Thangambere 9
9
Lembariba pa Mungu giku Noa
1 #
Tha 1:28
Man Mungu mio mugisa ni Noa ku wote, man ewacu igi kumae, Wunyol, wumedru de, man wupong’ ng’om. 2Man lworowu ku ndiriwu bibedo wi yedi ceke ma wi ng’om kubang’e kubang’e, man wi winyo ceke ma kor polo kubang’e kubang’e; gin ceke ma ng’om upong’ ko, ku rec ceke m’i nam, jukethogi i cingi. 3Ku ba gin ceke ma kwo m’ubewotho bibedo ni cemo iwu; calu uboko ma numu m’amio iwu e amio iwu giki ceke kumeca. 4#Law 7:26, 27; 17:10-14; 19:26; Poi 12:16, 23; 15:23Ento ring’o ku kwone, ma en e rimone, kud wucam. 5Man andha rimo mu, rimo mi kwo mu abilwong’o; i cing’ yedi ceke kubang’e kubang’e abilwong’e: man i cing’ dhanu, cil i cing’ umego kubang’e kubang’e, abilwong’o kwo mi dhanu. 6#Ai 20:13; Tha 1:26Ng’atu ma tek uketho rimb dhanu cwir, en de dhanu biketho rimbe cwir: kum i ayi Mungu ecwio dhanu. 7#Tha 1:28E wun, wunyol, wunyai; wunyol dit i ng’om, man wunyai i ie.
8Man Mungu yero ni Noa, man ni wote ma gibedo gikugi, ewacu kumae, 9Man an, nen, aketho lembariba para cung kudu, man ku kodhiwu yo ng’eiwu; 10man ku gin ma kwo ceke kubang’e kubang’e ma gini kudu, winyo, man lim, ku yedi ceke m’i ng’om kubang’e kubang’e ma gini karacelo kudu; mi gin ceke m’uwok woko kud i avur, cil yedi ceke m’i ng’om kubang’e kubang’e. 11Man abiketho lembariba para cung kudu; kadok weg kum ceke de gibinyothri kendo ngo ku pi mi pi ma coro ng’om; kadok pi ma coro ng’om de bibedo nuti kendo ngo ya unyoth ng’om. 12Man Mungu wacu kumae, Maeni giranyutha mi lembariba m’atimo i kindwa wakudu ku giracwia ma kwo ceke kubang’e kubang’e ma ni kudu, pi dhanu m’ucikutuk thiri thiri: 13aketho danyu para i afuru, man ebibedo ni giranyutha mi lembariba i kindwa ku ng’om. 14Man ebitimbre, kan akelo afuru wi ng’om, nia danyu binen i afurune, 15e abipoi kum lembariba para, ma ni i kindwa wakudu ku giracwia ma kwo ceke kubang’e kubang’e mi weg kum ceke; man pi bidoko ni pi ma coro ng’om kendo ngo ya unyoth weg kum ceke. 16Man danyu bibedo i afuru; man abineno i wie, kara apoi pi lembariba mi nja i kind Mungu ku giracwia ma kwo ceke kubang’e kubang’e mi weg kum ceke ma ni wi ng’om. 17Man Mungu wacu ni Noa kumae, Maeni lembanyutha mi lembariba m’aketho i kindwa waku weg kum ceke ma ni wi ng’om.
Noa ku Wote
18Man wot Noa, m’uwok kud i avur, gi Cem, ku Ham, man Yafeth: man Ham en e won Kanan. 19Maeni adek gi wot Noa: man ng’om ngung’ upong’ ku dhanu ni kum juadek maeni.
20Man Noa maku bedo jatipodho, man epidho podho mir ulok: 21e emadhu pigulokne, man emer; e ebedo muneru i hema pare. 22Man Ham, ma won Kanan, uneno mumero pa won mire, e eyero ni utumin ario ma woko. 23E Cem ku Yafeth giting’o kendi, man gikethe wi gokgi gin ario, e gicidho ku ng’eigi, man giumo muneru pa weggi; man wang’gi bedo yor i ng’eigi, e gineno muneru pa weggi ngo. 24E Noa ceu kud i pigulok pare, man eng’eyo gin ma wode ma nok utimo ire. 25Man ewacu kumae,
Kwong’ ubed wi Kanan;
Ebibedo jatic mi jutic ni utumin mire.
26Man ewacu kumae,
Mugisa bed ni Yehova Mungu pa Cem;
Man wek Kanan ubed jatic pare.
27Mungu med Yafeth,
Man wek ebed i hema pa Cem;
Man wek Kanan ubed jatic pare.
28Man Noa camu ng’om rundi dak adek ku pier abic yo ng’ei pi m’ucoro ng’om. 29Man ceng’ pa Noa ceke en e rundi dak abung’wen ku pier abic: e etho.
Zur Zeit ausgewählt:
Thangambere 9: AB1970
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible In Alur (Lur), Revised Orthography © United Bible Societies, 1970.
