सेःक्युक्मिबाहाॽ निसुम्
निसुम्
कन् साप्पन्निन् लुका मे़प्मनाबा ये़सु ख्रिस्तरे़ याङ्सिबा कुहुॽसाम्बाल्ले़ साप्तुबारो॥ कन् साप्पन्निङ्ग तगि साप्तुबा “लुकारे़ कुसुनाइङ्ङिल्ले़” कुजक्लो॥ कन् साप्पन् साप्माल्ले़न् कुजे़क् निङ्वाॽसोक्किङ्ग आक्खेलॽरिक् हुॽसाम्बाहाॽरे़ सेसेमाङ्ङिल्ले़ कुमुक्साम् नु कुलाम्लोमान् मे़घोसु हे़क्क्याङ् खे़ङ्हाॽरे़ “यरुसले़म्मो, यहुदिया नु सामरिया थुम्मो, हे़क्क्याङ् काक् इक्सादिङ् खाम्बेःक्मो” सुनाइङ् इङ्मे़भोसु के़लॽबान् पोधक् चोःक्मारो (१:८)॥ कन् हिन्दोक्हाॽग आक्खेलॽरिक् ख्रिस्तानि साम्योन् काक् इक्सादिङ् खाम्बेःक्माल्ले़ कुलागि साम्यो पोःक्खे़ के़लॽबा मुन्धुम्लो॥ ख्रिस्तानि साम्यो के़नाःप्पाहाॽ रोमि हाङ्जुम्मो हाङ्बिफ्युङ् के़जोःक्पा मे़ःन्छि, कर ख्रिस्तानि नसाःन्निङ्ग यहुदि साम्योन् कुलिङ्दो के़गे़प्पा साम्यो फाॽआङ् हे़न्निःप्पाहाॽरे़ कुसिङ् मे़निःत्तुर के़लॽबा निङ्वाॽ चोगुआङ् कन् साप्पन्निन् साप्तुबारो॥
कन् साप्पन्निन् सुम्सि लक्को हामा सुक्ते़त्लो—
(१) ये़सुन् साङ्ग्राम्पेदाङ्ङो पेआङ् यरुसले़म्मो ख्रिस्तानि नसाःन्निन् इङ्से़रे़बा
(२) प्यालेस्ताइन लाजेॽरे़ वेॽ ते़ङ्गप् हे़ङ्घात्ति सुनाइङ् से़रे़बा
(३) खाम्दोलुम् वरःङ् कुयाबा लाजेॽ, हाङ्गप्हाॽ नु रोम लाजेॽ थारिक् सुनाइङ् से़रे़बा पोधक्॥
कन् साप्पन्नोबा के़ये़क्पा पाःन्निङ्ग सेसेमाङ्ङिल्ले़ कुयाःम्बक्लो॥ खुने़ॽग पे़न्तिकोस्त ये़न्नो मुक्साम्नु यरुसले़म्मो के़वाॽबा नसानिबाहाॽओ थ्ये़ हे़क्क्याङ् सेसेहुप्लक् नु लाम्लोबाहाॽ कन् साप्पन्नो पोधक् पोःक्खे़बा हिन्दोक्हाॽओ लाम्लोसुसिर खुनिॽ नसाःन्निन् के़धुम्बा चोगु हे़क्क्याङ् हाङ्हाङ् मे़त्तुसिॽरो॥ कन् साप्पन्नो साप्ते़बा पाःन्हाॽरे़ नसानिबाहाॽरे़ हिङ्मन् नु खुनिॽ सेसे चुम्लुङ्ङो सुनाइङ्ङिल्ले़ कुमुक्साम्मिल्ले़ कुयाःम्बेओ पोधक् चोगुॽरो॥
ताङ्बा थामिङ्
तोःन्दिरे़ लागि यारिप् १:१-२६
ये़सुरे़ एगाङ्बा कुइङ्जाङ् नु कुमाङ्हुप् १:१-१४
यहुदारे़ कुले़क्वाओ सेःक्युक् १:१५-२६
यरुसले़म्मो तोःन्दि २:१–८:३
यहुदिया नु सामरियाओ तोःन्दि ८:४–१२:२५
काक् इक्सादिङ् खाम्बेःक्को तोःन्दि १३:१–२८:३१
पावलरे़ चोगुबा थिक्सिगेक्पा इङ्भन् १३:१–१४:२८
यरुसले़म्मो के़बोङ्बा चुम्लुङ् १५:१-३५
पावलरे़ चोगुबा निसिगेक्पा इङ्भन् १५:३६–१८:२२
पावलरे़ चोगुबा सुम्सिगेक्पा इङ्भन् १८:२३–२१:१६
यरुसले़म, सिरिया नु रोम्मो पावले़न् साक्पा थाबा २१:१७–२८:३१
Zur Zeit ausgewählt:
सेःक्युक्मिबाहाॽ निसुम्: LIF
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.