Osee 8
8
Vana saŋ pɛ hoeiye, o kow felenfelenndo
1«La hɔŋ lee saa!
Dɛnɛ palaa tol o cɛi Mɛlɛka-o coo maa kovɛ,
kani vannda kpakpala kpema nuu,
à del kasi a tɔŋ nuu.
2À yondanin o ya lo aa:
‹Hala naa, n sinà nɔm, naa Israɛlla.›
3A kɛɛ ɲɛ kɛndɔɔ.
Lelan, yaamɔɔa toawnin nda.
4À kennun masaa, à ɲuna ya le,
má hɛli simlacia, i ve o sina nin te.
Má cɔaw piɔmnda a volin ndan a á sianin ndan,
Ken nda tosa ni le laasianndo.
5Éé niaa Samaria!
La viow nin naw tova téndé
niaa cɔw hoo a sianion-ndo.
La tùùlú ya bɔɔ kɔllo nin.
Háá lɔ́ɔ́ kuɛɛ niaa lo yɛnin
bumbaa le dɛnnda vana yaala niaa coo le lan tosaa?
6Kani Israɛl naw téndé niaa kon fula ni.
Vana cɔavaa pum cɔw ndu ni,
o co hala le o co le.
Lelan, le naw téndé kon Samari
pesipesinnin vɔ́-vɔ́.
7Le tùú niaa co hoeiye saŋɔɔ-o,
la koawnin felenfelenndo.
‹Malun cuulu yasa lon soli kpeyan te.›
Te n soli yɛ pɛ kpeyanndo,
mɛɛ mialla dianin kpeyan kon ni.
8Vannda cii Israɛlla misimisi.
Nihau, a siŋnun maa ɲɛ vana yeema lɛ loo
vanaa-mangalaa-isɔɔa tɛɛn.
9Kani Asiri nda kɔɛnnun ni.
Sofɛlɛ yondo connun o ba ndɔɔ coo,
kɛ polale Efraim-nden,
bɔnɔɔ nda luɛi le sámáá sɔlaa ni.
10À co bɛɛ vanaa-mangalaa-isɔɔa ɲɔɔn keo nuaa,
telenndo tiiya le mì cuungiaa nda.
O lo ɲɛ-pɔmbɔ mà luɛi o sangaa nin,
o kpòndò masa kpaaya bɛndoo bɛngu.
11Kani polale Efraim-nden le vangaliaa
fondala-loamaa-lasálàlan le hakilan vɔɔsuuo,
kɛ fondala lan la cɔɔlu nda bollen luei
o hakilan tosaa nin ni.
12I sɛval bɛɛ nda tɔŋnda nilan vaalan o vaalan nin,
à canin kon lan maa lepilɛ bɛɛ a sina lan te.
13O co fúú le nda kaola ya sálàlan solullo le,
kani nda pila co visin mun dioo ni.
Kɛ ya Mɛlɛka, sálàla lan la bii kɔl te.
I pɔɛ́ɛ́nùn yɔŋnda ndala vɔɔnndan te,
i soaŋnin nda le hakila ndalan.
Haa, fɔ mà muungu Esipte!
14Cuavaa Israɛlla pɔɛɛnun vana cɔw nda-o
mà tengulun cɛila lemasalan.
Yudaa tengulun kobila mayoomulan taw.
Kɛ i co hunɔɔ kobila ndala lan malɔɔ yin,
mì yinnden le lom cɛila lemasala lan.»
Zur Zeit ausgewählt:
Osee 8: BKG
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Alliance Biblique en Guinée