Kada Bulawan 3
3
Pangpakainga' lako tomalolle'
1Ee anakku', danggi' mukalupaii to kuajaranko.
Tuli ingaranni to parentaku'
2dikua mumalambeh sunga',
namanyaman katuoanmu.
3La mupusipa' to mamase
mupusipa' tooi to dikatappa'i,
mupallan penawa tonganni
butung to mupurara' jio kollongmu.
4 #
Lukas 2:52
Ia ke mupugaukki susi joo,
napakamoja'ko
naangga'ko Allataala sola padammu rupa tau.
5Palantuk tonganni penawammu matappa' lako Puang Allataala,
danggi' mupattuan kamapahanganmu.
6Pakkaeloran-Nara Puang Allataala la muturu'
namaruruh to lalan katuoanmu.
7 #
Roma 12:16
Danggi' musanga bang kalemu macca,
la ngkalaja' ngkasiri'ko Puang Allataala
mupaboko'i penawa to panggaukan gaja'.
8Ia ke mupugaukki susi joo,
butung pejampi mpamalekeko.
9Passompanni ewananmu to melona sola pamula assele' jamanmu
tandana mpakala'bihko Puang Allataala,
10na sakerangngan-rangnganna to ewananmu
susi pa'pak diissi saponno-ponnona,
ba'tu susi wai anggoro' lempah llan mai busu.
11 #
Ayub 5:17
#
Ibrani 12:5-6
Ee anakku', danggi' mucia' ntarima pangpangngajah-Na Puang Allataala,
na danggi' too pumarossoi to pangpakainga'-Na.
12 #
Pengkitanna Yahya 3:19
Nasaba' ia to to-Napakamoja' Puang Allataala, Napangngajahhi ke salai
susi mesa' ambe' mpangngajahhi anakkana to napakamoja'.
13Maupa' to tomemmacca
na memmapahang,
14nasaba' la'bih keangga' to macca na ia to pera',
na la'bih keangga' na ia to bulawan,
15na la'bih makeangga' na ia to nnampui paramata.
Sininna to mukadoangngi muampui te'da mpadanni to macca.
16Ia to kamalamberan sunga' pole jio mai lima kananna,
na kasugiran sola kadianggasan pole jio mai lima kairinna.
17Napangngujuko lako katuoan kamasannangan,
napatujuko lako lalan kamanyamanan.
18Kamaccan butung garonto' kaju mpaden katuoan lako tonnampuii,
napumasannang tompentoeii.
19 Puang Allataala mpake kamaccan mpajaji lino,
na kamapahangan-Na mpatiballahhi to langi' jao ngenanna.
20Mpake-I kapaissenan-Na mpatosso mata wai jiong tasik natitaleh,
Namparatu uran jao mai saleu'.
21Ee anakku', la mupubiasan to mangpikkiri' melo sola matarruh mangpikkiri',
ingaran rampa'i joo.
22Susimi joo la mupugauk mumalambeh sunga',
na susi rara' llan kollongmu to la'bih mpamaloloko
23mumanyaman male lumingka
na te'da mutitodo.
24Ia ke la mamma'ko te'da mumalaja',
manyaman mamma'mu.
25Danggi' mumalaja' ke denni abala' ratu tangdikalannai,
danggi' mumalaja' ke denni kamacilakan ngkanna togaja',
26nasaba' jio-I sa'demu Puang Allataala,
rrui'ko jio mai to nanii poja abala'.
Pangpakainga' mangpanggaukan melo
27Danggi' mumangdoppa-doppa mpugauk kameloan lako tomparallui pangtulungan
na mukulle una mpugaukki.
28Danggi' mukua lako padammu rupa tau,
“Polemoko jolo' masawapa muratu pole' kubenko,”
na sitonganna den muampui to wa'ding ta'pa mubenni.
29Danggi' na den llan penawammu la mpugauk kagajatan lako padammu rupa tau,
nasaba' te'da nakabataiko to tomusolan torro.
30Danggi' mumassipura punala bang lako padammu rupa tau
na te'dara namangpanggaukan gaja' lako iko.
31Danggi' pangngimburui assele'na tomaparrang,
danggi' turu'ii to sipa'na.
32Nasaba' Nakaba'ci Puang Allataala to tomajekkong,
apa Napusoba' to tomaruruh penawanna.
33Natangdoi Puang Allataala to issi bolana togaja',
apa Nabarakka'i to issi bolana tomakassing.
34 #
Yakub 4:6; 1Petrus 5:5 Nacapa' Puang Allataala to topacapa',
apa Napakamoja' to tompamajiong penawanna.
35La ditaratte' to tomacca,
apa tangdiangga' to tobattuk.
Zur Zeit ausgewählt:
Kada Bulawan 3: mvpAD
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Wycliffe Bible Translators, Inc. All rights reserved.
