Halloo Gimo
Gimo
Hini macaafooch beeti mooyinaꞌo shiicheenaꞌo tuneti mooyinaꞌone. Shiichiꞌi shimaayoonaa showoona halleyoon, shiichiꞌi asho anaamonaa maacheena tuneꞌi halleyoon, shiichiꞌi asho axaaxoona dihoon, shiichiꞌi Yeeri gibenikkiti gibenoonaa ashoon axaaxoochee wodiyoyich bi yameti yamoonon, wotta shiichiꞌi Yeeri Abrahaminaa biinna daggooch bariti ikkittinoon bi gedonoo gettii beetone. Hallee Macaafo Yeerich bariti asheenaꞌochonaa boonoshich Yeeri gabiti mooyochonon nooch gettii beetone. Ebi asheenaꞌoochee ikkikkeenaꞌo Addaaminaa Hewaanina, Noohi, Abrahami, Yisaaqi, Yaaqobi, Yooseefinaa bi maneenaꞌonane.
Hallee Macaafo shiichii kooreeti uuche macaafeenaꞌoochee ikkinnoone. Ebi uuche macaafeenaꞌo, Sheeree Macaafeenaꞌo getteeheete. Sheeree Macaafeenaꞌo boonoshi getteeti naboo, Israꞌeeleenaꞌoyich icheti, Yeerichi sheereenaꞌonaa geteenaꞌona ebi are macaafeenaꞌooch boonoshi kooreetoyichiye. Hallee Macaafo eboshina tookkii bi bacceeto, Israꞌeeleenaꞌo aabichiꞌi Yeerich bariti asheenaꞌo boonoshi tuneto gaata bi gettii beetoyichiye. Muusi qitoon gettiibeeti, Yibbaatee Macaafo 34:1-12 beetoyee bekk, uuche Sheeree Macaafeenaꞌon koorito, Muusi tuno qayaache immi gaboone beeto.
Inde Moochi Sheqqo
Shimaayoonaa showoona, ashoo halleyoo (1:1–2:25)
Asho axaaxoona dihoonaa axaaxoo deebiti mooyona (3:1–5:32)
Noohi mooyo (6:1–9:29)
Showoo bulliich asho shaco (10:1–11:32)
Abrahami mooyo (12:1–25:18)
Yisaaqinaa bi kechi asheenaꞌonochi mooyo (25:19–26:35)
Yaaqobinaa bi bushiishoonochi mooyo (27:1–37:1)
Yooseefi mooyo (37:2–50:26)
Zur Zeit ausgewählt:
Halloo Gimo: KBRC
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
SIM International, 2020.