LUKI Yeemagonɛi
Yeemagonɛi
Ngowili yekpei Kenɛi Luki nyɛini i Yesu lɔ luawo ma kɛ tamia Mbawomɔi le, na Ngewɔ lahei wumbuni wɔɔ ngi yoyo va Isrɛlbleisia ti mabawo va kɛɛ Adamɛisia gbi. Kenɛi Luki puilɔ kɔlɔ ma kɛ Ngewɔ Yafei mia i Yesu lolini aako i “Ngowili yekpei le nasia ma fɛɛlibla a tie”, tawao yeengowili ji yɛpɛilɔ kɔlooni hamii yeelasii gbi ma a nungaa hou. Kohunɛ wo lɔ kenɛi Luki gɔlɛi bɛɛ hu ngalakpangɔ, kakaye ngi gɔlɔ lɔtomɛi, mia i lalini na Yesu walei ma, kɛɛ gbɔma yeekɛlɛmɛi i yɛpɛ kɔloongɔ ngi lɛlei ma ngelegoohu. Jiahu i gani kɔlooni Kristimableisia ti lanayei ngi gbɔkulei ma kɛɛ ngi yawɔlɔlɛi ma Yesu lɛngɔi woma ngelegoohu, kɔlɔ nyɛimɔi i gbɔma ji hugɛilɔ Tobleisia bɛɛ ti gɔlɛi hu.
Kakɛi yeefelei kɛɛ yeeweitei ma (Kɔlɛi ji goohu wuisia gaa i yee maabui), ti huvengɔi a ngayenge gbotoa na ii Ngowili weka gbii hu kɛɛ ji yakpe, kia nyɔkɔ ndɔmii nasia na kɔlooni malikeisia ti wulesia ma taa famɛi ma mbala mahugbebleisia ti wani piema Yesu ma a ngi le gbeli, kɛɛ Yesu wuaala ma Ngewɔ Wɛleibu ngi lopongɔi hu, kɛɛ na ndɔmiisia kɔlooni Samaitamɔ yekpei ma kɛɛ ndoi na i loni hu. A yeengowili yekpei ji hou i ngafo fa, i laa liigbailɔ kpɔtu hɛɛ wiela ma, kayema Yafei ma, kɛɛ magbee na mahoungɔ nyahangaa ti kpua Yesu mayengei hu, kɛɛ Ngewɔ manula jumbuisia ma.
NGUISIA KƆLƐI JI GOOHU
Magonɛi 1.1-4
Jɔn Nguamɔi taa Yesu ti lelei kɛɛ ti jialongɔ huyɛi 1.5—2.52
Jɔn Nguamɔi yenge lokoisia 3.1-20
Yesu wualei kɛɛ ngi gɔlɛlei 3.21—4.13
Yesu yenge lokoisia kpawama leeŋ Galili lɔlei hu 4.14—9.50
A gbua Galili lɔlei hu lima Jelusalɛm lawai hu 9.51—19.27
Kɛlɛma woki hu Jelusalɛm laawai goohu kɛɛ yeekpalateisia 19.28—23.56
Ndemɔi hiyelei hee hu, kɛɛ ngi gbualei nungaa yaama kɛɛ ngi lɛlei Ngelegoohu 24.1-53
Zur Zeit ausgewählt:
LUKI Yeemagonɛi: MENNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mende New Testament © The Bible Society of Sierra Leone, 2002.