ADECHHÜ Ajühtuwa
Ajühtuwa
Adechhü majjügi pala tsüdi miwila atuwa. Lesüshen hawi atssan ayyi sakechi, anyi hang keshagha, ayyi wi kesami sa tegüwa nu tsü ghena ketizenkesa, nu Anyiza na anyi ssiketen cüki tsüdi chüyaben. Adechhü cüki ha gishü pi keni satheng;
1) 1-11, Ayyi sakechi nu kheni anyi mizza cüki. Hawi Adam nu Eve, Kain nu Abel, Noah nu atssükedone, nu Babilon ducü cükithu na ben. 2) 12-50, Kheni Israel nyi bamyithu cüki. Atuwa na Abraham, ma kenondi nu Anyiza jühkekina kemehaiwa. Tsaseng wi ma tsawa Isak, nu ma tsawa tsa Jakob (Israel lela khi ketenwa), nu Jakob tsa taghakeni, Israel mizza taghakeni bha kechithu, cüki na ben. Atsa kepathu miwi Josef cüki, nu khatinu Jakob nu ma tsa kepathu theghi ssi wa Ejipt wi hangya khe zhü theng.
Lesüshen hawa na anyi cüki kekhi miwi Anyiza na atuwa ntsa mangwa sachi khe tsü khiben. Anyiza na atssan sakechi cüki pi ketegü wa theng, nu Anyiza na keshüthangla ma nyithu sheimeshen benden kesa khishi kechi pi asakhen satheng. Lesüshen ha chuli aghutiwa na Anyiza yencüki, ghankenan nu ketizenkesa pi sazzi ketenthu cü, ma nyithu lentsütson nu kiqa cü, nu mathu kahang cüki kiden cü ketenwa. Kheni lesüshen hawa hana anyithu kenondi nu kenondi tsü ya hangben thsüle kesa cüki zhüketheng.
Hawi Kebenthu
Atssan wi kebenthu nu anyi sakechhi 1.1—2.25
Kesami atuwa nu tsü ghena ketizenkesa 3.1-24
Adam na wa Noah kecu 4.1—5.32
Noah nu atssükedon 6.1—10.32
Babilon ducükezhü 11.1-9
Shem na wa Abraham kecu 11.10-32
Abamyithu: Abraham, Isak, Jakob 12.1—35.29
Isau shicübvüghathu 36.1-43
Josef nu ma cünyuthu 37.1—45.28
Israel nyithu Ejipt wi kahang 46.1—50.26
Zur Zeit ausgewählt:
ADECHHÜ Ajühtuwa: RENGNBSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.