Oseas 5
5
1Re' nakre bxus lewzenay dani,
bzenayian yell Israel
lewzenay re' sjallare yo' ke be'nnen llnebia Israelen,
Wayechj yel korchisen re',
le ba gukre ka to yaj da bzua ake' Mispá ga sjachew be'nn kaꞌ,
ka to yixj da ba nllirj raw yan nzi Tabor,
2to bej zitj gan nzi Sitim.
Kelen'na wsakzia re'.
3Nada' numbiera Efraín'na
bi ne'llo nak Israelen be'nn bi numbiera.
Efraín'na ba benee kaꞌ to nor ree,
Israelen ba ben bziw kwine.
4Daxhinj ka' llun be'nn ka' sjalla raw yellen,
bi llwen latj wazeren ake' Diozen kwasru.
Ba lliachatekse dan llot kwin aken le ake',
bill llayumbie akre Xanllon.
5Yel yarall ke Israelen llwen di'll da llayechjen le'e.
Efraín'na sjachewe'e konen daxhinj ke nakse,
na rente Judán llajchewe, kan ba jachew le aken.
6Konen xhir ke ake' kaꞌ, na ren bak ke ake' kaꞌ,
walljadirj ake' Xanllon,
na bi wallel akre le'e
le ba babiye'e kwit aken.
7Guk ake' be'nn wen daxhinj raw Xanllon,
le sjalla xhi'nn ake' konen be'nn binak xhiew ake'.
Dan binak ake' be'nn wendalixhejen, tbeoze
kweyi ake' na rente da ka' sjanaz ake' raw yell-liw ke ake' ka'.
Sakzi Israelen rente Judán
8Lewkoell llit lus bayixen llajrenle raw wdilen gan nzi Guibeá,
na lewkoell trompeten gan nzi Ramá,
le wzoa xnid gan nzi Bet-avén,
le gunchixe Benjamín'na.
9Nada' lluna nench'na nezre yell Israelen,
ka dan banak llayal gaken:
kweyi Efraín'na llan gak yel korchisen.
10Ki ne Xanllon:
Be'nn ka' llnebia Judán, nak ake' ke be'nn ka'
llde aktere raw yell-liw lix ke be'nn yub akre.
Kelen'na nada' wasj ake' konen yel llruk kian.
11Efraín'na ba llalleyraon
ba nllochj yel korchis ke aken,
le banzoa yichj aken naw ake'
dios wxhiye ke ake' ka'.
12Nada' gaka ke jchoy ke Efraín'na,
da wte'e yell ke Judán.
13Na keten re're Efraín'na katk yillwen llaken,
na Judán re're we ke'e kaꞌ,
Efraín'na chaje'e gan nzi Asiria
lljanabe'e gukre raw be'nn wnebian,
axha be'nn ni bi gak wayune'e le ake',
ni ke gakse gune rmell we ke ake' ka'.
14Ka to bell yix keten llxhenba to bayix,
kakse guna konen Efraín'na, na rente Judán,
kwinksa nada' wxhoxjtina le ake', natell waya,
na wache aktie na nutno gak wasra le ake'.
15Natell waya gan zuksa,
xte llinte lla wazak akre ke daxhinjen llun aken,
na yed ake' wayirj ake' nada'.
Na rawe gan ba llalleyraw aken, wayirj ake' nada'.
Zur Zeit ausgewählt:
Oseas 5: ZPUPAT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.