Markus 15
15
DEŠPANČTO KAPITLO.
1Ta sik ani taisarlakro keren i barerašaienge ta i phurjenge ta i livrosikermangerenge ta i celi buchli les vri, mekjen ta kliderden Jezuses, ta anen les nikli, ta bičerden les i Pilatuseske. 2Ta Pilatus phučes les: Hal tu o kralo o biboldender? Job ta rakerdes ta phendes apo leste: Tu phene les! 3Ta o barorašaienge andena but midžiko Kova prala leste glan. 4Pilatus phučes les komoli ta phendes: Rakerehas tu či? Dikhe, havi baro kova anen len prala tute glan! 5Jezus ta phendes či buter, pala kerdes Pilatus bare jaka.
6Api baro kurko mekjeslo lenge jekes kolender kai hin štilde, komes ta kamenlen. 7Pala has jek, Barabas khardeslo, kai vejes štildo kola godlopencer, ta ani godlopen mardeslo jekes. 8Her ta vejes o čel pre, mangeslo, job kamela ta kerelo lenge, her kerdeslo ha. 9Pilatus ta rakerdes lenge ta phendes: Kamena tume, mo ta daues tume piro i kralo o biboldender? 10Job ta džandes, ta vela kola barorašaiender i chojater phukerdo. 11Kola barorašaienge anden o čeles pre, ta dela job lenge o Barabas piro. 12Pala rakerdes Pilatus ta phendes apo lenge: Ho kamena tume, ta keraues me i kraleste o biboldender? 13Jon dejen papele godli: Mo ta velo trušuldeni. 14Pilatus ta phendes apo lende: Ho kerdeslo ta hi midžiko? Jon ta dejen papele godli: Mo ta velo trušuldeni! 15Pilatus ta kames ta hi o čel pokoni, keake dejeslo lenge o Barabas piro, ta job dejes o Jezus, ta velo pala o čupniden ta trušuldeni.
16Kola kuremangere anden les ani trujel o montaiester, ta kharden o celo hufke ketene. 17Ta čiden i lolo ripen drumoleste, ta kerden i karesker cepani, ta čiden la les pre. 18Ta jon parkerden les: Parkerdo hal tu kralo o biboldender! 19Ta jon kurden lesker šero i čupenca ta čungerden apo leste, ta pejen apo lenger čang, ta kerden her ta kamjen les. 20Her ta prasaden pen les, lejen jon les o lolo ripen tele, ta randžerden peske lesker kola, ta anden les vri, ta velo trušuldeni.
21Ta jon taperden jek, kai gejes pašaglan, Simon Kirenester, kai vejes o gibester, i dad o Aleksanderes ta Rufuses, ta hidželo lesker trušul. 22Ta jon anden les i kunčeske Golgatha, kai kharela: Šeresker kunč. 23Pala dejen pen les mol i bigudlo (bitteren) kovenca maškermen ta piel; job ta lejes les gar. 24Pala ta has lo trušuldeni, koterden jon lesker kola, vicerden o meklopen kater pral; kon mo ta veles čomoni. 25Has kome i trinto kori, kai trušulden les. 26Ta has i pralačinepen lesker doš prečindo: O kralo o biboldender. 27Ta jon trušulden les i dui marepangerenca, jek ap lesker čači, ta o vaver ap lesker zerbi. 28Kana veles o činepen čačo kerdo, kai phenela: „Job vejes gindo tela i došengerende“. 29Kola ta gejen pralaglan, praserden les, ta grotlden lenger šere, ta phenden: „Oi, ta phagere tu o kangeri tele, ta kerela papele ani trin dives. 30Hilderve tuke, ta ve tele i trušulester.“ 31Keake praserden nina o barorašaienge ta livrosikermangerende ta phenden tela vaverkend: Vaveren hilderdes job, leske našte hildervelo gar. 32Christus o kralo o Izraelester, ve kome tele i trušuleste, me ta dikhahas ta pacahas les. Nina kola kai vejen leske trušuldeni praserden les. 33Her ta vejes o šobti kori, has i tamelopen api celo phub džin o ejati korieske. 34Ta dran i ejati korieske dejes Jezus baro godli ta phendes: Eli, Eli lama sabachthani? Kova kharela: Miro Devel, miro Devel, hoske mekehas tu man? 35Her ta hunden jekenge lender kai hi len kate tardo, phenden jon: Dikhehe, job kharela o Eliaseste. 36Jek ta našes koi, čides i ješka o šutenca perdo, špildes les i čepeneske ta dejes les ta piel; kai phendeslo: Mekena foni me kamahas ta dikhas, kai ta vela Elias, ta lejeslo les tele. 37Jezus ta dejes baro godli, ta merdes. —
38Ta o baro than ani kangeri cerdes preender džin telender. 39Her ta dikhes o barokuremaskero kai his kate tardo, ta dela lesker mulo pre, keake baro godledo phendes job: Čačo kava dženo has o Devlesker čavo! — 40Has les nina kola romia kate, kai dikhena duralester, tela kalen has Maria Magdalena ta Maria o tikno Jakobusester, ta o Josefester dai, ta Salome. 41Kai našen pen les pale, her ta has kome ani Galilea, ta but vaveren, kai džejen pen lehe pale Jeruzalem.
42Kai ta has brevul (has o dives glan o kurko) vejes Josef Arimathiaro, 43i šuker rai, kai ačjes nina api Devlesker them, ta gejes rišo paša Pilatuseske drin, ta mangjes pes i mulo trupo o Jezusester. 44Pilatus ta kerdes bare jake, ake ta merdeslo, ta job mekjes, ta vela i barokuremaskero, 45ta phučes les, ob ta merdeslo. Her ta džandes job o barokuremaskereste, dejes job o Josefeste i muleskertrupo. 46Josef ta kindes pochtan, lejes la tele, job kerdas kola pochtan drumo leste, ta čides les ani handako; kai has ani baro bar kerdo, ta čides o bar glan i vuder o handakester. 47Ta Maria Magdalena, ta Maria i dai o Josefester dikhen les, kai vejeslo drin čido.
Zur Zeit ausgewählt:
Markus 15: SINT1912
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
First published by the British and Foreign Bible Society in 1912.
