Johannes 4
4
O STARTO KAPITLO.
1Gana o Rai hadschardass, hod ä Raschaiya tschundä, hod o Jesus mai bute Ssogalowuren gerdass dai boldass ssar o Johannes. 2(Jesuska woï tschi bolelass, ferri leske Ssogalowura). 3Zirdassdar anda Temm Judäa dai zirdass bale andi Galiläa. 4Woï ssite jallass perdal i Samaria. 5Dai awilass and’et Foro andi Samaria, godo Foro buschollass Sichar, basche baschei Puwa, sso o Jakob beske Schawes, ä Josephos dassass. 6Godo ssass ä Jakoboski Chaying. Ga kino ssass o Jesuska ä Pirimastar, beschlass bai Chaying: worta schow Schassura ssass. 7Dai awilass et Schuwli andai Samaria, hod de perel Bayi. Ale lako o Jesuska: De ma hod de piaw. 8Leske Ssogalowura ando Foro gelässass, Chabe de ginen. 9Ale godo samaritischko Schuwli leske: Ssar manges mandar de pes, ga tu et Jidowo ssan dai me andai Samarien. 10Jesus pendass lake palpale: De bindjaressas ä Dewlesko Dinimo dai godoles, sso Bayi mangel tutar, hat tu rudjissas les, woï dellass tut jiwindo Bayi. 11Penel leske i Schuwli, ei nai tu sso ssa peres dai i Chaying iggen bari, katar les tu o jiwindo Bayi? 12Mai but ssan tu ssar amaro Datt Jakob, sso dass ame gadi Chaying, dai piyass woï, leske Schawe dai leske Wadura anda la. 13Jesuska pendass lake: Gon anda gado Bayi pel, hat bale truschaiwel. 14De gon pella anda godo Bayi, sso me daw les, godoles schoha tschi lella i Trusch; hamen godo Bayi sso me do les, gerdjolla ande les Chaying, sso mindig ando eregescho Draiyo follia. 15Pendass leske i Schuwli: Raiya de wi man getzawo Bayi, hod de na mai but truschaiwaw dai de na drobunaw de awaw kate de peraw. 16Ale o Jesuska lake: Ja! dai kar tschire Romes, dai aw bale. 17I Schuwli pendass leske: Nai man Rom. Jesuska pendass lake: Tu mischto pendan: Hod nai tut Rom. 18Bansch Rom ssass tut, dai but tschatschimo: godo, sso akanik ssi tu, nai tschi godo tscho Rom; tu o Tschatschimo pendan. 19I Schuwli pendass leske: Raiya, me dikaw hod tu et Dudoscho ssan. 20Amare Dada be gadala Pleiya rudjinas, dai dume penen, hod andi Jerusalem ssi o Tann, ga ssite rudjinas. 21O Dēl pendass lake: Schuwle, badscha mange, awel o Zeito, hod tschi be gado Plei dai tsch’andi Jerusalem tschi rudjina ga o Datt. 22Dume tschi janen, hod be gas rudjin; hamen ame janas, hod be gas rudjinas, ei o Mischtimo awel ä Jidowondar. 23De awla o Zeito dai wi ssi aba, hod ä tschatsche Jene bo Datt rudjina sswuntona Odjassa dai ando Tschatschimo. 24O Del sswunto Odji, dai ssawe bre les rudjin, hat godola sswuntona Odjassa dai ando Tschatschimo de rudjin. 25Penel i Schuwli leske: Me janaw hod o Messias awla, sso buschol Christus. 26Godo de awella, hat ssa penla amenge. Jesus pendass lake: Me ssim godo, sso worbi tussa. 27Leske Ssogalowura awilä dai tschudinas pe, ga worbiyass a Schuwlassa. De konig tschi pendass: Sso pusches, dai sso penes lake? 28I Schuwli muklass beski Koro kote, geli ando Foro dai pendass ä Gayenge: 29Awen, diken ette Manusches, godo ssa pendass mange, sso gerdem, hod nai o Christus? 30Dai gelä anda Foro dai awilä leste. 31Adschik ä Ssogalowura pendä leske: Raiya, cha! 32Woï pendass lenge: Man ssi et Chabe, sso dume tschi janen anda le. 33Puschgerde pendar ä Ssogalowura: Andass leske warikon Chabe? 34Jesus pendass lenge: Muro Chabe ssi godo, hod mure Dadesko Gindo de geraw, sso man bischadass, lesko Baiyo schipo agor de geraw. 35Na gade: Inke star Schonn ssi, dai awel o Rayimo? Diken, me penaw dumenge: wasten dumare Jaka dai diken be Puwaw; o Semmo lascho aba. 36Dai gon schinel, godo wi gabiy dai rodel o Semmo bo eregescho Draiyo, hod de bukurin pe ketane, gon schudass les anglunes andi Puw dai gon schinel les. 37Gade i Worba tschatschimo, gon schol o Semmo andi Puw hat gon rakel les. 38Me bischadem dumen, hod de schinen, sso dume tschi butschasindan; awera butschasindä, dai dume ande lengi Butschi awilan. 39But Jene andey Gaïdje badschanas bai Schuwlake Worbi, ga pendassass: Woï ssa pendass mange, sso me gerdem. 40Gana ä Gaïdje beste awilä, rudjindä les, hod lende de aschel; dai woï aschilass duy Djes kote. 41Dai inke mai but Jene badschanas anda leske Worbe bre les. 42Dai pendä a Schuwlake: Ame akanik na aba tschä Worbi, sso pendass tuke, badschas; hamen ame schundam dai diklam hod gadoy o Jesus Christus. 43Ba duye Djessen zirdassdar kotar dai zirdass andi Galiläa. 44Ei woï pendass, o Jesuska, hod et Dudoscho ande lesko kantschi nai. Gana andi Galiläa awilass, 45linnä les ä Gaïdje kote opre ga diklessas hod andi Jerusalem dai bo Baldo sso gerdassass: Wi won bo Baldo awilässass. 46O Jesuska awilass bale andi Kana, andi Galiläa, ga o Bayi gerdassass Molake. 47Dai ssass et Grayisko, lesko Schawo nasswalo ssass andi Kapernaum. Godo schundass, hod o Del awel andai Judäa andi Galiläa gelass leste dai rudjindass les, hod de awel dele de judi leske Schawes de godo Merimasko nasswalo ssass. 48Jesus pendass leske: Gana dume tschi diken Ssigimo dai Tschudi, hat tschi badschan. O Grayisko rudjindass les dai pendass: 49Aw, Raiya, mek muro Schawo merel. 50Ale o Jesuska leske: Ja Khere, tscho Schawo trayi. O Gaidjo badschandass leske Worbenge dai gelass. 51Dai bo Drom reslass leske Foglon, godola andä leske o Hiro: Tscho Schawo trayi. 52Dai puschlass lestar, hod ssawo Tschasso ssass lesko Schawo mai feder. Ä Foglura pendä leske: Aradschi, bo eftato Schasso muklass les o Nasswalimo. 53Dai hadschardass o Datt, hod worta godo ssass o Schasso, gana Jesus pendassass leske: Tscho Schawo trayi. — Woï dai leske ingregi Jene badschandä ando Del. 54Godo ssass o awer Baiyo, sso o Jesuska gerdass, gana andai Judäa ga i Galiläa awilass.
Zur Zeit ausgewählt:
Johannes 4: LOV1930
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
First published by the British and Foreign Bible Society in 1930.
