gawa ng'eanyiida Ashuru, ak ghwadeas mujiineeda Ninawi, ea Rehobot-iri, ea Gala ea 12Reseni mida dageascheeda Ninawi ea Gala; nea mujiineedida hawiini. 13Muchu gwaji Misri Ludimu, ea Anamimu, ea Lehabimu, ea Naftuhimu, 14ea Batrusimu, ea Gasluhimu (fuga ama muchu ghoah Filisti), ea Gaftorimu.
15Ng'ata gwaji Ganaani Sidoni was duweacheadaanyi, ea Heti, 16ea Yebusi, ea Amori ea Girgashi, 17ea Hifi ea Arki ea Sini, 18ea Arfadi, ea Semari, ea Hamati. Iimuchu ghwadarda eemeeda Ganaani gaweay darooraka. 19Hean gwaheedu ng'eanyiida Ganaani ghang'eada Sidoni, deaschi sea Gerari, ak gawa ea ghwahita Gaasa, ea gagal meatkweeda Sodoma ea Gomora, ea Adma, ea Seboimu ea ghwahita Lasha. 20Suh orjooga Hamu gil, aba geenga nyaawa, ea iita nyaawa, ea darooraka nyaawa, ea eemoojiga nyaawa.
21Eara Shemu, was orjeeda haweewa Yafet gwaji orjooga sean jih fuga Yahudi. 22Suh orjooga Shemu gil: Elamu, ea Ashuru, ea Arpakshadi, ea Ludi ea Aramu. 23Suh orjooga Aramu gil: Usihi, ea Huli, ea Geeta ea Mashi. 24Gwaji Arpakshadi Shela; ak gwaji Shela Eberi. 25Gwaji Eberi orju iyeenya: Gheawung'spa orjeanagi geeguura Belegi, aba gideaba aba damandaanyi ghwadarda buuneeda ea gaweay darooraka sean, nea abeeda gwandeawa orjeeda ghaamwat siguura Yoktani. 26Muchu gwaji Yoktani Almodadi, ea Shalefu, ea Hasarmafeti, ea Yera, 27ea Hadoramu, ea Usali, ea Dikla, 28ea Obali, ea Abimaeli, ea Sheba, 29ea Ofiri, ea Hafila, ea Yobabi; orjusu seaniin gwaji Yoktani. 30Ng'eanyiida nyaawa abiita gawa ea ghwahita Mesha gal Sefa ea ghwahita ng'eanyiida heayeeniga duukusa heeda ghayeawa. 31Suh orjooga Shemu gil, aba geenga nyaawa, ea iita nyaawa, ea darooraka nyaawa, ea eemoojiga nyaawa.
32Fiisu seaniin jeata orjooga Nuhu gil, iisiroaproabwaada jeacheenga nyaawa, aba eemoojiga nyaawa; ak gaweay fiisu gwadarsa eemoojiga ng'eanyiisean mida giigheawda basooda iing'ata roopta haw.
Zur Zeit ausgewählt:
GIING'EETA 10: BG15
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible in Datooga © Bible Society of Tanzania, 2015.
