St. Luka 18

1Lone yen aci kêk lek luop, ké édi cor akuriec ko aci bi puol, 2ko aci luel: Aci to tin pan tok ran e lûk cíe ryac e Dén-did ko akeyʼ ryoc e koyc. 3Lone aci to tin pané tin-abâr ko aci ben etong yen ko aci luel: Luk ghên etong ke mân ghên. 4Ko yen aci mal ghon bâr. Lone alé yen aci luel e ye rot: Ko na ghên acíe ryoc e Dén-did ko koyc, 5lone ké tin-abâr e a yong ghên, ghên abi yen lûk, dûn yen cyen abi ben ko abi ghên lat. 6Lone Beyn-did aci luel: Pyengke ran e lûk rac a luel ngu. 7Lone Dén-did aci bi lûk loy etong koyc-ke cî loc, na kêk abi cyú etong yen akol ko uakóu, ko yen aci bi nong gum etong kêk? 8Ghên a lek uêk: Yen abi dayc lûk kêk; lone man e ran, na yen abi ben, (yin a ngat) yen bi yok gam e piñ-ic?

9Lone yen aci luopé lek etong ketok ye rot tàyn ke kêk apuat arêd ko aci tval koyc kok: 10Koyc rou aci yid gliun-e-Dén-did bi cor; tok Pharisaeus ko tok Publikanus. 11Pharisaeus aci kôc aci cor kele ye rot: Dén-did, ghên a lec yin, ké ghên aci cit koyc kok, acit rōr a rum ko kuel, ko ayá acit Publikanusé. 12Ghên a tek ayá rou etong Sabbath ko a yek long e wtyer etong ka-cia eben. 13Ko Publikanus aci kôc te-mec, ko akeyʼ nong puou bi ye nyin jat wnyal, lone aci ye yóu gut ko aci luel: Dén-did, puol ghên e jol. 14Ghên a lek uêk: kan aci dûk pan-de cî puol kerác-de etong kene; ké tok eben ye did-puóu-de yen abî nyuc, ko ke kor puón-de abî did.

15Ko koyc aci bei etong yen miwtti bi yen kêk tàp. Ko na koyc-ke aci kan ting aci kêk cil.

16Lone Yesus aci kêk côl ko aci luel: Palke miwtti bîk ben etong ghên ko dunke kêk pen; ké acit kêk a nong pan e Dén-did. 17Etet, ghên a lek uêk: tok eben ye ci bi kap pan e Dén-did acit manti yen aci bi lo akentin.

18Ko beyn tok aci yen wtyèc ko aci luel: Beyn e nyic apuat, ye-ngu bi ghên loy ba kap pir atêr? 19Yesus aci bêr ko aci lek yen: Ne-ngu yin a cak ghên apuat? Acin tok apuat e Dén-did yetok. 20Yin a nyic uèl e Dén-did: Dûne nek; dûne kued; dûne cuèr; dune gam e luêwd; lec ur ko mor. 21Kan aci luel: Kak eben ghèn aci tit e kur-dia-ic. 22Na Yesus aci kan ping aci luel: Tok a-ngot e dak; ghace kaka eben ko yeke ka cíe nong, ko yin abi nang uèu ci nyap wnyal-ic; ko bar ko buot ghên. 23Na kene aci kan ping yen aci pyón-de rem; ké yen aci kuet aréd. 24Lone na Yesus aci yen ting a rem puou, aci luel: Kedí atyek, ka nong uèu abi lo pan e Dén-did! 25Ke auer puol bi torol bio e uèwd-wtok e a kuet e pan e Dén-did. 26Ko koyc ci ping aci luel: Ko ye-nga a leu bi rot koyn? 27Ko yen aci lek kêk: Ke aci bi a etong koyc abi a etong Dén-did. 28Lone Petrus aci luel: Yenkin, ghôg aci puol ka-kua eben ko aci yin buot. 29Ko yen aci lek kêk: Etet, ghên a lek uêk: acin tok ye ci puol ghun-de, ko un ko mán, ko uanmêd-ke, ko tin-de ko mîwt-ke etong pan e Dén-did; 30ko yen aci bi kap auer acuec ghoné ko pir atêr ghon bi ben.

31Lone Yesus aci káp wtyer-ko-róu ko aci lek kêk: Yenkin, ghóg a yid Yerusalem, ko abi a yic kiriec eben cî gor etong koyc-e-ting etong man e ran. 32Ké yen abi tón etong koyc-akuyc-Dén-did, ko abi lat, ko abî yup ko kêk abi yen ngok yuid. 33Ko na kêk abi yen yup kêk abi yen nok, ko akol callic yen abi rot jot. 34Ko kêy akeyʼ nyic kede, ko uete aci tyàn etong kêk, ko kêk aci kûc ke ci luel.

35Lone na yen aci wtyok Yericho cor tok aci nyuc kuèr long, yen a lim. 36Ko na yen aci ping koyc a uar, yen aci wtyèc ye-ngu kan? 37Lone kêk aci lek yen: Yesus etong Nazareth a uar. 38Ko yen aci côl ko aci luel: Yesus, man e David, dyau puón-du ke ghên! 39Ko koyc ci uar aci yen cil bi byet; lone yen aci côl auer ya arêd: Man e David, dyau puón-du ke ghên! 40Lone Yesus aci kóc ko aci cyeng bik yen bei etong yen; ko na aci wtyok aci yen wtyèc, 41ko aci luel: Ye-ngu yin a nong puou ghên loy yin? ko kene aci luel: Beyn-did, ba ting. 42Ko Yesus aci lek yen: Yene, gam-du aci yin koyn. 43Ko yémanic yen aci ting ko aci Yesus buot, ko aci Dén-did lēc, ko koyc eben ci kan ting aci Dén-did lēc.

Zur Zeit ausgewählt:

St. Luka 18: CIEC1905

Markierung

Kopieren