Matthew 4
4
Chaptergē Stanshung.
1ITAN Hānts Jesus tligē dāungas ai halkāgang hetgwaulana il eddē kil kingēdēanā.
2Tlīstluan sin klālē stanshuog isken hal klālē stanshung ishin il kīsalang tlo, silīd il kwōtagālang.
3Waigen ltha eddē nung kil kingungs hin il shūtaiang, Shānungetlagidas Kit dung istōalth adshi kwauē shibili gaiēlthā hin lth shūda.
4Waigen hin hangtlan il shouan, ou kālungāgun, kum nung ītlinga shibili alth swaunan hēningāngsang: kil wautliwan Shānungetlagidas helthli stāhā isis alth swaunan il hēningāsang.
5Itan hetgwaulana lana lā ā il istaiang, waigen churchnē lāyūans tlimits inku agwi lā il koudaiang.
6Waigen hin lā il shūtaiang, Shānungetlagidas Kit dung istōalth, lth agung kātalth: kālungāgāni althlā, angelgas gē tuman dung unga il kingalthasang, waigen stlē unga alth shā an dung ltha hātlthidzuasang, waigen kum tliku timegē ed gud dung stai kwau ī hatawāngsang.
7Jesus hin il shūtaiang ishin ou kālungāgun, Shālānā Ītlagida unga kum eddē lth kil kingāng.
8Houshen, hetgwaulana lthdou jinga yūan gwi lā il istaiang, waigen hētk tligē gu kingdomgē wautliwan isis lā il kingdaiang, waigen kin anyākwudungā gu isis ishin.
9Waigen hetgwaulana hin il shūtaiang, dung tikwushtloasken, waigen dī ā singelthkang dung gūshūsken, ā kin is wautliwan dung ga lth istāshang.
10Itan Jesus hin il shūtaiang, hinda Satan: ou kālungāsi althlā, Shālānā dung Ītlagīdou īching, lā ā singelthkang lth gūshu, waigen tlan lā an swaunan lth tlāangwilu.
11Itan hetgwaulana lā stāhā kaiitang, waigen kwoking, ga angelgas gē istlāgang, waigen il kwutungē wau ltha saaskidang.
12John kētsit nai ā isis tlīstluan il kwudangantlo, Galilee tligē gwi silthkang il stēlang.
13Nazareth tligē stāhā il kaiitang, waigen Capemaum tligē gu il nayēlāni, tungē gustga ouādaiani. Zebulon tlīgē isken, Naphtali tligē ishin aiyūwē giougu Capemaum tligē īching,
14Tliku Isaiah nung Prophetgas shouan kingān edāni, waigen hinū il shouan.
15Zebulon tligē isken, Naphtali tligē ishin, tungē an dūungāgung, Jordan hānlthē shengs waugust īching, waigen Galilee tlīgē gu ā lth hāada isis idjāni.
16Lth hāada halga ā tluadaiang hatga yūan kāngang, waigen kwotal tligē ā ga tluadaiang ishin, waigen kwotal hānts ā ga idjan ishin da hatgā ēlang.
17Ashgē timegē stāhā Jesus tlāgūkgūshouīdāni, waigen hinū il shouan, kwutungē unga lth stīlthto shāgē kingdomgē āanān isis althlā.
18Waigen Jesus Galilee tligē skwaus jinit kāgangtlo, kwaialung stung il kāngang: Simon Peter hin kēyāgang, waigen Andrew il tuan ishin; chān ga āatē unga il istaouang, āatālēilung il isouāni althlā.
19Hin lā il shūtaouang, dī tlā lth istalo, waigen āat stāhā skātlink dalung istaguns kingan kin dāunga stāhā lth hāada dalung kagindāshang. Yenkien lth hāada dāunga washt kil kagunē an dalung lth tlaoutlāshang.
20Waigen houītang āate unga stāhā lā tlā il istalouang, waigen aung unga il inaouang.
21Stāhā il kaiitang ken kwaialung adda stung il kāngang, James Zebedee kit idjan, waigen John il tuan ishin: aungē unga alth kontluwē gwau il isouang, waigen āatē unga il tlinglāouang tlo lā an il aiyingouang.
22Houītang kontluwē il takistlaouang, waigen aungē unga ishin il tatlistlaouang, waigen lā tlā il istalouang.
23Jesus Galilee tligē askwan ai il kaouangang, waigen Churchnē hudila ai lthanga isis ā kin ltha il skadadagangang. Ringdomgē giatlingē las alth tlāgūk il gūshūgangang, waigen ltha helthilthkias isken sti gwudila ed wautliwan ishin il tlanūngistlagangang.
24Waigen giatlingē Syria tligē askwan gu langa kokgustlowaiang, waigen lth hāada sti wautliwan lā ā ltha istaiang: gwudila helthilthka ed wautliwan ishin, ltha houāgun ishin, hetgwaulana alth ltha staouas ishin, ltha konungala ishin, ltha stiglīida ishin lā ā ltha kelthilunḡangang, waigen ltha wautliwan il tlanūngistlaḡangang.
25Galilee tligē stāhā isken, Decapolis tligē stāhā ishin, Jerusalem tligē stāhā ishin, Judea tligē stāhā ishin, waigen Jordan hānlth sheng waugust stāhā ishin lth hāada skūla yūan lā tlā istiēdang.
Zur Zeit ausgewählt:
Matthew 4: HAIDA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
First published by the British and Foreign Bible Society 1891-1899.
