Markus 16
16
DEŠŠOBTO KAPITLO.
1Her ta gejes kome o kurko glanopral, kerden Maria Magdalena, Maria o Jakobester dai, ta Salome hakerlai kova ta gejeslen koi ta makjen les drin. 2Ta jon vejena o ersto dives i kurkester ani taisirlakro paši handakeske, her ta gejes o kham pre. 3Ta jon phenden telavaverkend. Kon čidela men kova bar o vuderester kava handakeste nikli? 4Her ta dikhen len koi, dikhena jon ta his o bar nikli čido, ta job has baro. 5Her ta gejes jon ani handako, drin dikhenlen i murš paši čači bešdo, ridlo i parno ripenenca, ta jon darden pen. 6Kava ta phendes apo lenge: Darena tume gar! Tume rodena Jezuses o Nazaretester o trušuldeskero; job hi preštardo, job hi gar kate; dikhena o kunč, kai čiden len les. 7Džahas tume koi, phenena lesker sikermangerende ta o Petruseste: Job džala tume glan pale Galilea, kote veles ta dikhen les, her ta phendes job tume. 8Jon ta gejen len vri, ta našen penge i handakester nikli, ta o dar ta triserpen taperden len, ta jon phenden kenkes čomoni; ta jon daren pen le.
9Her ta štejeslo taisirlakro o ersto dives i kurkester pre, vejeslo sikeder i Maria Magdalenake, kai traderdeslo later efta bengen vri. 10Kaja džejes koi, ta phendes les kalenge, kai his len paša leste, kala kai kaiden ta ronden pen. 11Her ta hunden jon, ta hi lo džido ta veles later dikhamen, pacena les gar. 12Ta pala sikerdeslo job ani vaver trupeste duienge lender api drom, kai ta džejen pen apo them. 13Ta jon džejena koi, ta phenden les o vaverende; jon ta pacjen lenge či.
14Palduno sikerdes pes job kola dešjekenge, kai bešjen paši chamaskero; job ta čingerdes lenger bipacepen, ta lenger midžiko dzi, vel ta pacenle kolenge gar, kai dikhen les, her ta has lo preštardo. 15Ta job phendes apo lenge: Džan tume koi ani celo phub, ta rakerena o sastobičerpen hake džene. 16Kon ta pacela ta hila boldo, kava vela hilderdo, kon ta pacela či, kava vela gar hilderdo. 17Kalen kai pacena veles kome kaja botenge kandlo: Ani miro lab tradena jon bengen vri, ta rakerena o neve rakerpenca. 18Hadervena sapia pre, ta pijena čomoni merdes, pala kerene les či; api naselenge vel ta čiden jon lenger vast, ta jon velen saste.
19Ta o rai Jezus, her ta rakerdeslo lenca, veles pre‐ando ani bolapen, kote bešelo paši čači o Devleste. 20Jon ta džejen koi, ta rakerden api celo phub, ta o Rai has lenca ta zordeslo o lab druchi kola botenge.
Zur Zeit ausgewählt:
Markus 16: SINT1912
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
First published by the British and Foreign Bible Society in 1912.
