St. Luka 21

1Lone na yen aci lyèc aci ting koyc ci kuet a tau môc-den ghun e môc. 2Ko aci ting ayá tin a bar ci ngong a tau tyalyan rou akor. 3Ko yen aci luel: Etet a lek uêk, tin a bâré cí ngong yen aci môc auer e kêk eben; 4ké kêk eben aci bei etong juak-den môc etong Dén-did; lone kan etong ke dak aci tau uèu-ke eben ye ci nang yen.

5Ko na tetok aci luel e ghun e Dén-did cî cyèc ke môc ko kûr puat, yen aci luel: 6Ka ting uêk, abi ben akol na aci bi pyal kûr e kûr kou ye cí bi dyòm. 7Lone kek aci yen wtyèc ko aci luel: Beyn e nyic, na kan abî a, ko yen ayô acit na kan abi gol bî a? 8Ko yen aci luel: Tyetke, dûn uêk abî ric; ké abi ben cuec e rin-cia ko abi luel: Ghên é yen; ghon aci wtyok! Ko dunke kêk buot. 9Lone na pvengke tong ko mât, dunke ryoc; tuèng edi bi a kan; lone a-ngot é dayc cíe cyèng.

10Alé aci lek kêk: Abi tuom kuât etong kuât ko bayn etong bayn; 11ko abî a aluel-luek e piñé e ghon ko juay ko cok, ko ryoc etong wnyal, ko abi a cit adid. 12Lone tuèng e kak eben kêk abi uêk kuak piñ, ko abi uèk cuòp, ko abi uèk tòn ghut e nyic ko ghut e rûk, ko abi uèk wtel bayn-did ko nim nyin etong rin-cia. 13Lone kan abi ben etong uèk etong gam. 14Ko yekan tauke e ue puot dûn bîk tak tuèng kadi uèk abi bêr; 15ké ghèn abi yek uèk wtok ko ngeyn ka man uèk aci bi leu bîk tér ko bêr. 16Lone uêk abî tón etong ur ko mor, ko uanmêd ko ruey ko mèd; ko abi nok tetok etong uèk. 17Ko uèk abi man etong kêk eben e rin-cia. 18Lone nyèm tok etong ue nom aci bî ryak. 19E ue guom-ic abi nong uêy-kûn. 20Lone na a tyengke Yerusalem abî kēr e duol e rēm, alé uèk abi nyic ryak-de aci wtyok. 21Ale ka ye to e Yudaea abi jal alêl nom, ko ka ye to (Yerusalem) ic abi jal; ko ka ye to e bey-ic dunke lo e ye-ic. 22Ké kak akol e guòr bî a yic kan ci gor eben. 23Lone agó dyar lyac ko dyar a báb-wtok akôlké; ké abi a dyau arêd e piñ nom ko ghok etong kuàté. 24Ko kêk abi yuik abatāu-wtok ko abi kuat a mâc etong kuàt e koyc eben, ko Yerusalem abi wnyae-ic eton koyc-acín-Dén-did ghet abi tâb ghon e kuàt. 25Ko abi acit ryel-ic ko pêy-ic ko e kuel-ic; ko piñ-ic abi a ryoc ko puou jyet etong kuât e koyc, ké uu adid arèd e uer adid-ic ko a tyaktyak; 26ko koyc abi tok e ryoc ko tit ye-ngu bi ben etong piñ eben; ké ryel e wnyal abi luēk. 27Ko alé kêk abi man e ran ting a bo e luat-ic e ryel ko adid arêd. 28Lone na kake a gal abi a, uêk lyecke ko jotke ue nim; ké aci wtyok koyn-dûn.

29Ko yen aci lek kêk luop: Tyengke tim e ngap ko tim eben. 30Na kêk a toc uêk a nyec aci wtyok alé-ruel. 31Kele uek, ya, na uêk aci ting kake abi a, nyecke aci wtyok pan e Dén-did. 32Amen, ghên a lek uêk, kuâté aci bi uar ghêt aci a kak eben. 33Wnyal ko piñ abi wtòk lone uèl-cia aci bi wtòk. 34Lone tyetke rot, dûne puón-dûn abi tyek etong muol ko cam arêd ko tang e piré, ko abi yuil etong uêk akolé. 35Ké yen abi ben acit dēb etong koyc eben ye nyuc e piñ-nom eben. 36Ko yenke ghon eben ko còrke bi uêk joc bak kat etong kak eben ye bi ben, ko bak kóc e man e ran nvin.

37Lone akol yen aci nyic ghun e Dén-did; lone uakóu aci lo akenbay ko aci rèr alel nom a côl e tim e mok. 38Ko kuât eben aci ben etong yen wnyak-dûr ghun e Dén-did bi yen ping.

Zur Zeit ausgewählt:

St. Luka 21: CIEC1905

Markierung

Kopieren