Matana Enjil 11
11
Bag. 11.
1Yesu tenna hirani diminde owigi ikke kurkidosirsinn agabir teddoton talossum, medinechir kurkidirri an, wide beshireri an.
2Ama Hana, habsir dabungon, komisbulna awdigi gijred tenna hiranirton owigi ishinirsum. 3Wide wetirsum: „Er bital terre? Wala echel wekki urwed tegrun?“ 4Yesu rude wetidirsum: „Wide jurgi Hanagi wetirwe, iri gijirsungon wide nalsungongi: 5Dugri anallan. Fogorachigon ataleran. Baraskonigon atahirtakkiran. Ulgi gijbuligon agijirran. Wide dieligon aïmbellan. Wide fegirigon beshirtakkiran. 6Aiged musulmeninna tirtigon barkebun.“
7Ingu nogsangodon Yesu jemachigi ugudi wetidirsum Hanana jihar: „Mingi halar nalw an bel jusure? Agen sha turug aguyikidil wekka? 8Min wekki elon bel ju nalsure? Zol kade noro wekki unduredal wekka? Kade norogi aündurili orina gasrir agran. 9Min wekki nalw an bel jusure? Nebi wekka? Eyo, irgi wetidirrin, nebi werdogorgon dulum. 10Inin dogor teran bajtakkikosum: ‚Ahan ai enna koin owollo anna ishinbulgi aïshindin, enna darubki enn owolged aller an.’ 11Aleged irgi wetidirrin, ecchi uskisanna ogjin barer Hana akidirildogor dul wer uskitakkikomnum. Ama edi kina simechina mulkin tur tendogor dulum.“
12„Hana akidirilna ugrosirton elekenbokon simechina mulki shidaged artakkisum. Wide shidakoni bimorogirran. 13Mine nebichigon sheriagon Hanar tanbokon esan. 14Won ir on birigkurun in weregi: Ter tenna kidir Eliya bital teran. 15Idder ulugkikol gijr agad!“
16„Niged in jilgi shebiherin? Toni sugir tegosirgi tinna tiwrichigi aüweligi. Wide aweran: 17‚Irgi kisirki jomtidirrungad battigi monossun, torutidirrungad warijkomnun.’ 18Mine Hana tasum, kale kalmendi an, wala niarki nimendi an. Tenna ikke awarked: ‚Newerti milikolm an’ wetirsan. 19Zolna todton tasum, kalli an, wide niri an, ogji echeli nawite. Wide aweran: ‚Ahan kalen dolidagi wide hamurki anilgon, mekisn idina tiwri wide zenbikolina dolidagi.’ Hegma berirtakkossum tenn awdiged.“
20Mani wattigi ugudisum shorograrki medinechi, tidder ayachi edi digrichigi awsinigi. Mine tubadti monossan.
21„Urmud endum, wo Horasin. Urmud endum, wo Betsaïda! Mine Surrogon wide Saidagondo ayachi edder awtakili tidder awtakkikokran, bitubesan kursello, eskedirgon wide uburtirgon biturubsan. 22Elekengon irgi wetidirrin, Surkon wide Saidagon dinadna ugrosir tindogochir hongi bellan.“
23„Won er, wo Kafrinahum, simer junbokon soketakkel, dielin agarro junbokon bidigirshugrin. Ter on ayachi edder awtakkeli Sadumir awtakkikokran, olongun bokon bikewidsum. 24Elekengon irgi wetidirri, Sadumna arid endogor hongi belin dinadna ugrosir.“
25Mani ugrosir Yesu wesum: „Ekki hamderin, wo abo, aridton wide simegonna tir, ingi er tagrossingi erigkonirton wide lalarirton, wide ertigi aniligi amintidirsingi. 26Eyo, wo abo, ikke teran enna guratti. 27Abo haja malegi anna in tur undurossum. Wide wekkongon todti iyirmunum, abog anmenkin. Wide wekkon abogi iyirmunum todt anmenkin. Wide tod ter awersinna tirtigi bamintirin.“
28„Aig abidi tawe, ir male, marisbuli wide teribuli, ai terrim irgi bishorogriril. 29Anna karabki indogochir kujurwe wide annaiton kurwe. Mine ai norogidn id eringad, wide a kinakol eringad. Ir wide bellun innewertichina weleserarki. 30Mine anna karab heyinum. Wide anna hemilgon shorom.“
Zur Zeit ausgewählt:
Matana Enjil 11: XNZ1912
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published by the British and Foreign Bible Society in 1912.
