Marku 16
16
Yesu dum dwi taw law e
1Ahkwi yu-ban ni lai byu jang, Magdala Mari e Yaku yang-nu Mari nik e Salome gë, hau mang le but bi ra ma-tu nam ngawn a htsu wi kaw e.
2Hau bwi-ni ra bat e hë ni nap-gyaw naw naw le bwi htaw jang, yang maw gë, hau lup shut e-law kaw e.
3Hau hkun yang maw gë, “Hau lup dawng shat ma e, i-nung ma-tu hau lu-gawk le aw waw king pyam bi ra lu?” ga lwi, yang maw yang chang tai lum kaw e.
4Wu kat le, hau lu-gawk king pyam taw e le yang maw myang kaw e. Hau gë, ja kaw taw le.
5Hau lup hkau shut wang le, du-baw e me gang e law yaw shut zung taw e i-ram ra yu le yang maw myang kaw e mu, mak byu kaw e.
6Yang jau gë, “Nung maw hka mak byu kaw. Ngadang ma jen taw e Nazaret wa Yesu le nung maw haw taw akaw. Yang taw law be. Yang shi ma a ni law. Yang le kat taw e jaw-waw le wu wu ke.
7Ngut-kaw-lang, nung maw e hë ma Galile mau shut Yang le law bura ga, ga lwi, Yang lagyaw wi e Petru le law tai kyaw ke. Yang tai kat e ra jung za hau ma nung maw Yang le hwi kaw ra,” ga lwi, yang maw le tai kat e.
8Hau hkun yang maw htaw law lwi, hau lup mai hpang byu kaw e. Hka-su-mu-ga-le, gyu nan mau mak byu e yang maw hwi bakaw. Gyu kaw e yan-mai yang maw aw le le hai le a tai kaw.
Yang Iagyaw pe le Yang gung-du law dan shit e
9Ahkwi hau bwi-ni ra bat e hë ni naw naw le Yang dwi taw byu law e htang, nit nat hkat pyam bi e Magdala Mari le Yang gung sang-hë law dan shit e.
10Yang htaw lwi, mit-yawn ngau-bi-ngau-nap dut ni akaw, Yesu Yang htang chang wu e bang le, tai kyaw kat bi kaw e.
11Yang gë, ladwi ni le e, Yang gung yang myang-wu e le, yang maw waw gyaw kaw e hkun, a lum a jing kaw.
12Hau htang yang maw jang ma, yaw-saw dum shut lam e law e byu i yu le, Yang i-hpyaw-i-sam gaw-tu kut lwi, yang nik le htaw shit e.
13Yang nik gë, dum law lwi, gaw bang le tai kyaw shit kaw e. Yang maw le a gyaw jing kaw.
14Hau htang lagyaw ra htse ra yu hau za zang-zaw ni kaw le, Yang yang maw le Yang gung law dan shit e. Yang shi e mai dum dwi taw law e myang bang e dang le nan a jing kaw e yan-mai, yang maw a lum a jing e, e i-mit-htan ni e le, tan pyam e.
15Yang dum yang maw le, “Nung maw mi-dam gawm jam shaw lem e-law lwi, wa-htsang byu hu a-myu jup shaw le, hau kabu gara dang-lu le nyaw maw kyaw ke.
16Lum-jing lwi, baptisma hkam yu su gë, hki-yu e hwi ra. A lum a jing su jau gë, daw dan e hwi ra,
17Lum jing e bang waw shit ra lamik hkaw gë, shi gu ngut taw le. Yang maw Nga ming mai nat pe le waw hkat pyam bakaw ra. Dang a-myu gaw-tu dang le waw tai kyaw bakaw ra.
18Yum-sing law e lang-mwi le waw zwi le e, mwi shi e jung zang-shu kaw-lang, hai le a mu kaw ra. Naw hpyaw hwi bang e a-htaw ma yang maw law ke bi lwi, hau bang ge law bakaw ra,” ga lwi, yang maw le sang taw e.
Yesu mau-hkung shut daw law e
19Hau mu Yum-sing Yesu gë, yang maw le dang tai taw e htang, mau-hkung shut shwi taw yu e hwi lwi, Kara Kasang e law-yaw shut zung taw le.
20Yang maw le lam law lwi, jaw-waw hkang maw ma nyaw maw shit kaw e, hau yum-sing yang maw e ra-ha mu zwi ni lwi, yang maw nyaw maw a dang teng e sak-se dut ra ma-tu, lamik hkaw waw dut nang ni e. A-men.
Zur Zeit ausgewählt:
Marku 16: ATB1951
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© British and Foreign Bible Society 1951
